|
طلقت زوجتــــــــي لإنها ماتعــــــرف تطبـــخ!!!!
بسم الله الرحمن الرحيم فاجأنا أحد أقاربي بطلاقه من زوجته بعد شهـــور قليلهالسلام عليكم ورحمة الله وذكر أن السبب هو ,,لإنها ماتعرف تطبخ ولاعندها إستعداد تتعلم الطبخ لاأخفيكم الكثير إستغرب السبب وظنوا انه يخفي وراءه سبب آخر لكن,,أكد لنا أن هذا هو السبب الوحيد! في الحقيقه لم أستغرب موقف الفتاة لإني تحدثت مع كثير من الفتيات اللاتي لم يسبق لهن الدخول للمطبخ وعندما ذكر أمر الزواج ,,كان الرد الأغلب(ماعندي إستعداد أتعلم عشانه وإذا فكرت مجرد تفكير أدخل المطبخ بدخل بمزاجي وبكيفي وهو عنده المطاعم وإلا يجيب خدامه أصلا مايحق له يطالبني أطبخ له :29_1_18[1) هل تؤيدون قريبي في طلاقه ؟؟ وهل الطبخ مهم لهذهـ الدرجه ؟؟ وأنتم يابنات ادخلوا المطبخ الدعوى به طلاق:d |
اعتقد ان الرجل اذا حب مايهمه اي شي ثاني لا طبخ ولا نفخ..
ممكن يتزوج عليها لكن يطلقها ..!!! |
تذكرت سالفة واحد يوم قريت طرحك ..
كان يقول لأصدقائه . أن زوجتي ما تعرف تطبخ .. ويقول أمنيتي أن زوجتي تعرف تطبخ مثل أمي .. ( يوم سمعت السالفه من الناس حسيت أنه ياويلي معاني من هذه المشكلة ) .. انا لا أؤيد قرار قريبك .. لو صبر عليها .. ومع مرور الوقت وبطريقته الخاصه حاول أنه يخليها تطبخ . لكان أفضل .. أنا أعتبر قراره .. قرار مفاجأ .. لأن ما تستاهل يطلقها علشان معدته .. لو طلقها بسبب مشكلة كبيره لكان عذرته .. وأنا القي اللوم على أهل البنت لانهم ما عودوها الطبخ .. سواء قبل الزواج أو يوم قرب الزواج |
وهذا يطرح تساؤل عن تهيئة الفتاة للبيت الزوجية .
في السابق كانت الفتاة جاهزة لبيتها من جميع النواحي ، الطبخ و التربية ، والتعب في رعاية الأسرة . وفي هذا الزمن تغير الوضع ، وغابت هذه التهيئة ، وتتحمل الأم والبنت المسؤولية في ذلك . ومع هذا كنت اتمنى منه عدم الاستعجال ، ومحاولة تعديل هذا النقص |
راح افتي هاذي المره ..
ترى اول مره افتي .. شرعا ما يلزمها تطبخ .. المرأة زوجة ماهي شغاله .. |
بالفعل هي إشكاليه
يعني الرجل يبي يعزم ويبي يستقبل ضيوفه وهذي ماعندها استعداد حتى تتعلم !! عرفنا الإجتماعي يحتم علينا أمور كثيره ولايوجد رجل يقبل بإن يتزوج ويجلب طباخه تبيض وجهه قدام الضيوف. يعني ياسجا أكدي على زميلاتك بإن يهتمن بفنون الطبخ مثل إهتمامهن بالمكياج والموضه |
اقتباس:
يقولن أبد لوهو حابه كان تحمله بس يمكن شعوره عادي تجاهه وزارد الطين بله عناده بأمر الطبخ خاصه جيل هالحين صار الطلاق عندهم أسرع حل!! شـــــــــــرفتي مشرفتنا |
من حقه يطلق , .
يعني يجلس كذا على مطاعم طول عمره !! يجي تعبان ومداوم يجمع كم ريال عشان يصرف عليها و يعزها وهي مو قادرة تطبخ له لقمة يسد فيها جوعه !! اذا ماتعرف ياكثر كتب الطبخ ولا ارخص ولا الذ بعد , . ان معه بالطلاق ومن حقه الصراحة , . ~ |
مرحبا ليس السبب الطبخ ! فالطبخ كان هو الشرارة الأولى لنهاية الارتباط ! السبب الحقيقي هو انعدام مبادئ الحوار ! بالإضافة لخلفية الزوجين عن معنى الارتباط .. فكلاهم مشحون على الفاضي ! فهو متخلف بزيادة وهي منفتحة بتخلف ! |
اقتباس:
أذكر صديقه خالتي مسكينه دايم تشكي تقول إنه ساكنه بالدور الثاني وأهلهم بالدور الأول تقول دايم مطيح عند أهله وياكل من طبخ أمه يقول من زين طبخك ماأبيه:confused:طبخ أمي يالله من فضلك.. اقتباس:
اقتباس:
بس شكل الطبخ عامل عمايله في الرقاله.. وياأخ عــادل أنا ملاحظه شي ع البنات الوحده ماخذه مقلب بنفسه تظن إنه إذا قالت ماراح أطبخ لك يقوله أبد ولاتطبخين عشان ماتخشن إيدينك وإذا تهاوشوا تقلد المسلسلات طلقنيييي ومن بكرا ببيت أهله وفعلا أهل البنت هم السبب شكرا لك |
اقتباس:
لا والله ما أيد هي بس جت على الطبخ هذا أمر بسيط جداً والصراحة أن قريبك هذا عنده نقص بالإدراك ، لا أعتبر الطبخ هو شيء أساسي للحياة الزوجيه أنما هو مكمل فقط وممكن تتعدل الأمور فيما ما يصلح الواحد يستعجل ،، هذي وجهة نظري .. الله يرحم حاله بس قضت المشاكل على الطبخ .. إلا ما تذكر لنا هالبنت الي ما تبي تطبخ ولا تعرف الطبخ وأنا بنفسي أخطبها وأتزوجها وأطبخ عنها وأصلح بوفيه بعد هههه |
اقتباس:
ردك هذا على الجرح للـأسف الحين البنت من أول ماتخطب وحتى ليله الزواج تتجهز بشراء الملابس والماكياج وغيره ولم تتجهز بالأهم لاتهيئه دينيه تتزوج ماتعرف الحقوق الواجبه عليها ولاتعرف الأحكام المتعلقه بالأمور الزوجيه والطلاق وغيره. ولا تهيئه منزليه ماتعرف تدير أعمال البيت. ولاتهيئه حواريه ماتعرف تحاور زوجها تحاوره مثل ماتحاور صديقاتها ولاتهيئة ثقافيه وأشيااااء كثيره تجهلها ممايؤدي بها لمشاكل عده بعد الزوااج شكرا لك |
وبعدين أنا أستغرب من بعض الناس يتعايب يدخل المطبخ ،، ما فيها شي لو يدخل ويطبخ بعض الأحيان الي يقدر عليه ،، يضبط الكاتم مع لحمة الحاشي ولا يصلح بيض يتعلم ويستفيد ..غريبه بعض الناس
|
اقتباس:
بس وش فيها لوطبخت لزوجها وأبو عيالها وبعدين أنا مدري وشلون الناس يتحملون أكل المطاعم لمده طووويله وبعدين تراهـ طبخ مابه قطع أرقاب المنطق شـــــــــــرفتي |
أحب أقولك سالفه بعد ،،، أنا قبل زواجي من الي معي الآن خطبت وحده قال أبوها صغيرة وهي صدق صغيره عمرها 16 سنه عاد قال أبوها ودي أعطيك أياها لكن ولله ما تعرف تزين الشاهي قلت أنا أصلح الشاهي عنها بس عطنياها ،، وهي على الرجال الي ذكرته طلق بسبب ما تعرف تطبخ ، ما تعرف تطبخ من نعومتها يا أخي ،،،
|
| الساعة الآن 09:31 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة