ياللي تحرى جيتي قبل يومين
 

ياللّي تحرّى جيّتي قبل يومين
إبشر أنا جيتك من الشوق ظميان
أنقل مشاعر ساكنه بين قلبين
وأبعد حواجز تلّت القلب يافلان
كيفك عساك بخير ياراعي الزين
سقت القوافي وإشعل اليوم نيران
خل الطرب يسكن فؤاد المحبّين
مع دلة(ن)يهنا بها قلب شفقان
في ليلة(ن)قمرا ضوت يوم الإثنين
والجو خالي مابه اليوم خلاّن
زيّن هوانا همستك داخل إذنين
قولت أحبّك ثوّرت حيل بركان
طارت عيوني فرحتي وقلت أهلين
ومن ربكتي حسّيتني صرت غرقان
أبلع بريقي واتنفّس هوائين
ضاعت حروفي وضيّع الحب عنوان
هذي كليمه قلتها دون تلحين
ياكيف لو تسرد من الحب قيفان
جرّيتني صوبك وابدعت بيتين
وقلت اسمعي قولي وماني بندمان
قلبي يحبّك أكثر إن كان تدرين
ماغيرك اللّي داخل القلب بجنان
إنتي هوا روحي وإنتي إلى الحين
أحس قربك يجعل الجسم دفيان
هلّت دموعي ساكنه داخل العين
والخد حمّر وقّف الحرف بلسان
مسّح دموعي وقال لي لا تباكين
كفّي دموعك ولمّني داخل أحضان مما رااااااااااااااااق لي تحياااااااااااااااااااتي

العفوووووووو اخوي شاكرة مرورك

انتي الرائعه مشرفتنا العزيزة تحيه الك