|
حدث في السوق قبل قليل
لا أدري من أين ابدأ أن يكون هنالك رجال بهذا الشكل فخسارة أسم رجل عليهم ماهي القصة قبل قليل خرجت الى السوق قاصداً قبة رشيد أنا وحرمي المصون أم ريما الزحام كان شديداً جداً النساء في كل بقعة وزاوية هذي تشتري وهذي تسترجع وهذي في محل وهذي بالطريق تسير الكل مشغوول ليس هذا هو الموضوع الذي أتكلم عنه الموضوع بختصار دخلت قاصداً أحد المحلات وبعد وصولي اليه كان مزدحماً بشده ففضلت الجلوس خارج المحل المقصود بجانبه محل أخر يعرض بضائع مختلفه وممتلئ بالنساء شاهدت رجلاً واقف وهو يلعب بسبحته وعلامات الغضب ظاهره عليه وأثناء ذلك خرجت فتاة ومعها أخرى في عمر الزهور وقالت له همساً يباه محصلنا عنده شي فرد عليهم بصوت واضح مالقتي شي ؟ هالحين من زينك أنتي وياه ماحصلتي شي والله لوتلبسن ذهب ماأحد يبيكن عويرأ وزويرا ثم تبعها بطريقة الكش على وجوههن وقال واااوه يالله أمشن للبيت ناتسااسهعسه << حلطمه لاأدري ماهي أنتهت .. تعليقي الحقيقية اني اشفقت على هذا الأنسان التافهه وهذا التصرف الذي ينم عن عقل شخص فارغ لايوجد في عقله غير التفاهات أمثال تصرفاته فتاة بعمر الزهور ومعها أختها تبحث عن ملبس يكون أنيقاً ويميزها عن من حولها حتى يشار عليها ويقال هذه فلانه ابنة فلان فتنصدم بكلمات جارحه لها وللأختها من والدها الذي تراه هو سندها وعزوتها هذا الأب لو جاءه خاطب ودخلت عليه أبنته نظره شرعية وبعدها لم يكون هنالك نصيب اتسأل كيف يكون تصرفه مع أبنته ؟ لااستبعد أنه سوف يذهب اليها ويقول هج من شينك هذا الرجل أنا ابصم بالعشرة لم تسلم من لسانه حتى زوجته كيف تريد من أبنتك ان ترفع راسها وتفتخر بك وانت تستحقرها وهي من صلبك وأنت ابوها الذي تحمل اسمك اللهم أصلح حال هذا شخص وكل من يكون بنفس أسلوبه أحفظ الله لكم أبائكم وامهاتكم وأهليكم أجمعين اللهم أصلح أحوالنا واولادنا واجعلنا خير مربين اسال الله لنا ولكم كل خير وأن يبعد عنا وعنكم كل من به شر |
سيعرف أولئك قيمة عطائهم السلبي في التربية سيقروء نتاجه بأعينهم وأسماعهم ( قريبا) موقف يعطي انطباع ألا أحساس لدى هذا الرجل وياليته ليس أب الأمر أهون حينما يكون عم أو خال إن جاءت الرياح الباردة من الأب فمن أين تأتي الرياح الدافئة ؟ |
[align=right]والله أني رحمتهن (وجهن به الصيحة)!
ليت أمه بس تسلم الله يهديه ويعافيه ولا يبلانا عاد تصدق أني أحس أن الحياة بالوضع هذا أكبر مدرسة للصبر وتطلع بنات حمايل عنده قدرة على التحمل.[/align] |
[align=right]يعطيك العافية ابوريمااا ...
معذور لو ضاق صدرك ... فعلا قهر ... مدري انا عندي نظرية قليل اللي يتفق معي فيهااا ... او بالاصح ما حصلت احد اتفق معي فيها للحين ... المرأة يجب ان تذهب للسوق بدون رجل ... بدون ذكر يمشي معهااا خاصة اذا ما صارت لحالهاا... تشتري اللي تبي واللي يريّحهااا .. خاصة مثل ذا المواسم ... يعني ما راح تدخل محل واحد وترجعون للسيارة ... لا يبيلكم فرفرة السوق كله ... اذكر أول لا رحت مع خواتي .. يا أنطق برااا من زحمة الحريم ... والا أنكّد على خواتي بسرعة وبسرعة ... الرجل وش لزمته بالسوق الداخلي؟؟؟[/align] |
الله يهديك ابو ريما ابروح للمسجد وتسبدي مشتبه من هالابو .. يارب انك توظفهن وتغنيهن عن منته عاد يبدا يشوفهن عين السيح! لي رجعه بعد الطراطيع اقصد القيام:) |
الله يهديه :/
وإلا ليته ع الاقل صبر لين يروح البيت :( |
اقتباس:
صدقت يا أخي الغالي غداً سوف يعرف نتيجة عمله هذا وكما قلت المشكلة أنه الأب القدوه والعزوه والسند الله يصلح الحال اشكر لك مرورك و تعليقك الذي أسعدني دمت بود |
عجبا لمثل هذه الابوه,, وقساوة ذالك القلب الذي يحمله,, الابوه اراها تطلق فقط على الاب الذي يحمل بين جنبيه قلب حنون لأبنائه أن يكون مشجعا لهم وصادقا معهم محبا لهم وصبورا لأقصى الحدود,, دمت بود وسعاده,, |
ربما يكون واقعه معهن على العكس تماماً ويكون احن وألطف لكنه تعود ممازحتهن بهذه الطريقه .
لكن لا أعتقد ان هذا الاسلوب لائق أمام الناس فهو يؤثر بطريقه سلبيه حتى وإن تعودوا عليه واذا تبي الصدق والله حريمنا مايرضيهن العجب ولا يتعبن ابد ماشاء الله ..تدور عشرين محل ويزيد نشاطها وحنا نتعب من اول ثلاث محلات :( |
لاحول ولا قوة الى بالله شي محزن بالحيل
تخيلت اشكالهن وهن منحرجات قدام هالزحمة ووالله اجزم دام هاذا تصرف ابوهم اننهم يعانون من مشاكل داخلية الله يسخر لهم من تولى امرهم ويرزقهن الحظ الطيب الي يعوضهم وجميع بنات المسلمين قريب لي جدا يسوي كذا بعيالة قدام الناس من العصبية صح يتندم بس للاسف يعود يرجع على طبعه لدرجة ان عيالة نفسياتهم يوم كبرو تعبانة بالحيل اشكرك اخوي ابو ريما على فتح النقاش في هالموضوع |
انت متأكد انه ابوهن !!
اخاف انه زوج أمهن ويسمنّه يبه ! |
[align=center]ذكرتني ابو ريما باحد الاباء وانا في الطيارة وبين الناس وهم يركبون وانا رايح لديرة الشماحيط
ذكرتني بواحد الاباء وهو يلعن سلسفين بنته المسكينة اقسم اني صديت من فشيلتها ياحول حول تصيح وماتدري هي تناظر الناس والا تناظر ابوها والا تحط عينها بالارض[/align] |
[align=right]اللهم أصلح حال هذا شخص وكل من يكون بنفس أسلوبه[/align][align=right]
أحفظ الله لكم أبائكم وامهاتكم وأهليكم أجمعين اللهم أصلح أحوالنا واولادنا واجعلنا خير مربين اسال الله لنا ولكم كل خير وأن يبعد عنا وعنكم كل من به شر ............... وماشاء الله شكل بناته صابرات عليه ...[/align] |
اقتباس:
اقتباس:
أنا سبقتك بهذه الرحمه لو تشاهدينهن وهن صامتات حسست بعبرتهن خلف العباءه وكأنهن يقلن ياليتنا متنا قبل هذا الصبر هذا سوف يكون صبراً له عواقب فيؤدي بهن الى المشاكل النفسية اشكر لك مرورك و تعليقك الذي أسعدني دمت بود |
اقتباس:
والله أن شكلهن يقطع القلب من الكلام الذي سمعته وأنا لاأؤيدك في مسألة أني أترك أختي أو زوجتي تذهب لسوق وليس معها رجل حتى لو كنا مجموعة فالذئب يجب أن يحمي قطيعه أنا معهم واكون بصحبتهم ولاأجد تعب في هذا فهذه اختي وهذه زوجتي ومن لهم بعد الله غيري اشكر لك مرورك و تعليقك الذي أسعدني دمت بود |
| الساعة الآن 02:11 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة