|
التفكير بصوت مرتفع !!!
بسم الله عليكم
كثيرا مانمني النفس ونسرح بالخيال خصوصا لكسب المال وبأسرع الطرق لي صديق من خمس سنوات او اكثر يفكر بمشروع وطوال هذه السنوات الخمس لم يخطو خطوة للامام لتنفيذ هذا المشروع!! لدرجة اصاب كثير من الاصدقاء بالملل بكثرة طرح هذا الموضوع والنقاش فيه فالحديث معه اصبح فقط "صرف سعابيل" ,, وهذا يسمى التكفير بصوت مرتفع !! وقد يمارسه الكثير من الناس لاشعوريا,, فتراه يخطط لمشروع ويتعب نفسه ومن حوله بهذا المشروع ولكن مافيه جرءة للتنفيذ واظن ان الخوف من الفشل هوا السبب الرئيس لعدم التنفيذ ,, على الطرف النقيض هناك من يفكر بمشروع ويبداء بالتنفيذ دون اخذ راي او مشورة من اهل الاختصاص !! ومن ثم بالغالب تكون النهاية الفشل,, مثل من يفتح محل ملابس رجال في مكان "صاد" والمسكين يتعب بالديكورات اللتي تكلفه اكثر من نصف الميزانية ثم بعد شهرين او ثلاثه تجد لوحة "للتقبيل " |
مرحبا فيك آخوي .. زنقا زنقا ....
آعتقد أن هناك حاليا مكاتب ..... عنده ( دراسة جدوى ) للمشاريع ..... وأن تدفع لهم لدراسة مشروعك ومن ثم تبدأ ببركة الله آحسن من أن تخسر بخطط عشوائية أو تردد .... وايضا آستشارة لمن خاضو التجارة وآخذ المشورة بتجاربهم .... ومثل ماقالو .... من بغاا الدح ماقال آآح ... جميع التجار تعرضو ببداياتهم للفشل ولكن كان هذا الفشل بالعزيمة وعدم اليأس كان طريقهم الى النجاح .... والتردد والخوف ..... سيطول مع المتردد ..... |
هلا زنقا زنقا :)
لماذا باعتقادك نلجى للتفكير بصوت مسموع ؟ ِ |
.
ما ودك تعدل العنوان طيب ..؟؟؟؟ التكفير أو التفكير أنت اللي تقصده ؟؟؟ ... سياسة دراسة الجدوى و العوائد المادية مغيبه جداً ... والدليل بـ أنك تجد شارع واحد ... فيه ما يقارب الأربعه أو الخمسة دكاكين لبيع التموينات ... و الشارع يحتاج الى وجود مثلاً صيدليه أو مخبز ..!!! . |
اقتباس:
حيالله مشرفنا تركي والله يعينك على حمل الامانة بالنسبة لمكاتب دراسة الجدوى كلامك صحيح ولكن هذي للمشارع الضخمة اما الي اقصده مشاريع بسيطة ماتحتاج للمكاتب والدرسات الكبيرة وصحيح كثير من استفاد من الفشل وصار سبب للنجاح ولكن هذي للمقتدر بس الي ماعنده قروش للنجاح بعد الفشل هذا يحتاج عدم دخوله الا بخطوات ثابته حياك المولى |
لاهذا ولا هذا ينفع
المفروض مانسأل كل من هب ودب يعني اهل الخبره وبس وحلو اننا نبحث بالنت ونسوي دراسة جدوى ثم ننفذ بدون ادنى تردد التجاره بحد ذاته مجازفه والي يخاف ويبدي النية الشينه اكيد بيخسر وبيني وبينك اتبع سياسة (داري على شمعتك تأيد) لان الرزقه اذا كلاً عرفبه بتطير لامحاله ويجي شي يصده والعين حق لكن ما اوسوس وحتى لنجحت اجحد لا متى مافتحت المحل او المشروع خل كلاً يدري لكن بالبدايه لو عرفوا الناس بتتفركش تحياتي |
اقتباس:
والله يابعدي على حسب نوع التفكير اذا هو عن نفس الموضوع المشاريع فهذا من حب طلب المال والغناء وتمنية النفس بالتجارة اما اذا تفكير باشياء ثانية مثل الزواج بعض الناس يفكر بالزواج بصوت مرتفع يكلم كل من صادفه عن الموضوع مع العلم انه يمكن مايتزوج ويبقى السبب تمنية النفس وتغيير الواقع حياك الله وبياك |
اقتباس:
هلا والله وحياك الله تصدق توي اشوف الغلطه الاصبعية بالعنوان لاني كتبته وطلعت هه ان شاء الله احد المشرفين يعدل الكلمه التكفير الى التفكير بالنسبة لماذ ذكرت من خربطة المحلات فعلا شي ملاحظ وهذا مهوب من التخطيط الشخصي لاصحاب المشاريع يرجع لتخطيط البلدية اللي المفروض يكون عندهم توزيع مثل ماحصل مع محلات الغاز ياهلابك |
اقتباس:
حلوالمثل داري على شمعتك تقيد هههه هالزمن مع الاسف كثر فيه الحسد والغيرة لو ان الحسد يعتبر القديم المتجدد فهوا قديم من وقت ابونا ادم مع ابليس ومستمر الى مايشاء الله ولكن الواحد يؤمن بالله ويتوكل عليه ويلتزم الاوراد شكرا لك |
إذا كثر التفكير بصوت مرتفع إعرف إنه ماراح يصير شي مجرد تفكير ويبي يبتل يفكر |
التفكير بهذا الشكل من المسببات التي تقف حجر عثرة في النجاح
صاحبك تنقصه الجرأة |
يقول الشاعر الأولي :
اذا كنت ذا رأي فكن ذا عزيمةٍ = فان فساد الرأي أن تتــــرددا لكن حنا عندنا المسألة مو مسألة تردد إلا مسأله كسل و رباظه حقين ظواهر صوتيه وتربيعه مع كاسة شاهي منعنشه . |
التفكير بهذه الطريقه
ترويج مزيف لافكار ومخططات (وهميه) والنتيجه سلبيه .. |
اللي يفكر بصوت مرتفع ويبرم رووس اللي عنده من كثر الحكي اعرف انه ماعنده الا الخرط الفاضي
مثل اللي يحسر بحرمته بعرس بعرس ويفطس وتعرس حرمته بعده وهو مااعرس بعكس اللي يخطط بسكات تلاقيه يسوي كل شي بسكات وغالبا مصيره النجاح على الأقل مايجيه عين من الشهبان من كثر الحكي |
اقتباس:
خاصه السحا ودتس ماتفكرين عندهن بصوت مسموع البته مايمديتس تسكتين الا وهي طايره تقلد :( |
| الساعة الآن 12:32 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة