|
الدهن بالعتآقي .. !!!
السلام عليكم ..
يقولون .. ( الدهن بالعتآآقي ) .. وهو يقول ( الآ ليت الشباب يعود يوما فأخبره بما فعل المشيب ) .. الحكمة دائما تكون بالخبره .. ولكن مانرآه الآن أو نقول نسبه من كبار السن من الشيبان والعجز .. تجده كل شيء مسوي أنه فااهم فيه .. حتى آيفون 6 هو اللي بيفصل برامجه .. وماعنده وعندها صبر .. ما آثار .. كتابتي لهذا الموضوع .. وهو الأطلاع على تفاعل كبار السن وخاصة بالتقنيات الجديدة .. سواء منتديات أو تويتر أو صحف ألكترونية أو وآتس آب أو اي موقع فيه تواصل جماعي .. تجده .. وتجدها .. حينما يتفاعل بموضوع أو حدث أو نقاش أو حوار .. لا ترد بعده لأن كلامه على أي حدث ليس له متمه .. وهو الفاهم وبنظره من يتناقش معه هم مجموعة صغار يعبثون معه .. هو يستعين بخبراته في الحياة القديمة اللتي كانت بشبابه وشبابها .. ويريدون أن يتماشو معها هذا الجيل .. ذكرياتهم بحلوها ومرها .. بنظرهم أنها أساطير لا تتكرر مع أن هذا الجيل يطلقون عليهم .. جيل الطيبين .. لبساطتهم يمكن وعدم تكلفهم .. حتى بعد التقاعد .. تجد ذلك الطيب الكبير في السن .. له .. تصرفات في بيته .. يعتقد بأنه هو الصح ويااويلكم تعاندونه .. يسكر اللمبات .. يطلع قشاقيش بالمستودعات .. يزرع نخله قدآآم مدخل السياره .. يفتح باب على الحوش الخلفي .. ماافيه شيء آسمه تغيير .. سواء موكيت مطبخ أو كل مايخص البيت .. جايز لك والآ غادر البيت .. حتى ثيابه مايبي يغيرها وشماغه اللي فيه طبعة شماغ البسام السوداء هو الأصلي بنظره .. ومستحيل يغيره أو حتى يمسه غسيل أو كوي .. والعجوز المتقاعده ... تجدها .. صايره ماغير .. بعياله وحريم عياله وبناته ليش تسوين كذا وليه تقصين شعرك يالعاهر وليه تلبسين بنطلون وليه تصبغين شعرك وانت يالكمخه لاعبتن عليك بنت الناس .. ماغير تكزكزك يالمكزازه .. وهنك تعارضهم .. بيطلعون لسانهم ويقولون مابقي الآ انت أو أنتي تعلموننا الحياة .. وهذا الحاصل في مشاركات بعض كبار السن في التقنيات .. تجده حينما لا يجد شيء يتلهى فيه .. يدور آقرب مخرج .. سواء مشرف والآ مشرفه والآ مدير والآ موضوع والآ عضو والآ عضوه .. آهم شيء يسوي آآكشن .. أو فلم تجده ينتقد أو يهااوش أو ... مايعجبهم شيء ويقيس الآخرين بعقليته .. وعقليتها ويريدهم .. فقط يقولون له ولها سم وسمي .. نعم إحترام كبار السن والوالدين وآجب ومراعاتهم يجب أن تكون من أولويات أي شاب أو صبيه .. وحتى لو كانو على غلط .. آمسحو على رؤسهم وقبلوها وقولو لهم صح لسانكم .. مامدى تعاملكم مع كبار السن .. ؟؟ بأي تصرف منهم تجاهكم .. ؟؟ |
