منتدى بريدة - الخلطه السحريه لتفتيح البشره

السلام عليكم مرحبا صباااااااايا
بصراحه اعجبني

الموضوع نقلته حرررفيا وعلى لسان الكاتبة الاصلية.. وهي تقول جربت

وزبط وياها.. وحرصا مني على سلامة بشرتكم قررت انقل الموضوع :h
: D

تقول ام الشباب

* نــتــيــجــة الــخــلــطــه :

راح تخلي البيضا ثلجه و الحنطيه بيضا و السمره حنطيه هذا كلام صاحبة الخلطه و الله اعلم

بس من تجربتي للخلطه اهيا حلوه و تبيض صج انا استعملتها صارلي ثلاث ايام صج لاحظت انها بيضت

بشرتي و حتى امي و خواتي لاحظوو و غير البياض تعطي البشره نعومه مثل بشرة البيبي و تنعمها

و تشدها و تعطيها صفاة و اذا تبينها للجسم ضاعفي المكونات ..

* مــكــونــات الــخــلــطــه :

1- اربع ملاعق نشا

2- علبة حليب المراعي الطازجه

3- ليمونه كامله تعصرينها

4- ملعقة شاي كركم ( كركم الجسم )

* الــطــريــقــه :

تضيفين جميع المقادير في جدر و تقلبينهم على النار ليما تصير ثقيله شوي مثل المهلبيه و

تاخذين منها شوي و تحطينها بالثلاجه و ادهني فيها وجهج و رقبتج و خليها ليما تنشف

يعني من ساعه الى ساعتين و بعدين قشريها بايدج مو تغسلينها بالماي لا قشريها لانها راح

تيبس فتقدرين انج تقشرينها لانها تشيل الجلد الميت لما تخلصين تكونين مزهبه مكعب ماي

الورد مثلج و مرريه على وجهج و خليه ليما ينشف و بعد هذا اذا تحبين حطي مرطب ..

هذي الخلطه لازم تستعمل كل يوم و لمدة شهر و ان شاء الله راح تشوفين بشرتج و لا احلى منها

بياض و نعومه و صفاة و بعد الشهر اذا و صلتي الى النتيجه المطلوبه استخدميها ثلاث مرات

بالاسبوع .....

واللي تجرب تعطينا النتيجة :D

اتمنى ينال اعجابكم