|
أظنها أول مشاركة لشاعر من مدينة البيّض:التوبة يا خالقي راني نادم (ع مهيدي)
يا لايم في حالتي زيد و لوّم**********و اتسبب فالملامة و اسعاني خصصني بحديث بلاك اتعمم**********بالتفصيل تعيد حالي كيراني لا تستر خافية عني تتكتم**********لاتجحد فاجمايع سري و كناني واه عيوبي كاثرة والفم اتلجّم*********و اقلبني لحرام ساد في زماني الدنيا كي الفلك سايرة تعّوم***********ما يثبت حالها ما تعود ثاني والهم إذا طال ماهو مدوّم***********و الزهو إلا جاك راك هاني الطير يلا طار بدّو يحوّم************يرجع للوطى ولبرور يعاني تهزل راعية مردوف مشحّم*************و يفقر بعد المال كل قاني الولد بلا طاش ساهل يتعلّم***********و العالم مايسقم طيش الشيباني الهدار سلاح فمه يتقرضم************صيفة مايحة و حديثه نسواني الطماع يطيع ليدين يسلّم************ماعندهش النيف عنّه متقاني احديثي ليه قياس منّه يتفهم************صامط لحديث ما فيه امعاني ميزان الراتب فالهنى منعّم***********والميزان خفيف فالهم هاني النفخة لشبعان بيها يتكرّم************و الجيعان شناه عامر بالفاني السيّة لحسان يخفيها يردم************لعسل قلبي و جبوحه شرياني الشينة تالية و يوتيها ظالم***********و يجيب لي كان سفلي فوقاني الحقار يجي نهاره يتذمّم************و يقول لي كويته راه كواني باه حكمت الناس راني نتحكم*********و باه جنيت ربي جاب جاني الصقر يلا فات عنو نتندّم*************نتفكر ونقول جهدي سعاني هرمو نتاج كنت معاشرهم*************و ادات الموت شلّة قراني خالطت حرام عني كان حرم*********و بياض الراس و شيبي فتاني عاشرت الكاس و مرار العلقم**********عاشرت المودام شتى لواني ومراجيع شيوخ بقصب تتراخم********و بنادير مطرزة بيدين قواني بخاسات الزين صانعهم مبسم***********طبع التقاصر للي زهواني ايموت التيناش ذكره يتفصم**********و يعمر بثرايته من كان ضاني دار لبنات زهر اولاد العم***********و يعودو دمهم وحشت بلعاني الزين لزواق ولقصاص خمم********و الشبوب يطمع فيك الرعياني الخيل هبّة من الريح ليها نسايم******لمراح بلا نواصي عوض الفاني حيط الرمل إذا علا يهرشم**********و يحمل من كان فالواد باني لوكان يجي الرزق دايـم**********نوّصي ديروا جيوب في كفانيِ التوبة يا خالقي راني نادم**********حشمتك بالرسول طه العدناني لمهيدي في عقابه عندك يتذمم*********و لي كانت هاربة ليك تعاني نتلفت و نشوف نعشي راه زدم******بعد لي كان جوبة قرب ساماني يا قاري لحروف حشمتك ترحم******و تعاون طلبتي عارك لا تنساني و دعيلي بالخير يتفاجى ذ الهم********ويلا جات الموت نتيمن هاني ع مهيدي |
ياهلا وغلا يامهيدي منوره
صح راسك |
شكرا على الإهتمام و الإطلالة هل من نقد كم اشتقت إليه في منتدانا هذا
|
مرحبا فيك شاعرنا او شاعرتنا الكريمــ - ــــه في منتدى بريده لمهيدي في عقابه عندك يتذمم*********و لي كانت هاربة ليك تعاني المعرف بدا لي كــ معرف عضو لكن هذا البيت يجعل القارئ يتوقع ان القصيده لشاعره باي حال مرحبا بك بين اهلك و اخوتك القصيده تحوي حكم و معاني ساميه و يبدو لي اخي / اختي انك من بلاد الشمال الافريقي , و القصيده كتبت على نفس اللهجه لذا هناك قليل من الصعوبه على القارى صح لسانك و نتمنى ان تجد بيننا ما يسرك |
السلام عليكم و شكرا على المرور الكريم و لي كانت هاربة يا أخي هي الروح و النفس و كلاهما مؤنث و الله أعجبني تعقيبك و هذا دليل على قراءتك المتمعنة لقصيدتي أشر و أحترم فيك النقد البناء دمت للشعر و الشعراء بوركت
|
و شاعركم الكريم من الجنوب الغربي للجزائر أي شمال إفريقيا
|
حياك الله ع الجبار وحيا الله أهل الجزائر
رغم صعوبة فهم بعض الأبيات إلا أن الكثير من الأبيات حملت معاني الحكمه وتقوى الله صح لسانك |
شكرا على مرورك الكريم و جازاك الله خيرا
|
| الساعة الآن 06:11 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة