تعريف المحال
 

جاني واحد قال : بسأل كم سؤال
وقبل يسأل قلت :أنا ماني خبير !
قال: جاوب بس , يا ولد الحلال
وكل كلمه حِطَّهَا .. فبيتٍ صغير
قال نبدأ : شنهو تعريف المُحال..؟
قلت :
خَل الكلمه
فـي الشطر الأخيـر ..!

القهر : إن شفت دمعـات الرجال
والوطن : ( إنسان ) .. مِتغيِّر كثير
والطفل : لعبه على شاطـي الرمال
والأمل : إحساس في عين الضرير
الوفا : [ قلبين ] .. يجمَعهُم حلال
والرَجُل : اللـي علـى أهلـه يغير
والرجا : لا قلت : للواطـي تعال
والفشل : مدري .. ولكنـه مرير
الشعر : في وقتنا .. بدر وطلال
وكان أوَّل : حيـل يعجبنـي جرير ..!
والغلا : إحساس إلى حَـد الخيال
والعِشِق : لا شفت مَعشُوقِك تطير
والجفا : إعكس مفاهيم / الوصال
والوَصِل : يعنـي تأكَّـد فيك خير
والعقل : تِسْفَـه أقاويـل الجهال
والجهل : إن قلت عن نفسك كبير
والخطر : لا صار ما عندك مجال
والبلا : إن صرت معدوم الضمير
والعجب : لا صرت تسأل منهو قال
والتعب : إن كنت تِبْحَثْ عن مصير
الغنى : بالنفس ما هو راس مال
والفقر : من كان .. بأعماله فقير






وهذا تعريفي إلى كلمة : مُحَال
شي ودِّك فيه ولا يمكن يصير ..!

رووووووووووووووووووووعة التعبير

لمّا تأسرك الكلمات التي تشفي الغليِِل.

وتبهجك معاني تؤنس.. اليأس ,,المستطير

وشخص مواضيعه في ابعاد الحرف..تدنووتميل

بحق كلمات,, أسرتني,, شكرآ شكرآ