![]() |
إمامنا ... أمي تسلم عليك وتقول لا تسجد سجود التلاوة في صلاة التراويح والقيام
هذه رغبة أمي التعليل الحريم تخرب صلاتهم يركعون ومادرو أن الإمام ساجد لو حنا نشوف الرجال سوينا مثلهم إمامنا : سأطبق السنة وعلى النساء متابعة التلاوة وسيعرفون مواضع سجود التلاوة عزيزي العضو أين موقفك من هذا الموقف ؟ هل لديك مقترح لمعالجة المظاهر التي شاهدتها أمي |
الحل هو ان الحريم يخلون عنهم الهواجيس وينتبهون زين وامورهم ان شاء الله تكون تمام التمام وتنتهي المشكلة
|
قل لأمك الله يخليها لك أن صلاة المرأه في بيتها افضل لها
وقل لها تترك الهواجيس بالصلاة وتتابع الأمام |
[align=right]وقل لأمك عليها بكثرة قراءة القرآن والتمعن فيه حتى تعرف مواقع السجود وماراح يتكرر اللخبطة اللي هي فيها.. طبعا من واقع تجربة والحمد لله ..
والسجود لابد منه ..قل لميمك..هذا يغضب الشيطان... والله يخليلك أميمك ويطول عمره على الطاعة[/align] |
وقل لأمك عليها بكثرة قراءة القرآن والتمعن فيه حتى تعرف مواقع السجود وماراح يتكرر اللخبطة اللي هي فيها.. طبعا من واقع تجربة والحمد لله ..
والسجود لابد منه ..قل لميمك..هذا يغضب الشيطان... والله يخليلك أميمك ويطول عمره على الطاعة |
[align=right]تصدقون عاد أن عمتي ضايقن صدره أن رمضان تكوسح! حنا نحسب الدعوى متحسفتن به وبصلاة التراويح أثره تبي تفقد فلانة وعلانة وطقت الحنك بالمسجد.
ووالله أميمك ماتنلام أصلا كثير من الحريم مايدرن بسجود التلاوة ولاقد سمعن عنه! تذكرت موقف مرة جيراننا عندنا الموهم أن البزران لهو ماصلوا وخلاهم أبوي يصلون غصب وأمهم ولد الجيران ومن الدين اللي ضاربه أكاليوم قرأ آية به سجدة الأخوان الباقين ركعوا! وترى أعمارهم ماتجاوزت العشر.[/align] |
الحل انه تكثّر قراءة القران وتعرف مواضع السجود =)’’!
والا تمسك قراءن وتتابع ولو ان العلماء كرهوا هالحركة ’’! وقل لامك هالحديث ,,شرط ان تقول ليت كل القراءن سجدات تلاوة هه’’=) عن أبى هريرة قال : قال رسول الله ( صلى الله عليه وسلم ) : " إذا قرأ ابن أدم السجدة فسجد اعتزل الشيطان يبكى يقول : يا ويله , أمر بالسجود فسجد فله الجنة , وأمرت بالسجود فعصيت فلي النار "! |
[align=center]ياحّول يهالحريم زاد يصلن تقل ورا رادو مايشوفن شي
لو يجخرون لهن جخر بالجدار يطل لم الإمام سيدا علشان لاتخوبلن تروح وحده وتويتز وترجع تقولهن تراوه سجد أسجدن قبل مايرفع وللا يحطون قدام الحريم شاشه تلفزيون تظهر حركات المأمومين أو الإمام أو إنهن يحفظن علامات السجود . *** قصة لي أعتبرها مبكيه طلعت بوجهي حزات من ضيقت الصدر هذا يا أخيي وانا رجال أصلي مع الرجاجيل سجدت وهي مهيب علامة سجود http://smiles.mmuz.com/data/4/crying.gif يومها جتن الصيحه قبل مدة تقريباً العشر سنين (بقلبي ماني بناسيها تقل جمره من الفشيله) الإمام قرأ آيه فيها كلمة سجود ومن بعدها ركع على طول والله واللي يخرساجداً من غير إنتظار ولأن الشماغ غمم علي (الله لايبارك به) ماقمت على طول ولا أدركت أنه ركوع إللا لأني لم أحس إن اللي بجنبي ماله صوت ولا له حركه بالارض الله يعفي عن ماعرفت أنهم راكعين ولاهم بساجدين إللا بعد مارفعت شماغي شوي ابويتز وابشوف وين الناس اللي حولي وراهم مالهم حس ولارس واشوف انهم راكعين واقوم قبل مايرفع من الركوع وخشتي صايرتن هذا كبره من الفشيله من الله قبل الأوادم اللي حولي وخاصة اللي وراي ألإمام سلم وانا سلمت تسليم المستحي من فعايله السودا واقعد اسبح وأهلل واذكر الله ذكراً كثيرا اريد من هذا أن المسجد يخلو من المصلين لكن أثنين من اللي حولي أبطوا عيوا يتزحزحون من أماكنهم وهم يسرقون النظرات إليّ يريدون أن يعرفوا من هذا البزيع الذي سجد وحده وفكرت إني أسجد والف وانا ساجد الى حيث باب الخروج من المسجد بس ماصلحت الفكره قلت خلني أتلطم مابي هاللي جالس وراي يشوف وجهي فرقعين باتسر يفضحّبي قدام أهل الحاره وكل مامريت يبي يقول ترا هذا اللي سجد وحنّا راكعين تلطمت وقمت وافتريت واشوف أنه مركز على وجهي يبي يعرف منهو أنا وبدت يدي تحكن ودي إني لو ماعطن شعره إلى آخر المسجد أجل الناس أنصرفوا وهو جالس إللا يبي يشوف منهو أنا http://www.twsyat.net/forum/images/smilies/niark.gif[/align] صلوا على محمد [line]-[/line]اللهم صل وسلم عليه [align=center]سبحان الله وبحمده[/align][align=center] .... عدد خلقه ... ورضا نفسه .... وزنة عرشه .... ومداد كلماته .... --------------------------------- أستغفر الله الذي لا اله الا هو الحي القيوم واتوب اليه أستغفر الله الذي لا اله الا هو الحي القيوم واتوب اليه أستغفر الله الذي لا اله الا هو الحي القيوم واتوب اليه[/align] |
قل لأميمتك الله يحفظها تصلي في بيتها احسن لها
|
اقتباس:
الله لا يقوله ! ان صلت في بيتها هي وفلانه وعلانه من يشريي طراطيعي ؟ هذا وانا ابمسكتس عايرنا اللي بمسجد الصفرا اقصد فرعنا اللي بالصفرا.. الله يخلف بس,, |
اقتباس:
وش طراطيعه ؟ انا متأذية من اللي يطرطعون بكل مكان وصرتي انتي الموزع الرئيسي ؟ مااعديتكم انا مابحياتي صليت في مسجد .. الا بالحرم المكي بس |
اقتباس:
هل تعرف أنت مواضع السجود ولا لازم تشوف الإمام ؟ |
اقتباس:
ولا أعرف الحديث أكثر منه خخخخخخخخ وبالنسبة لمتابعة التلاوة فلا تكفي لمعرفة السجود |
اقتباس:
هل تعرفي أنتي مواضع السجود لو تابعتي الإمام ؟ |
اقتباس:
هل تعرف أنت مواضع السجود ولا لازم تشوف الإمام ؟ |
الساعة الآن 06:31 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة