منتدى بريدة - (*·.¸(`·.¸Elegant Dessert ¸.·´)¸.·*)

¨°o.O Elegant Dessert O.o°"

http://imagecache.te3p.com/imgcache/...162bce02f0.jpg

المقاديـر ...

كوكيز او بسكوت دايجستف - يعتمد عالحجم اللي تبغينه

3 أظرف دريم ويب
5 حبات جبن كيري
4 علب قشطة طازجة
1 علبة نستله كبيره
1 فنجال شاي حليب سايل
1 م ص جيلاتين مذوبه بنصف فنجال الشاي مويه حاره

مكسرات مجروشه
قرفه

جاناش وهو عبارة عن شوكولاتة تذوب في حمام مائي ويخلط معها الكريمة الطازجة

~ الطريقهـ ...

نبدا بتجهيز القوالب ، وافضل انه تجهزينها قبل بكم

جيبي القطاعات الدائريه ، الكبيره على حجم الدايجستف والصغيره على حجم الكوكيز ::

http://imagecache.te3p.com/imgcache/...7c97eb754f.jpg

قطعي قصدير لقطع مستطيله واثنيه بالنصف علشان يثقل ولفيه عالقطاعه ولصقي الاطراف

مثل ماتشوفون بالصوره ::

http://imagecache.te3p.com/imgcache/...a821095a15.jpg

سبق وجربتها بورق زبده ماضبط ..
ممكن تقولون ليه هالحوسه ، ليه مانحطها بصينيه ونقطعها بالقطاعات وبلا هالسواليف
راح اقولك لك ليه ، لانه الحلا مو مره متماسك فصعب تقطيعه بالقطاعه

جيبي البسكوت او الكوكيز - على حسب الحجم اللي انتي راغبته -
بس افضل الكوكيز لان الحلا ثقيل شوي ماينفع قطع كبار ،،
وادهنيه بشوي حليب سايل او مويه ونسكافيه او حتى عصير برتقال جاهز للناس اللي يحبون الطعم الغريب
بس علشان يترطب شوي ، وحطي عليه دوائر القصدير ..

اخلطي مقادير الخلطه البيضاء كلها بالعجانه او بالخلاط اليدوي الكهربائي حتى تتجانس
وصبيها عالكوكيز وضبطيها من فوق بحيث تكون مستويه ودخليهم الثلاجه يبردون وقت طويل

http://imagecache.te3p.com/imgcache/...5b6bb1b67f.jpg

نجي للحشوه اللي فوق ،،
ممكن تحطين اي شي ترغبين فيه
كل انواع الباي فيلينق تبع التشيز كيك تمشي ..
بس بالنسبه لي ألذ حشوه حسيتها ماشيه معاه ومعطيته نكهه جديده
انه تجيبين مكسرات مجروشه - -
واخلطيها مع قرفه مطحونه ورشيها عالوجه ،،

http://imagecache.te3p.com/imgcache/...481877e96e.jpg

بعدين صلحي جاناش شكولاته مثل ماسويناه قبل واتركيه يبرد شوي وصبيه فوق المكسرات
ورجعي الحلا الثلاجه لغاية وقت التقديم ..
لما تقدمينها شيلي القصدير عنها وتذوقي الطعم الرائع ,,,,,,,

http://imagecache.te3p.com/imgcache/...e409dbc841.jpg

http://imagecache.te3p.com/imgcache/...cc7e772c24.jpg

وبالعاافيه http://vb.dll3.com/images/smilies/24.gif