منتدى بريدة - إملى الـ زوآيآ سكوت وخل عنك الـ كلآم

أِملى الزوايا سكوت وخَل عنك الكلام ..

...... بعض الــ كلام ان نطَقته ورّرث البلبلة

واختار رُكنِن بعيد وخالي من الزحام ..
...... وش لك بـِ صَفّن أخير ووش لك بـ أوله

ترا الاوادم غريزة فيهم الانتقام ..
...... وترا الــ نفوس الـ قَبيحة تعشق البهذلة

وانسج همومك مخدة تحت راسك ونام ..
...... وفـ الحلم صندوق حزنك غافلة واقفله

واضحك من الدمع لاغَطّى وجيه الأنام ..
...... الــ دمع دايم وسيلة خَلفهــا / مُشكِلَـــة

ولاقالو شلون حالك قل بخير وتمام ..
...... لا تَفتِــش الــ قلب لـ اللي ينتظــر مَقتله

وان خان قلبك حبيبك قل عليه السلام ..
...... الحُب مَسرَح ويعرض لـ البشر مهزلة

نِكتَه ليامِنّّ قيلَت اكتفي بـِ اِبتسام ..
...... ميّـــت ولـ الحين في أحشائِنا نَحمِلــة

عنوانه السب والتجريح و الانقسام ..
...... مضمونه القُبح يا رَغباتنا الــ مُخجِله

أشيا كثيرة بجوفي ماوِسَعها كلام ..
...... ترسم على الوجة لامن قِلتها /أسئلة

ياطول بالي عليكم طول ظِل السِهام ..
...... وياكبر عقلي على اللي عقلهم أُنمُله

مشكلتي اني صريحة والتزم بـ النظام ..
...... وابحث على كون ماله بـ الاوادم صِلَه

مابكي على اللي تأملت وتركني حُطام ..
...... ما اندم على اللي تمنيته وراااح و دَلَه

أبكي على كُل مُغرم فاقد الاحترام ..
...... اندم على كُل عاشِق فــاقِد الــ مَرجِلَــة

ان كان باقي عتاب وكان عندك ملام ..
...... اللي بــِ صَدرك تقـــدّم لـ الأمـــام و قِلَه

واِلا فـ هاك السكوت وخل عنك الكلام ..
...... أصلن كلامـ/ـن نطَقته سَبّبَ الـــ بلبله