|
السلام عليكم
السلام عليكم ..
هذه قصه حصلت لوحدة من صديقاتي. تقول لي خوات من أمي ولا اشوفهم الا كل 15يوم او شهر وتقول طلعنا لستراحة يوم الخميس وكان جو الاجتماع لاباس معتدلا.. فا انا معي 6من الاطفال وهم معهم من 4الى3اطفال فجا وقت القطيه.. قالو يالله الاستراحه 150ادفعي 100 ونحن الباقي انتي ابنئك اكثر ولما جا العشاء قالو انه 110يا لله ادفعي 70 والباقي نحن تقول صا رت بخاطري خفت اخالفهم الراي تغظب امي دفعت بعد ما رجعنا البيت ارسلت لاختي رسالة وقلت لما ذا انا دفعت اكثر الا ستراحة ليست فيها مقاعد حتي اكون انا اكثر غظبت ليش اتكلم وكلمت امي اتصلت علي امي وقالت اذا هو عاجبك ولا لتطلعين فا ما الحل هل اسكت واطلع معهم ام اتركهم ولا اطلع ابدا |
لا اطلعي منهم وليس بكلامي اني اخرب بعلاقتكم
لكن هم يستغلونك من كلامك اللي فهمته َ والصحيح ان القطيه تقسم على كل الموجودين وليس ب اكثر الابناء يدفع اكثر ! وش هالكلام والقوانين اللي تطلعه هالحرمه الله يهديها اتمنى انك تكلمينها وتفهمينها الموضوع انه يقسم على كل وحده القطيه او اطلعي افضــل لك :) وموفقه خير اختي :) |
لا يااختي خواتكـ صدقن على حسب عدد الاولاد اولا
وثاني شي خواتك لا تقطعينهم مهما كانت الامور قال صلى الله عليه وسلم : { لا يدخل الجنة قاطع رحم } والعياذ بالله ترى الدنيا ماتسوى كلها لحظات وهالدنيا تنطوي لا داعي للهجر وشيل بالخاطر وفي الأول والأخير احسني نيتك وتوكلي على الله واذا كنتي مظلومه لابد ينصرك اللي أعلم وأعلى |
مثل ماقال المستشار هذي به استغلال...
مع المستشار انا.. |
مشكله صعب التعامل معه جدا لانه تجي من الاخوان
وصراحه تعجبي على فعلتهم لو زادو عليك قيمه العشاء عادي تقولي انا اكثر افراد لاكن الاستراحه مالهم حق انا اقول تكون افضل منهم ولا يصير التفرقه علشاان فلوس وخاصه انه شي مايسوى طاريه وتنقطع صله الرحم علشانه اوما اذى كان يكلف عليه مو ضروري تطلع معهم تزورهم ببيوتهم لو ماتطول بجلسته عندهم اهم شي ماتقطع صله الرحم |
لا ياختي انا بأعتقادي ان يكون هناك حل وسيط
بحيث لا يضايقونك وانتي ماتتضايقين منهم مثال كل طلعة يتكفل بالعشاء شخص او شخصين وانتي اقترحي هالاقتراح عليهم وقولي نسوي جدول كل طلعة تكون على ثنتين وانتي اختاري الا ترتاحين لها وتمونين عليها وقريبة منك بحيث لا تقطعين الرحم ولا يزعلونك و لا ينكدون عليك طلعتك والله يقرب بينكم يارب |
اقتباس:
حرام عليك تخربين العلاقه بينهم مهما كان خواته وماتقاطعهم مجربة الغربه ماتسوى تخربين علاقتك عشان فلوس وعليك بخواتك صلي رحمهن لتكسبي رضاء والديك الذين لهم سبب في دخولك الجنه ....... |
اقتباس:
او زي ماقترحت الاخت تصير كل طلعه على وحده ونفس الاستراحه وطلب العشاء وتنتهي المشكله |
أنا من رايي أنه الفلوس تدفع حسب الاشخاص
مثلا الحريم على 10 ريال والصغار 5 ريال وبكذا يصير فيه عدل الله يجمع شملكم |
مادام انهم أمك وخواتك وصلتهم واجبة عليك اشتري قربهم بفلوسك والفلوس ماتسوى تفرق بينك وبين أهلك واذا رأيتي وقت هادي استغليه في نقاش القطية |
مجربة الغربة ملاحظ عليك المواضيع اللي مثل كذا اذا ماني بواهم قبل ايام نزلتي موضوع قريب من هالشيء نحن بالاستراحة نرمي الهموم خلفنا وندخل هنا للبحث عن الوناسة وسعة الصدر وموضوعك يضيك الصدر ويحتاج نقاش واراء فاتمنى توضع المواضيع التي تتكون من نقاش بالمجلس هم اخبر منا وشيء ثاني وش فائدة المواضيع اللي مثل كذا موقف صار وانتهاء حنا ما نقدر نرجع الوقت ونبدل اللي صار يعني لا انا ولا غيري بنفيدك بالاراء اسف على الرد المزعج |
اقتباس:
وثقافتك بعامة الردود والمواضيع اهنيك على اخلاقك وسناعتك |
ورايي راي سمر اهم شي خواتك وبس
|
انا رأيي الخاص .. اطلعي معهم عشان ماتقطعين بهم ..
لكن تعشي انتي وعيالك قبل ماتطلعين من البيت عشان ماتتعشون معهم وتصير تقطي الاستراحة بس :) >>> لاعمر تفكر هع |
عن أبي هُريرة رضي الهُ عنهُ أن رجلاً قال: يا رسول الله إن لي قرابة أصلهم ويقطعُوني، وأحسن إليهم ويُسيئون إليّ ، وأحلمُ عنهم ويجهلون عليّ! فقال :" ((لئن كُنتَ كما قلتَ فكأنما تُسفهم المل، ولا يزالُ معك من الله تعالى ظهيرٌ عليهم ما دُمتَ على ذلك)) رواه مسلم.
يعني ناصر، فينصرك الله عليهم ولو في المستقبل.لأن هؤلاء القرابة والعياذ بالله يصلهم قريبهم لكن يقطعونه، ويحسن إليهم فيسيئون إليه، ويحلم عليهم ويعفو ويصفح ولكن يجهلون عليه ويزدادون، فهؤلاء قال النبي صلى الله عليه وسلم : (( فكأنما تسفهم المل)) ، المل: الرماد الحار، وتسفهم : يعني تلقمهم إياه في أفواههم، وهو كناية عن أن هذا الرجل منتصر عليهم. وليس الواصل لرحمه من يكافئ من وصله، ولكن الواصل حقيقة هو الذي إذا قطعت رحمه وصلها، هذا هو الواصل حقاً، فعلى الإنسان أن يصبر ويحتسب على أذية أقاربه وجيرانه وأصحابه وغيرهم، فلا يزال له من الله ظهيرٌ عليهم، وهو الرابح، وهم الخاسرون، وفقنا الله وإياكم لما فيه الخير والصلاح في الدنيا والآخرة. من شرح الشيخ بن عثيمين رحمه الله |
| الساعة الآن 09:54 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة