|
ازياء النساء في الافراح تعري ام موضه
نسمع ويتكرر السماع بان وصلنا الى مرحله حرجه
من اللبس العاري في الافراح للنساء طبعا وخاصه البنات لانريد ان ننكر هذا الشيء لكن مالذي تبدل وتغير من الجميع كانت الافراح بالماضي القريب ليس بها دفوف ولا رقص ولا ازياء متعريه الان تبدل الوضع وتغير وانقلب واصبح اللبس العاري هو المسيطر يقلن النساء انه الموضه بكل المحلات والماركات وانه هو السبب وكانه لايوجد قطعه قماش تستر عوره البنت عجبي على مجتمعي يضعون حارسات لرصد جوال الكاميرا ولا يضعون حارسات لمن تعرن واصبح لبسهن اقل مايقال انه كاشف اكثر منه ساتر كان بالبدايه من المراهقات ثم انتقل للفتيات الكبار واصبح الان حتى للمتزوجات ذات الابناء والبنات انا انادي كل غيور على عرضه واهله ان يتاكد قبل ذهاب اهله الى صاله الافراح ان يرى لبسهم كيف هو وان يكون ناصحا رجلا غيورا على محارمه يتكلم بصفه الالزام اه يازمان قريب كانت الافراح توزع بها اشرطه المحاضرات الدينيه والكتب القيمه والهدايا الكل ينادي باعلى صوته نعم للبس الساتر ونعم للفضيله ونعم للافراح المباركه انتبهو ياساده لاهلكم ومحارمكم فانتم المسؤل الاول تجاهمم حفظنا الله واياكم ودمتم بخير |
يازيت العرس العائلي ..
ستر وقل تكلفه .. |
أنت متأكد نتصل ع الهيئة !!
|
صدقت الله يهديهن :( لكن احس ماتلزم الشوفه الي مهتويه وبراسه تلبس قصير بتلبسه الا ان تسانه بيدخل معه للقاعه بتسذا يقدر يمنعه ,,, |
لي نظره بحكاية العاري مو بس بالزواجات حتى بالعزايم والطلعات العاديه .., ذات البلوزه اللي بدون اكمام او ذات التنوره اللي لين التنوره تصير على بعضهن عيب ومتمصلخه وودك تلد عنها ببصرك تحس انها باقي لها لبس ناسيته :( ونفس القطعه على اخرى عادي :) يتلاشى العيب على الاخيره .. يمكن لتقاسيم جسدها الغير مكتنز .. الحين بعضهن تلبس بنطلون جينز عادي وفوقه قميص حتى مو تيشيرت ونحس انها متفصخه تدرون ليش ؟! تقاسيمها فضاحه .. مبين اشياء معينه لها دخل بالاغواء .. وبجنبها سحليه لابسه كت شيفون وماتحتها الا الملابس الداخليه والتنوره قصيره حيل وغير ملفته للانتباه ! الجسد يختلف .. وافهموها :) لايجيني احد ويقول بغض النظر عن الجسد الدعوى حلال وحرام ترا اللبس بين النساء له محاذير اجتماعيه اقوى منها شرعيه :) |
اقتباس:
مجرد ماتشوف ممثله لابسة لبس علطول تلقاها بالمحل تشتري زيه . طيب يمكن الممثلة تلعب دور حزين أو يسد النفس ولابسة هاللبس :6[1]: |
معقوله سعوديات ويلبسون عاري :ash:
وين انصار المرأة عن الفضيحه :( يجب ان نضيف الانفلات الاخلاقي الى قائمه الانتقادات شكرآ الرآي |
اقتباس:
لايصير بس مثل حزن الخليجيات بمسلسلات رمضان ! وقسم انهن فشلننا ياخزياه من اللبناني اللي انا آباخذ يحسب ذا الذوق الخليجي .. :/ |
اقتباس:
يكفيتس بس فاطمه الحوسني والله ياهم يلطسونه لطس ميك اب وبلاوي علشان تطلع بحلقه وحده . تحلفين إنها مارلين مونرو . وراتس محولة على اللبناني ترى إثمه مروح ومخيس واستغلالي . وش بهم الخبوبيين ماهنا ملحهم لولا المشق لعب بخدودهم ويديهم ورجليهم والمشاعر والرومانسيه يخلف الله لكن ولو بنت البلد تبقى لولد البلد يام السكاكين:f8: شفتي الإتحاد متقدم على الزعيم بهدفين للاشي ووالشوط ذالحين الأول واللي بجنبي زعلانه ومولعه معها وأنا أرقص بس ماقدر أوضح >>جبان ويدور الفكه والسلامه |
المشكلة وللآسف الشديد هذا هو الموجود بالأسواق إذا بتشتري لمحارمك لبس ساتر تدوخ وانت تدور بالأسواق ماحصلت اللبس الإسلامي الساتر ولا حول ولا قوة إلا بالله شكراً لغيرتك |
اقتباس:
كلشن ولا هالعلم ياحزني :( مير فاطمه الحوسني مجبوره لانها تشتغل وتبي من ورا هالتلطس دريهمات .. البلا بسحانا اللي ضيعن جمالهن تحت ميك اب السينما :( ماعلمتك بالبزر اللي يرغي بالعرس مضيع امه ولما قالت له خالته هذاها هناك روح لها قال لا طلعوا امي وكمل رغيانوه .. ماعرفها :( ودي تشوف العرايس وربي ان تجدع اللي بيدك :( بنات بعمر الورد بشرتهن على اول فزتها ولهن شهر بين يدين هالسوريات يهكن عليهن بالمشاغل هيدي فتله وهيدي صنفره وهيدي بلا مخور :( واذا جت ليلة العرس واثرها رايحه لمعة ربي ويزيدن الطين بله بطبقه طينيه اسمها الميك اب بعدها ماتفرق بين هالبنت العشرينيه وعتاب عساها بجنة النعيم :/ ولماميع فوق الجفن وتحته ..وجهها تقول محطه بظلمة طريق عفيف :( مايعرفن يهتمن ببشرتهن داخليآ من عمرها خمسطعش وليلة العرس ميك اب خفيف ودعج للعيون وهذا اللي يسلب لب الرجل مو لماميع ورموش لو يقرب لها رجلها طاحن الرموش بحجروه :( << ماتدري عن أوم الكوره ولا تعترف بالشكل الكروي بأي مجسم :( |
اقتباس:
وتلومن الشباب لما يعرس من بنات الأرياف لأن جمالهن وبشرتهن فطري >> فديت هالنوعيه مو من زباين شارع المشاغل والبلاوي |
. |
يارجال لا تلومهن وش عندهن غير تسذا ؟ الوحدة مخه يصفر لو تشلخ راسه لقيت
مخه ضامر من المسلسلات والقنوات والنت تراهن مسيكينات لا تتسود عليهن المرأة تبي فحل ياطا على رقبته بتسذا تحس بالامان والراحة النفسية ماتبي رخمة تجرجره وراه تقل شغالة والله انك تشوف مواقف تحمد الله وتشكره على العافية تشوف الوحدة تشبهر بالرايح والجاي والبيه مطنش فاكيد مثل ذولي تروح للزواج باللبس الي تقول عنه ولكن ان شاء الله نقول ان نسبتهن تضل الاقل |
اقتباس:
انعم واكرم :f5: |
| الساعة الآن 11:06 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة