منتدى بريدة - كـيـف تـقـهـر الـشـيـطــان وتـبـتـعــد عـن الـذنــوب .؟!

السلام عليكم ورحمة الله وبركاته

كلنا نعرف أن الشيطان توعد بإغواء ابن ادم وايقاعه بالذنوب واغماسه بالشهوات
قال تعالى ( قال فبما أغويتني لأقعدن لهم صراطك المستقيم * ثم لأتينهم من بين أيديهم ومن خلفهم وعن أيمانهم وعن شمائلهم ولاتجد أكثرهم شاكرين )
لكن المؤمن ولله الحمد فطن لعدوه الحقيقي وهو في جهاد دائم ضده
قال تعالى ( إن عبادي ليس لك عليهم سلطان وكفى بربك وكيلا)
لكن يحصل كثير إننا نذنب ثم نتوب ونعاهد الله ألا نعود وبعد هذا نرجع مره ثانيه ومع اكثر من محاولة للتوبه ييأس الانسان وتضعف عزيمته ويستسلم للذنب بل ويغرق في الذنوب ويشعر أنه ضعيف ومايقدر يقاوم الشهوات وهذا حال الكثيروللأسف ..
يامن يسمعي الأغاني ومايقدر يتركيها أومن يغتاب أو يعاكس او من يدخن أو ......أو ........

الان مالك عذر لقينا الحل اللي يخلي الشيطان يحترق ويبعد عنك وماترجع للذنب مره ثانيه

..تبي تعرف الحل السحري..

اسمع هذه القصه يرويها الشيخ خالد الجبير كان هناك شاب يعمل في محل نسائي وكان مايغض بصره عن النساء ينظر للنساء بشكل عجيب وملفت !!
كلمه الشيخ وقاله تبي العلاج لا وعلاج 100% ؟؟ قال ايه قاله ناظر على كيفك لكن بعد كل مناظره صل ركعتين .. وكلمني بعد شهر اتصل وسأله الشيخ وقعد يضحك قال الأسبوع الأول 10 تسليمات الأسبوع الثاني 5 تسليمات الأسبوع الثالث 2تسليمتين الأسبوع الرابع 1 تسليمه وحده قاله أجل كلمني بعد أسبوعين بعد مرور اسبوعين قال اذا جيت اناظر جاء شئ يقولي فيها وضوء فيها صلاه انقطع والحمدلله بعدها ماارفع راسي اذا جات مره
الشيطان يمنعه لأنه بالصلاه يغفرله ماتقدم من ذنبه ..

قصه أخرى لمدخن جاء للشيخ وقال أنا تبت من كل شئ ماعدا الدخان ماقدرت قاله الشيخ اسمع تبي تتوب بعد كل سيجارة صل ركعتين وتؤضأ حتى لو كنت متوضي ... بعد أيام جاء وقال من أول يوم وبعد ماكنت أدخن 30 سيجارة باليوم صارت 5 سجاير إذا بطلعها قالي الشيطان وين وين فيها وضوء وفيها صلاة فوالله ماتم أسبوع إلا وقطعتها ..
شاب اخريقص على الشيخ الجبيرقصته ويقول كان الشيطان ينومه عن صلاة الفجر شهرين أو ثلاثه ماصليتها فقلت له (للشيطان)والله بكره لو راحت علي صلاة الفجر لأصلي 100 ركعه فصار يقومني لصلاة الفجر حتى إني صار لي سنه ونصف مافاتتني صلاة الفجر<< ايه فيها 100 ركعه مي هينه
لا وحتى يقومني قبل الاذان حتى إن المؤذن يجي يلاقيني عند باب المسجد قال خذ المفتاح أنت راعي طاعه ..

بس ركعتين عصا للشيطان تجلده فيها

غيبة نميمة ــــــــــ ركعتين

أغـــاني ـــــــــــــ ركعتين

دخان ــــــــــــــــــ ركعتين

تأخير صلاة ــــــــــــــــ ركعتين

مشاهدة أفلام خليعة ومسلسلات هابطة ــــــــــــــــ ركعتين وهكذا ...

أسأل الله أنى يعصمنا وإياكم من الشيطان الرجيم وأن يوفقنا

لطاعته ويقبضنا عليها اللهم آمـــين...

تحياتي ..