|
زوآج الفـرند ( الأصدقـاء ) * مارأيكم به ؟
زواج الفرند (الأصدقاء) .. يقوم على أساس أن شاباً وفتاة يرغبان ببعضهما لكن لا يستطيعان فتح بيت مستقل لهما ،
فيتزوجها زواجا شرعيا كاملا إلا أن كل واحد منهما يبقى في بيت أهله ويلتقيان متى أحبا في أي مكان رغبا .. هذا نكاح صحيح شرعاً ، أليس لو أُشيع قد يساعد على حفظ الشباب والشابات في هذا العصر ، خصوصا إذا حصلت الرغبة الشديدة منهما ووافق الأهل . كلُ يدلي بدلوه وهل هو مؤيـد أم معـارض ؟ والأسـباب ؟ أتمنى أن يميل المتصفح إلى الجدية ولكم التحآيا مشـاكسة |
اعوذ بالله
كل يوم طالعين لنا باسم جديد وحايسين لنا الفطره السليمه بالزواج برايي فطر الله الانسان على التزاوج وتحمل المسؤوليه لبناء امه سليمه لكن زواج زي كذا وين موقع المسؤوليه من الاعراب مثله يعني مثل المسيار والذي ثبت مع الايام سلبياته التي لاتنتهي الزواج ليس مجرد رغبات تقضى فقط بل هو عشره ومعامله ومسؤوليه , وحب وتفاهم وتراحم فيما بينهم الزواج اولاد يتربون ببيئه سليمه بين اب وام الزواج اسمى وارقى من هالخرابيط الي يبتكرونه والواحد متى مانوى النيه الزينه بيتيسر له كل شي لكن وين هي النيه الصافيه عند الي مبتكرين هالمسميات ؟! تحياتي |
اي حفظ للشباب تتكلمين عنه ....
كذا بيدوخون الهيئه لان كل واحد من الشباب بياخذ عقد النكاح معه وكل ما شاف وحده اخذها معه ولا نستبعد يروح للهيئه ويقول بالله نبي لنا غرفه فاضيه لمدة ساعتين.... قال فرند قال |
مادامه شرعي وحلال ويبون بعض وراهم يمال الدمامل الي تقشعها قتلتل ماياخذون ولو غريفة بأقصى السطوح
أويسكنون بملحق البيت ويتحملون مسؤلية بعض |
فكره حلوه وشي ازين من شي وفيه احسن من كذا ياخذها في بيت ابوه وغرفته تهوهي للهوى والشمس وان كانوا كثار وماعنده غرفة يسوي غرفه ولو من شيكنو فوق السطوح واهم شيء الوناصه
وعلى العموم الرجال ماعندهم مانع بس المشكلة فيكم انتم يالحريم !! وخاصه النمرررررره الام ام عصابة راس ياهي بتشبها حريقه الظاهر مطافي بريده مايقدرون يطفونها ( طبعا مايسمى بالازواج خارج التوقيت وحتى يدخلون بالقبر ) الله لا ينقصنا شنبات مالهم كلمه . كنت هنا في عالمكم يامشاكسه . |
زواج أحسن من الزواج الإعتيادي يعني وش فيها زواج عادي بس اللهم مايجلسون ببيت واحد أفضل وأحسن كذا بالعكس يكون الزوج يجلس عند اهله وهي عند اهلها ويرتاحون من مشاكل بعض لاصاروا جميع ومنها تنفك أزمة سكن وإيجار ومنها الأم والأب ترجي ورى البنت أن وراها رجل حتى لو قعدت بينهم بالبيت مافيه إلا هالحلول لمثل هالزواجات ولا مايجي غلاء معيشه وزحمة سكن وزواج سعيد |
لا يستطيعان فتح بيت لهما ! فمن باب أولى البحث في هذا الأمر أولاً ومناقشة الحلول ، التي تحول دون تزاوجهم بشكل أرعن كهذا الزواج الذي ما أنزل الله به من سلطان ..
هذا الزواج باب منفتح على مصراعيه ومتسع للدخول إلى مرحلة تليه ، وتتعدد المراحل حتى نصل لما انتهوا إليه الكفار ، فهذا للفتاة بوي فرند وتلك الفتاة الليدي فرند لهذا الفتى ، وتلك هو الزنا المقبول لأنه بالتراضي !! أسأل الله ألا يحيينا إلى تلك المرحلة |
اقتباس:
فكر نظيف وثقافة ملموسة موفقة،،، |
اقتباس:
كلام كبير جداً من المتابعين والمعجبين والمستفيدين لك عزيزي تقديري لك،،، |
.
. ماعندي إعتراض إلا على التسميات .. :) وإلا هالزواج ماله نوع .. كل اللي تزوجوا من إخواني وأخواتي زي هيك في البداية .. كل واحد في بيت إلين سمحت الظروف ,, والحين يعيشون مع بعض وعين الله عليهم .. :) , يعني هالشعب يموت على التصنيفات والمسميات .. فريند مسيار خضار بقدونس هه .. يارب تشفينا من التقسيمات بسسسس :) . . |
زين نجد + بندر .. :)
أيهم أولى يتزوجون إلى أن تسمح الظروف وكما قال سيدي عليه الصلاو والسلام .. ثلاث حق على الله أن يعينهم ومنه .. الناكح يريد العفاف .. :) أو يتخذ خدنة .. ؟ , |
اقتباس:
قد يكون هناك حالات نادرة وهم صادقون في زواجهم ، ولهم نية الإستقرار وتحري الظروف الاقتصادية الإيجابية كحال اخوانك. ولكن أنا أجاوب عن كلام الأخت عن الزواج بهذه الطريقة ونيتهم فيه أنه زواج صداقة..! وهذا مردود عليهم.. مع اننا لم نسمع بهذا ولله الحمد ولكن يُخشى إن بدأ أن يُفتح بابٌ مغلق وخطير.. تقديري لك ديم.. |
الزواج صاير صاير
وامور الزواج نفسها سوا حب او العكس لكن اذا كانت العلاقه تحتوي حب وشاعريه ورومنسيه وتفاهم النقطه الاهم اكيد انه اجمل وانقى الا للنفسات ماينفع ! لانه غير مسيطر على نفسه وبآي وقت ممكن يخورها ويقول ترى متعرف عليك كذا وكذالك ويجيب العيد والضحيه البنت المسكينه ! وماتوقع اساسا بالوقت الحالي لاتوجد فتاه الا ولها زميل لذالك الذي يبحث عن الانسانه الكامله المكمله بيجد العكس دآئمآ المجتمع بيقول هيك :) شكرآ لك اخت مشاكسه . |
اقتباس:
السؤال كيف اصبحوا فرند ؟؟؟ !!!! مشاكسه الحين لم تسلم البيوت من الخيانه وهم بغرفه واحد فكيف سوف يصبح الوضع اذا كان كل واحد في بيت لوحده ! اللي مو قد الزواج لايتزوج هذا كلامي من الاخير |
أي عمل الاصل فيه الحلال أولا
والرضى من الاطراف ذات العلاقة ثانياً مؤيداً له :) |
| الساعة الآن 04:24 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة