منتدى بريدة - ــــــــــ قـــــول عادي .. بالــــي الليلــــه طــــويل ـــــــــــ

منتدى بريدة (https://www.buraydh.com/forum/index.php)

- ديوانية الشعر والأدب (https://www.buraydh.com/forum/forumdisplay.php?f=29)

ــــــــــ قـــــول عادي .. بالــــي الليلــــه طــــويل ـــــــــــ

قول عادي .. بالي الليله طويل ..
شُوف لِك عذرٍ قديمٍ / و بقبِلَهـ !!

لا تحاتي ...
قلبي مِتعَوِّد يشيل :
( الجُروح ) اللي تجي له مُقبِلَهـ

" طيبتي " صارت مثل ( كف البخيل )
أيِّ شَي طايح .. تِشُوفـه ؟ تحمِلَهـ

و " عزِّتي " تقدر تِسَمِّيها : النخيل
لأني شامِخ .. والعواصف قاتِلَهـ

وعادي جداً .. إنِّي الليله ( عليل ) ..
الحزن : يحْسِبني واحد مِنْ هَلَهـ !!

ومو غريبه .. لو تِمَنِّيت الرحيل
البقاء أحيان , يعني .. البهذلَهـ !!

في غيابك .. ما لَهَا الضيقه مثيل ..!
وربِّي اللِّي .. ما يشاءه , يفعلَهـ

مِنْ يلاقي لـ دنيتي هذي بديل ..؟
خل يجيني أي شخص .. أبَدِّلَهــ

وعيب راسي لا بغى شي " مستحيل "
يوصله مو طيب .. غصبٍ يوصلَهـ

ليه راجع ؟!
ليه ذاكر ..؟
يـ الأصيل ..؟؟
إنت ضايق .. ؟!
في خطأ بالمسألَهـ !!

وليه تبكي مِنْ كلامي يـ الدخيل ..؟
المشاعر .. ما لَهَا بقلبك صِلَهـ ؟!

و( البلا ) .. إن حَبْ رجالٍ " ثقيل "
ينسى مِن حُوله ويسْمَع ( مُذهلَه ) !!

مِن عرفتك .. ما بقى بـ اليَد .. حيل
ولو بكيفي ..؟ [ قلبي ] محدٍ يدخلَهـ

ومِن عرفتِك .. حظِّي العاثر يميل ..
أعترف لِكْ إنِّي ( عاجز ) أعدِلَهـ !!

فاقد الإحساس / ما يعطي القليل
وإن عطيته إحساس قلبك ؟ يقتِلَهــ !!

إيه بـ أرحل والطريق أدري .. طويل ..
مشكلهـ " قربك " .. وبُعدِك مشكلَهـ ..

وإن خذاني المُوت إترك قال وقيل ..
قول هـ الجُمله .. وخطاك محلِّلَه :

[ ربِّي إلهَم أهلهـ الصَبر الجَميل
وإرحمـه يا رب وإحسِن مدخلَه ]
,
.

احمد الصانع

اقتباس:

فاقد الإحساس / ما يعطي القليل
وإن عطيته إحساس قلبك ؟ يقتِلَهــ !!

نوعية سيئة من الناس
يستغلون إحساسك ويقتلونه

شيختنا هوارة
دائماً مبدعة باختياراتك
فزيدينا من إبداعك

هوآره أبدعتي بَ آلآنتقـآء ..
جميلـه جداً ..
سلمتِ ..,

البارقــ.
شــاكرة مرورك
دمت بخير..

نفنفــ.
وسلمتي خيتو على تشريفك هون
دمتي بحب.

.

هواره ...

لاهنتي ... ابدعتي بختيارك قصيده جميله ورائعه
صح نقلك.. وصح لسان شاعرها احمد الصانع من الشعار اللي يعجبوني
الله يعطيك العافيه ..
دمتي بود وعطاء..

مِن عرفتك .. ما بقى بـ اليَد .. حيل
ولو بكيفي ..؟ [ قلبي ] محدٍ يدخلَهـ

ومِن عرفتِك .. حظِّي العاثر يميل ..
أعترف لِكْ إنِّي ( عاجز ) أعدِلَهـ !!

يسلمووو
على ذااائقتك الراااائعه
تقديري لك

" طيبتي " صارت مثل ( كف البخيل )
أيِّ شَي طايح .. تِشُوفـه ؟ تحمِلَهـ

هــوارة
سلمت يمينك على هالنقل الرائع
وصح لسان الشاعر

آنتقآء رآئع وذوق رفيـع
صح لسآن الشآعـر وصح ذوقك

سلمتِ وسلم آحسآسك

حكاية رجلــــ..
سلمت وسلم مرورك
دمت بذوقـ .

عادلـــــ..
لاهنت على المــرور
تحيتي لكــ..

أحم أحم . .

كلمات نآبغة من قبلك هوارة . .

يسلموا . \

"

وآصلي = ) ) "

الله عليك هواره

.. جميل انتقاءك والشعر احمد يعجبني وايد

شكرا لك

شاكرة طلتكم هون
سلمتم وسلمت ذائقتكم..