|
بدون عنوان ..... 1مهستر
السلام عليكم ورحمة الله وبركاته اخواني الاعضاء : مرحبا بكم جميعا .. اتمنى ان تكونوا بصحه وعافيه نبدأ بالموضوع : الحقيقه مااعرف وشلون ومن اين ابدأ .. ولكني ابدخل بالموضوع بدون مقدمه .. حنّأ شلّة شباب ... ستة اشخاص .. رجال ولافيهم اي كلام .. مانب امدحهم عشانهم اصدقائي .. لانهم مهب هم الوحيدين لي .. والدليل انهم رجال .. واحد منهم حرم نفسه من سيارة يموت عليه من زمااااان .. ولكنه راح و طلّع سيارة جيب آخر موديل لأهله عشان تنقلهم من مكان الى مكان >>>بلا منّة عيال الخالات لانه موظف خارج المدينه وعطى السيارة اخوه الصغير .. ويتحمل على نفسه ثلث راتبه يروح قسط للسيارة من أجل أهله .. أليس هذا رجلاً يستحق الأخوّة ..؟؟ وكلّهم والله كذلك ... وجميعهم متخرجين من الكليه وجامعيين ومثقفين .. الشّاهد من القصّه أن عيبهم الوحيد .. أن الخمسة جميعهم مدخنين عافنا الله واياهم... ماغير أنا ... تارك الدخان بفضل من اكثر منذ اكثر من اربع سنوااات والحمدلله... وأنا أعاني من تدخينهم عندي الامرّين .. اتذكّر الريحه .. وتصير جلستنا سُحب ركاميه غير مُمطره >> من الدخّان.. ونحن منذ مدة طويله نجلس مع بعض ... لكنّي الحمدلله مازلت تاركه هالطاعون .. انا ماادري يااخواني واخواتي وش اسوي معهم .. انا احبهم وهم بعد لكني اتضايق من الدخان .. مالعمل ..؟؟ ابي رايكم يااخواني .. اتركهم والا مااتركهم ..؟؟؟ يهمن رايكم |
لاتتركهم علشان كم زقاره بس خبرهم أنك ماتتحمل الدخان وهم راح يراعونك بحيث مايدخنون عندك ... |
أرجع للتتن .. كلش ولا ربعك .. هم راس المال ...
كم سنه تبي تعيش يا بعدي.. يعني يبي يطيح من عمرك ثلاث سنين ..إذا نكست ؟ |
خفف الزيارات
ومن الناحية الصحية المدخنين حالا منك لأنك تدخن بشكل سلبي وهم يدخنون بشكل ايجابي |
اقتباس:
والله من الشر بهالراس بعد عوذه منكم ومن نصايحك |
^^
الولد يا بنيّتي أسمه .. مهستر .. وشلون تنحل المعادله ؟! الله يعصمنا وياه ويستر عليتس |
اقتباس:
والله ياخيي اللي خلاك تنهبل مب عجز يخليه يعقل آمين يارب ويعصم اخيي ويستر على بنات المسلمين |
اقتباس:
وانت تبي تحكم على الاعضاء من خلال معرفاتهم ..؟؟ يهمك المعرّف وبس ..؟؟ طيب انت اللحين اسمك سراج .. هل انت جماد يعني ..؟؟ مثل السراج ماتتحرك ابد..؟؟ لاتشطح عن الموضوع ... عليك باللب ودع القشر .. الله يهديك ويهدينا |
الرجال يبي نصيحة
مو تنفير خوش نصايح طيب يالغالي بامكانك مصارحتهم بانك ودك ماحد يدخن وان دخن احد ابطلع وممكن يستحون منك ويقلون من التدخين |
اقتباس:
نورت الموضوع ياغالي ماتلاحظ اني اذا قلت لهم ماابغى احد يدخن عندي راح يتضايقون من جلوسي معهم ويمكن ينفرون من علشان وجع روسهم اذا مادخنوا ..؟؟؟ بارك الله فيك يابعدي |
يا وليدي أنت وياه .. وشلون تخلي أخوياك عشان زقيّره ..
أجل لو يتدبس خويّك .. بنص حبيبة آخذه بالغلط .. تبي تبتل تركض هاجاً منه ..وتفارقه إلى يوم الدين ؟! الله يوفقك وييسر امرك وأمري |
آنآ من رآي أنتظرك وعمور
قولهم آني أتضآيق من الدخآن وهم بيرآعونك آكييييييد |
مالك الا تركب لهم شكامين بالسقف,, صديقة دربي البروفايلي و اللي احبها ماتحط الا زيت دابر املا بشعرها :) :) ويعرفن السحا وش معنى دابر أملا :( شي يخلي عيونك تحوقل ونفسك يرقا تقل راقي طلعه ,, وتجيك جواثيم بالقوايل ماتفك الااذا غسلت راسك بمي بارد ..! وببعض الايام استشم وما يفكني الا كبو معتق :( أناضل من اجل البقاء معها وبكافة السبل :) ويالبا قلبها الفزاعه هي ودابر املا ربي لاتحرمني ذاك الزول ,, الصداقات مالها ثمن ,, شوري عليك لاتفرقكم التتنه :) |
خل زياراتك لهم بنهار رمضان الجاي فقط ومن السنه للسنه كافي ياوافي
وتكون انحلت المشكله |
** قلتها لك يوما .. من المفترض ان يحترموك ويحترموا وجودك بينهم .. على الاقل يخافون عليك من اضراره .. ان لم يهموا ذلك من انفسهم .. صارحهم .. وحاول ان تنصحهم بتركه ان لم يستجيبوا لك اتركهم لانك هنا ستعرف من الاغلى عندهم هل السيجاره ام وجودك بينهم ؟ لكن تأكد ان ليس كل مدخن سيء يستحق ان تبتعد عنه .. |
| الساعة الآن 09:32 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة