منتدى بريدة - وش ودك تصير اذا كبرت

منتدى بريدة (https://www.buraydh.com/forum/index.php)

- المجــلس (https://www.buraydh.com/forum/forumdisplay.php?f=2)

- - وش ودك تصير اذا كبرت (https://www.buraydh.com/forum/showthread.php?t=274194)

وش ودك تصير اذا كبرت

يوم كنا صغار اهلنا يسألوننا :

وش ودك تصير اذا كبرت ؟

وكل واحد منا له اجابه غريبه كنت انا ودي اصير (طيار محارب ) للاسف ماصرت ولا طيار مسالم سؤالي لكم اليوم

وش كان حلم طفولتك او "وش كان ودك تصير اذا كبرت"

إييييه الله المستعان http://smilles.5d5l.com/smile_albums/small/61.gif إلى الحين تذكر هذاك الحتسي
كنت ودي أكون http://www.an-mwad3.com/vb/images/sm...onTaseR_92.gif
إيه ودي أكون شايب
لكن شايب هويدي ولا أنغث من أدنات الدون وزعول لا ابطوا ماحطوا الغدا أقوم واقول خلاص ابلعوه انتم وانا نفسي فيه وسلاعيبي تقوطر
ولا كل شي يزعلني ولا اتهاوش واتطاق مع ذباب وجهي
ولا ادور على البيت واقعد اطفي اللمبات واضيتز على عيالي واقعد اناتر بهم طف اللمبه طف الكنديشن وطف المكيف ووش فايدة المكيف مادامكم تتغطون ببطانيه !!
ولاكل شوي داخلن المطبخ واحبرش وانقث واحوس واقعد اصفف البيالات بدرج المطبخ
وللا ارفع السكاكين واحط لهم سكين وحده !! تكفيهم !!
ولا افكك الرادو والتلفزيونات يقالي ابصلحهن وان عجزت عنهن تركتهن ويضفونهن عيالي ويحطونهن بالمستودع (ممنوع الحلت بالشارع خلوه يمكن افضاله و ازينه بعدين) http://img225.imageshack.us/img225/7117/9e4678563d.gif
ابي أكون آخذ الشي برواقه وطولة بال مابي اسمع الرادو ولا ابي اقعدج اتحرى أخبار الساعة تسع مابي اهتم بشي ما ابي كل شي يأثر بي وكل من مر من عندي معطت شعره وللا اخطرفله http://www.an-mwad3.com/vb/images/sm...onTaseR_92.gif
وابيلي كم راس بعيره وبعير أعيش معهن بالصمان باقي أياميhttp://vb.alhilal.com/images/smilies/Animated/tr.gif
-------
وكانت هوايتي صيد الفراشات http://a2.twimg.com/profile_images/1...426_normal.gif
وجمع الطوابعhttp://r-mbd3.com/vb/images/smilies/smilies2/005.gif
http://www.an-mwad3.com/vb/images/smilies/121.gifما احد سألك http://smilles.5d5l.com/smile_albums/sad/8.gif ادري بس كانت تقرقع بقلبي ودي اقوله ابي ارتاح ياناس http://forum.te3p.com/images/smilies/2009/t096.gif
ترى انا يتيم ماعندي أم ولا أبو شوي شوي عليّhttp://bnat4ever.com/vb/webaty_uploa...v829933154.gif امسحوا على راسي
من يتبنان وله أجري كله http://smilles.5d5l.com/smile_albums/sad/11.gif

[hr]#a16464[/hr]

سبحان الله وبحمده
.... عدد خلقه ... ورضا نفسه .... وزنة عرشه .... ومداد كلماته ....
---------------------------------
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه
أستغفر الله الذي لا اله الا هو الحي القيوم واتوب اليه

^^ هذا العضو يفحمني ب عادة قرآت مايكتب ..سلمان ..شي من عين الصح مغلف بروح مرحه مساءك فرح يـ خوي ..

من ناحيتي

مير الله يدفع البلاء كانت احلامنا وامنيتنا ماتعدى اصابع رجلينا من شدة الحرمان .. كانت امنيتي ان اعرس وصير لي غرفه لحالي عشان اختي ماتحوس علي اغراضي ..وعرست وانا ماتغطيت

وبتلت احلم واحلم واحلم والحين عجزت واناودي اصير شي لاكبرت .. لين يضفنا قبرنا

يوم كنت صغير مادريت اني ابكبر ولا تمنيت

بس يمدين اتمنى الحين ؟

ودي اذا كبرت اصير الكوره الارضيه <<<< يحسبه تسذا التمنى http://www.redcodevb.com/smiles/smil...Tired-0171.gif

سلمان .... " والله من الأخطاء الإملائية " :4_1_6[1]:

جمع الطوابع لحاله .... ما تصلح

لازم .... معه التزلج على الجليد ....

......

انا .... واعوذ بالله من كلمة " انا " ....

كان ودي نلتقي .... في حياتي تشرقي

لالا .... الصدز كان ودي اصير " مدرس " <<< لأن البزران يخافون منهم خخخ

بس .... ولله الحمد ما صرت .... :b3:

مرحبا
مممممم موضوعك لونه زي مريولي الرمادي ..

كان طموحي اكون مدرسة لغة عربية :)

..

بس ماصرت .. ولعله خيره ههه :)

صرت الي اتمناه

وللحين كل ماجيت اكتب الوصفات

اتذكر شخابيطي عالاوراق

واتذكر عيادتي ببيتنا

كان طموحي وانا صغيرة اصير طبيبة اسنان

بس صرت مساعدة طبيب اسنانhttp://www.m-ro7e.com/vb/images/smilies/smilies/yoo.gif http://www.m-ro7e.com/vb/images/smil.../thumbdown.gif
ربي يوفقني واكمل دراستي واحقق مبتغآي~

شوكرآ ع الموضوع

كـآنت آمنيتي آصير مهندسه معمـآريه ههه
آشوف آبوي يلخبط بَ آلآورآق ويرسم خرآئط وأُعجبت بَ هَ آلمهنه ههه

اقتباس:

المشاركة الأصلية كتبت بواسطة هنؤؤنه (المشاركة 4461132)

ماتقدرين تكملين لان الوزارة رافضين

اتذكر ايام الدراسة اذا سألنا المدرس عن طموحنا كنت اقوله ودي اصير مدرس عشان يستانس ويطيرن بالدرجات
بس الحمدلله ماصرت مدرس

انى امنيتي اني ادخل كلية تربية خاصة ثمن اتخصص صم بكم اه اه اه بس لو تتحقق الأمنية يااااااااااااارب تتحقق

اقتباس:
المشاركة الأصلية كتبت بواسطة رمز الحياة http://www.buraydh.com/forum/tl4s-bo...s/viewpost.gif

ماتقدرين تكملين لان الوزارة رافضين

اتذكر ايام الدراسة اذا سألنا المدرس عن طموحنا كنت اقوله ودي اصير مدرس عشان يستانس ويطيرن بالدرجات
بس الحمدلله ماصرت مدرس

http://www.m-ro7e.com/vb/images/smil...lies/tears.gif
انا سمعت انو التمريض مافي مجال يكملوا بس الاسنان ممكن!!!

هههههههههه
تذكرت يوم كنا صغار المدرس يقول للي بجنبي وش ودك تصير اذا كبرت قال ودي اصير مصري

ههههههههه لحد اليوم اذا سمعت هالسؤال اتذكره واضحك المسكين يحسب فيه كليه تخصص مصري ......
موضوع حلووو الف شكر,,,,

اقتباس:

وش كان حلم طفولتك او "وش كان ودك تصير اذا كبرت"

حلمي الوحيد هو اني أكبر والحمدلله تحقق حلمي

بصراحه كنت اتمنى أصير مديرة شركة ولي مكتب فخم

وسكرتيره وموظفين وحركااات "لاعمرتس تشوفين مسلسل

بس ماظنتي بتتحقق هالأمنيه ولا بالأحلام