الله يختم لهم بالجنه يارب تصرفاتهم هذي بسبب بعد الابناء على قولتك لاهين عنهم وبنظرهم مومعقول بعد هالعمر يسفهوننا باشياء تافهه وخصوصا انهم يعانون من فراغ وقل صحه هذا يأثر على نفسيتهم وتصرفاتهم تجاه الابناء انا عن نفسي اعطيهم جو خلهم يقولون اللي يبون حلو انهم يلحقون على اعمارهم ويتماشون مع العالم لو بشي بسيط ومهما حصل من تصرفاتهم اوكلام سيئ الصمت هو سيد الموقف عندي بعده ازين اللي اشوفه صح من وراهم بدون جدال وكثرت همق.. مابقى من العمر كثر مامضى
|
اقتباس:
بالفعل تطرقتي الى شيء مهم وهو .. الفرآآغ الذي يعاني منه كبير السن .. وينعكس ذلك على تصرفاته .. يمكن هذا بالحياة .. ويمكن انا في طرف آخر .. من الموضوع تطرقت الى بعض التصرفات من خلال التقنيات مثل المشاركة بأي مواقع تقنية .. هم يريدون أن تكون الحياة على كيفهم ولكن ربما .. أن طاعك الزمن والآ طيعه .. لأنك بهذه التجمعات لا يمكن أن تسير الأفكار على حسب فكرك .. لأننا بعهد التقنية والسرعة .. والتطوير والتجديد والتغني في الماضي .. لا وجود له في هذه الأجيال .. ويبقى كبار السن هم الثمرة الله يحسن خاتمتهم .. |
حياك تركي ..
بداية موضوعك كان عن التفاعل والحوار والتعامل معه بوجود عالم التقنية بكل مايشمله ... وبالاخير تحدثت عن تصرفاتهم مابعد التقاعد ! وهذا يسبب خلط وتوسع وتشعب ومعمعة !! عموما دعنا نقف مع سوألك في التعامل معهم ومع تصرفاتها التي قد لايستصيغها أو لايقبلها البعض .. هنا أرى أن لهم الحق في كثير مما يعملون خاصة بعض تصرفات الاباء سواء بالبيت أو أي عمل يقوم به لتوسيع صدرة والتسلية وقتل الروتين .. فلماذا نكون أوصياء عليهم ونملي عليهم مايناسب وما لا يناسب رغم أنهم يتصرفون بحق لهم ؟! |
تركي ..
كبار السن خط احمر .. نظرة الى تجاعيد جفنيه .. تعرف ما عاناه في هذه الحياة .. كانو يعشون في بؤس مرير .. حياة خشنة كا لحصير .. اجساد ضعيفه حي الضمير .. يعشقون الذكريات .. و الماضي العريق .. يحبون نوم الأرض .. ويكرهون السرير .. والفرش الوثير .. http://s.alriyadh.com/2011/06/17/img/069086556380.jpg |
اقتباس:
انا ربطت التصرفات بالحياة .. كمعيآآر عن مايقومون فيه بمشاركاتهم في التقنيات .. بكافة مواقعها .. ومقصدي .. حتى لو كان حلاللهم .. ربما لا يتماشى مع هذا الجيل .. سواء زوجته أو عياله أو بناته .. بتصرفاتهم اللتي مابعدها نقاش فكيف بتجمعات بشرية .. بالمواقع .. ولا نعمم .. هناك من كبار السن ينزل الى عقل ابو سنتين وبالتدرج في السن ويتقبل وجهات النظر وتجده فعلا خبير ومجلسه ماينمل .. تصرفات كبار السن .. ربما مدة صلاحياتها آنتهت لدى الجيل الجديد .. ولا بد من مراعاة كافة جوانب مايضمن لهم حقوقهم .. سواء من الابناء أو حتى من الآخرين .. لضمان حقوقهم .. وحتى لا نرآهم في دور رعاية المسنين أو لوحدهم .. سواء دينيا أو إجتماعيا أو رد للجميل .. |
اقتباس:
هلا بالمنطق .. وهذا ماجعلهم يتغنون بالماضي .. ولا يريدون التغيير الذي فرضته الحياة .. ولكن .. هي الحياة .. تتسابق مع عجلة الزمن .. |
ماسمعت باللي يوري جدته مقطع واحد يطبخ
قالت يازين ريحة طبخه هههههههههههههه الحل///التسليك ثم التسليك ثم التسليك |
كبار السن لهم الحق علينا في الغالب مايبحثون عن من يشعرهم بالمحبه والاحترآم ومن يجلهم
يحفظ شيبتهم عاشو فترة شبابهم في العمل ومشآركة الناس وعند كبرهم جلسو وحيدين يريدون يلهون انفسهم بأشياء تآفهه(طفو اللمبات.لاتغسلون الحوش) والمرأه كذالك بعد انشغآلها بتربية ابنآئها والقيآم بشؤن اسرتها فجأه لايجد احد كل انشغل عنها فتسبب لها ولغرها المشآكل(انتي ماتعرفين تطبخين.انتي وسخه ماتعرفين النظآفه.انتي ماتحشمينن) فالملل والفرآغ هو المخيم على حيآتهم,, التعآمل مع كبآر السن صعب جداوخآصة اذا كآانو ع خطاء,,,, لكن احيآنا يعرضون علينا افكارهم لكي نشآرههم فيها فهو يشعر بالضعف والأهمآل فيذكر كثيرا اعماله وانجآزته اللتي قدمها في فترة شبآبه ويرغب بالتحدث عنها مع غيره ,, من الطبيعي أن نتنآفر الجيل يختلف والتفكير ايضا يختلف فلنمنحهم فرصه للتعبيرعن مشآعرهم وابدآء ارآئهم حتى لوكآنت بالتقنيآت الحديثه فلنفسح لهم المجآل لمآذا لاينزل هذا الجيل لمستوآى تفكيرهم ونجآريهم بدل أن نطلب االعكس(سم ,ابشر,انت الصح ) لأنه من الصعب ان يقتنع انه هو على خطاء مهما كبر بالسن يضل مثل الطفل بعقله وتفكير اذا لم تطيعه تمرد ,, فلم يبقى من العمر كثر مامضي ولا يريدون منا الا المعآمله الطيبه وان نشعرهم بأهميتهم,, فسوف تدور عجلة الزمن وسوف نكون مثلهم فيوم سنضعف مثلهم وسيهرم شبآبنا.. ............شطحهhttp://www.buraydh.com/forum/images/icons/icon10.gif اذكر كنا في اجتماع وصارت عجوز بجنبي لو تكح ماتت وزعو كتيب وهالعجوز مثقفه, قالت اقري لي يابنيتي منهو الشيخ مامن شوف قلت ابرآهيم الدويش قالت خطاء عليك اسمه برآهيم الدوشآن هذا وانتي المتعلمه ماتعرفين تقرين اناقلت يمكن العطآله خلتني جآهلهhttp://up.rabe7.com/get-12-2009-v4tas10i.gif واوري الللي عندي قلت بالله اقري المؤلف ونفسي, قلت شفتي يآخاله لاتقولينن ماعرف اسمه ابرآهيم الدويش وتحمق علي قالت انتي ياللي توك طالعه من البيضه تعلمينن هذا انااشوفه بالتلفزيون يوم انا اللعب بالشآرع http://smilles.5d5l.com/smile_albums/sad/147.gif انا عيوني قالت كذاhttp://hh7.net/Apr3/hh7.net_13027904994.gif مآسكه الضحكه قلت يآخاله وش تبينه انتي مابعد الشآرع شي قالت الدوشآآن قلت خلاص هو هذا اللي تعرفينه الدوشآنhttp://smilles.5d5l.com/smile_albums/fun/96.png اجل تعرفه يالتلفزيون يوم هي تلعب بالشآرع وللحين عآيش قووويه ودي ودي اصدقhttp://smilles.5d5l.com/smile_albums/fun/148.gifhttp://smilles.5d5l.com/smile_albums/fun/148.gif شكرا تركي |
اقتباس:
التسليك بعض المرات مايمشي معهم وبعدين ينط بك الشايب .. ويقول شايفن بزر تسلك لي وأنت تووك ماطلعت من البيضه .. وعلى طااري العجز .. عجوز راحت للصيدليه .. قالت له ابغى فكس قالها الصيدلي : ايش ياحلوه؟ قالت: اقول ابغى تويكس http://www.cyemen.com/vb/innocence/smilies/18.gif |
قضيت ياعم تركي لكل زمان دولة ورجال
يمكن الشيبان الحين لهم شي من التقدير وقبل كان لهم تقدير اكثر واكثر والايام الجاية او السنوات الجايه يبي يصيرون مثل غيرهم الحين تشوف بدول مجااورة الشايب يعتبر عاله علي المجتمع وقد تجد شايب مازال يمارس مهنة الطب او احد العلوم ولكن لب المسئلة هي تكّون الشايب في صباه بمعنى ان الرجل بوجه عام وهذي تركيبته الفيسلوجيه يستمر بالعطاء الى ان يموت ومصداق كلامي الصحابة والتابعين وكبار العلماء تجده يحدث وهو بالتسعين او على فراشه وما حقة بالزواج من اربع الا دليل على ذلك ايضا القصد ان هذا الاناء اللي هو الشخص بماذا مليء بالصغر؟ شيباننا بما ان خلفيتهم بسيطة وحياتهم بسيطة لا وصل الستين هذرا وصار مضحاكه وعليه متخرمات لانه عاش الفقر والجوع وشاف النعمة لذلك اغلبهم انواع البخل ولكن الجيل القادم من الشيبان اتوقع يختلف اختلاف كللي عن الماضين |
[align=center][tabletext="width:50%;"][cell="filter:;"][align=center]أعتقد أنك تظلمهم برؤيتك فكل منا يمارس ذلك الدور الذى ذكرته على من هم أقل منه سنا فالزوج يعتقد أن زوجته ليس لديها القدر الوفير من الحكمة لتسيير الأمور وكذلك الأب والأم ينظران الى الأبناء بأنهم عديموا الخبرة ولدينا أيضا الأخ الأكبر الذى دائما يذكر أخوته أنه الأكبر والأكثر حكمة .ولو رجعت بذاكرتك للوراء وتذكرت وأنت طفل النصائح التى كان ابواك ينصحاك بها ستجدها بالتأكيد صائبة الآن .فهذا هو حالنا دائما نعتقد أن الكبار يريدون فقط التضيييق علينا ولكنهم بالتأكيد هم الأكثر حكمة وعقلا.ولكن اذا كانوا يدعون أنهم يعلمون بالتكنولوجيا أكثر منا فواجبنا أن نعلمهم وعندها ستجدهم أفضل منا بكثييييييييييير.[/align][/cell][/tabletext][/align]
|
وعليكم السلام
مامدى تعاملكم مع كبار السن .. ؟؟ بأي تصرف منهم تجاهكم .. ؟؟ سمووا وابشروا ومن عيوني هذا تعاملي مع جدي وجدتي ربي يخليهم لي بالنسبه للي يتفاعل بموضوع او غيره ويشوف انه اهو الفاهم اشوف انو نعطيه جووه لانه ماراح يقتنع باارئنا وطريقة تفكيرنا فيه دراسه تقول أن الخبرات المتراكمة لدى كبار السن لو دعمت بالمعرفة التقنية لا نتجت فائدة كبيرة تعود على كبار السن والمجتمع بالكثير انا ضد هذا الدراسه لان كبار السن يفرضون ارائهم ويشوفون انها اهي بس اللي صح عواافي تركي |
اقتباس:
عفيه الماس .. ممكن ادعم كلامك ببعض الصور ..؟؟ عوافي الماس .. |
http://up.brydah.org/uploads/13575927141.jpeg
متى بس امسك بيد ماما هيله اشتقت لحضنهاا فديتهاا يعافيك منطق |
| الساعة الآن 09:00 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة