|
مجاهره ام ماذا يسمى هذا الفعل ؟؟
السلام عليكم ورحمة الله وبركاته مساء الخير - صباح الخير تواجهك في حياتك مواقف كثيرة منها مايعجبك ومنها مايجعل فوق راس علامات استفهام ؟؟؟؟؟ عندما كنت في ايام التربيه العملي كانت معي طالبه من كلية اخرى ( معروفه بالتزام ) المهم كنت اتحدث مع احدى قريباتي قالت فلانه معكم فهي معروفه باللتزام ( مطوعة يعني ) ولقد رسخ في عقلي انها ممن يعتبرن قدوه وعندما كنت جالسه على بعد مسافه بسيطة منها شد انتباهي طريقه ( حواجبها )فلقد كانت مرسومه رسم جميل جداً وبما اني اخذت فكره انها من الملتزمات استبعدت أي تغير لخلقة الله فقلت لها هل حواجبك طبيعه فقالت : نعم قلت : مشاء الله فضحكت وقالت : لا والله نامصة فقلت : ببتعجب بس النمص حرام !!! قالت : اعلم ولكني قلت استغفر الله ونمصت !!!!!!!!!!!!!!!!!!!!!!!!! لا ومن شخص عرف عنه الالتزام الموقف له اكثر من عشر سنوات والى الان محيرني الهذا وصلت المجاهره |
اقتباس:
|
لا اله الا الله ! تنمص .. عليها لعنة الله انصبوا المشانق العظمى واشعلوا لها نار ابراهيم وليقف عليها رجلان !! اعنبوا بليسكن تبتلن سحا .. المجاهره لوهي تمشي بينكن وتقول يالسحا انمصن ويحول ياانتن ماتعرفن تزبطن حالكن ! مو تروحين تنعثينها وش انتي مسويه ويوم صارت طيبه وعلمتتس جيتي تعلميننا حنا وغيرنا لتس عشر سنين عجزتي تنسينها :( يختي هي ذنبها بينها وبين ربها وربي ارحم بعباده مو زيك انتي وقريبتك بلشين فيها تراها ملتزمه او مو ملتزمه !! المجاهره والله بنهش لحوم الخلق واخبارهم وش فايدة ان السحاة ماتنمص وتؤمن بالله وتصلي وتصوم ولاتعرف رجال لكن لسانها يشذب لحم وعظم وعصب ! وربي ذبحتننا بالقيل والقال وهذي فيها وذيك بها يالله يارب يجيب اليوم اللي توريهن فيه خف ميزانهن بسبب كلام بهذي وتلك:( |
من نحن ؟؟؟
حتى نجزم لفلان اللعنه والنار... ولفلان النعيم والجنه... متى ننشغل بعيوبنا عن مطاردة الناس والبحث عن عيوبهم... متى تكون لنا شخصيتنا المستقله ولانلهث خلف فلان وعلان ونجعلهم قدوة لسد ضعف الشخصيه لدينا... |
اقتباس:
اولا انا لم انطق باسمها عندكم (اي لم يكن هناك غيبه ) وانا وقريبتي لم نذهب ونبحث عنها (كل واحد يشوف الناس بعين طبعه ) لكنها سالتني من معكم من الكليه الفلانيه فقلت فلانه وفلانه فقالت فلانه ملتزمه فقط وعلى فكره مره قريت لك رد تقولين انك ماتسمحين لاي وحده من السحا اقتباس ردك فلذا ليش داخله موضوع وحده منهم شرفتي ولا كلفتي |
اقتباس:
نورت المتصفح |
اقتباس:
ولكني ضحكت واستغربت من كلمة قلت استغفر الله ونمصت يعني هل هذ استهتار او تمادي هل فهمتي قصدي شرفني مرورك |
هههه احمدي ربك فيه احد يتعرى وينمص
عشان تلقن شي تتونسن به وتقشمن ضلوعه وتشذبن ظهره بالحش ولو مابوه نامصه ومتعريه وملعونه شلون بتمتلي النار من حصائد السنتكن يابعدي /: تدرين كان عندنا وحده كئيبه وممله من فرط الورع والزهد والدسوس مخيوطه بكم العباة من حب الستر والعفاف بس قلبه اسود من عباته ولسانه اقذر من شرباته ياليته تنمص بس تنظف دواخله وتصفي نواياه الايمان هاهنا يا أخيه :13[1]: والدين المعامله تعودي ماتحكمين على احد عشان مظهره قبل ماتعاشرينه ماتدرين كم من نامصه عند الله احب واقرب من الف زاهدة عابده :/ |
اقتباس:
انا لم اقل انها من اهل النار ولم اقل اني من اهل الفردوس ولكني استغربت هذا الفعل فقط |
اقتباس:
هههههه ! السحا قاعتهن قريبه فديت الهرمونات اللي واصله السما :/ ياحيي انتي صاحبة موضوع لازم تتحلين بحبتين اريحيه وتقبل لكافة الردود .., ناطتن كل الردود وجايه تناقشين على رد لي سنة السبله وكانت له ظروفه هذي ماله تفسيرالا قلة تدبير طالما وصمونا بها رحماك يارب :( ولك وللسحا غيرتس انا هنا بحماية جلوي والكادر الاشرافي ادخل الموضوع اللي يعجبني وابن ابوه يردني توحين ؟ ناقشيني بردي وكلامي فقط ولاتهاجمين شخصي اذا افحمتك بالكلام خلينا نثبت لهم ان بيننا من هي ذات عقل راجح ولسان فصيح وتعرف تحاور مب سحا رطبه ندربيها ولاندري وين توقف فيه ياشيب عيني منكن بس:( ^^ اكتب بالاسود حداداً على عقل وذكاء ودهاء طالما وصفوه انثى عربيه:( |
اقتباس:
مايحتاج ادخل فيه يبين من نظراتهن وكلامهن ونقدهن على الطالع والنازل مخلين الحياة فلم رعب والدين والحرام بعبع اقتباس:
ردك هنا منتهى قلة الذوق والادب وين دينك وانتي تكتبين ؟ الدين المعامله وحسن الخلق احب عند الله وافضل من قيام الليل انمصي وسوي الي تبين بس ارتقي ياشيخه بعقلك وقلبك وروحك واحسني تعاملك لعباد الله وش الفايده من دينك وحواجبك الحوسه وتعاملك وعشرتك زيروووو وترى ماهي بعيده يطلع حديث النمص ضعيف زي حديث صوت المرأه عوره سنين مكتمين واخرتها بكل بساطه يقولون تراه طلع الحديث ضعيف /: لان كل المذاهب اباحت تهذيب الحواجب ماعدا المذهب الحنبلي :( والله من قله تفهمن وتفتهمن شوهتن الدين ونفرتن العالم منه الله يصلحكن ولا يهلكن |
اقتباس:
عطيني من ذوقك اشوي تراك انتي وغير مو مغصوبين تدخلون مواضيع وتردون خلصن مواضيع الناس الفاهمه روحي دوري بموضوع ناس فاهمه انا مااستاهل من يدخل موضوع لي مشكور وماقصرتي |
ههههههههههه مقدره عدم قدرتك على النقاش والاقناع
سي يوووو عسوله |
اقتباس:
شر البليه مايضحك مخليه العقل لك |
اقتباس:
ابضايه خلاص لا تطلعين حكاكته :c7: وقسم تفشل ردوده وهي تحكي باسم الدين اذابلشت بردتس هاجمت شخصتس :c7: اللي تسذا المفروض تسكتين لايطلع كتاروه ويبان قدام الناس ضعيف منطق ! لازم ندمدم ثغرات بعضنا مو لازم يجي اشهب ويقول ماعليكن شرهه ناقصات عقل ودين :( خليه تقول اللي هي تبي بس لايجي اكثر ..! |
| الساعة الآن 10:42 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة