منتدى بريدة - •... يا اللي شريت البعد ما غاب طاريگ ♥ •

شفتك بعد غيبه .. وحاولت احاكيگ
مهوب من قلبي ولا من جراته !!

بغيت اقول / فلان وازريت اناديگ
وكني سمعت اسمي معا لالتفاته

فزيت من نومي وانا اقول لبّيگ
وآثرك رويا .. في منامي وجاته !

صفقت كف .. وقلت : يا حلم يشويگ
جدّدت لي جرح ٍ هنى في مباته

يا اللي شريت البعد .. ما غاب طاريگ
حتى لو ان البعد .. سوى سواته

مهوب محزني .. على حاجةٍ فيگ
إلا ,, " إن قلبي شايف ٍ بك غناته " !!

كن الطيوف تقول : وشحال غاليگ ؟
وآقول : راح .. وما بقى الا غلاته ..

( لو ان ما جاني من الهم ياتيگ
كان المصلي ما حفظ وش صلاته ) ...

مريت شارعكم .. وصادفني أخيگ
واللي قطع كبدي .. حلاتك حلاته ...

بغيت الخبط من دعاياه ,, وادعيگ
واسمك وقف بين " اللسان ولهاته " !!

وبغيت اجيب العيد ,, وآقول : يرضيگ
فاللي وصاتي له .. وضيّع وصاته

البعد شيّب خافق ٍ ميت فيگ !!
والى مشى خطوه عثر في عصاته ..

مشكلتي / إن قلبي يحبگ ويغليگ
ومشكلتگ / انك شخص عايش حياته !

كثر الجفا .. " نار " .. وحطبها تغليگ
خف الحطب .. لا تزيد نار الشماته

إن ما احزنك جرح ٍ برجواه يدعيگ
ما عاد تفرق .. عيشته من مماته

قلبي وعمري .. كلها بين اياديگ
العمر فدوه .. لگن القلب " هاته " !!

وإن ما بغيت ترد قلبي ما اوصيگ
" احسن عزاه .. الى دريت بوفاته رااااااقت لي