|
طـبـخـتـي ::: فــول الــعــدس الـبـاكـسـتـانـيـة
السلام عليكم *************** لقيت باكستاني بأكل فول عدس .. قلت له مين اللي طابخه .. قالي أنا اللي طابخة .. قلت أجل ذوقني قطعة خبز مع فول .. عاد يوم ذقته وأثره لذيذ .. عاد قلت له وأنا أمزح عليه قلت له لو أنت في باكستان كان قلت لأم عيالك أني ما أعرف أطبخ .. لكن يوم صرت هنا صرت تطلع مواهبك بالطبخ .. هههه عاد قلت له خلاص أبيك تعلميني طريقة الطبخ وعلمني كل الطريقة بطبخة فول العدس بطريقة الطبخة الباكستانية .. عاد أنا عالطول أشتريت وجهزت الأغراض ...! ويوم صرت بالبيت قلت أبجرب طبختها وأليكم طريقة طبخة فول العدس بالطريقة الباكستانية .. بس لا تضحكون علي .. لأني أول مره أطبخ فول عدس .. لكن أنا أحب المحاولة وأحب أستكشاف أي شئ جديد بالطبخ ::: http://www.gulfup.com/file5/12794864721.jpg قطعت البصل لحال والطماط لحال وهذا البهارات ( مسحوق الكرى ) الباكستاني .. وجهزت العدس .. ! ثم جبت القدر وحطيت فيه البصل والزيت علشان أكشن البصل ثم جبت قدر ثاني وحطيت فيه العدس مع ماء .. ثم أخليه يغلي بالماء لمين تلين حبات العدس .. بعض المرات يلين بعد ربع ساعه وبعض المرات يلين بعد نص ساعه .. طبعا كشنت البصل لمين يتقمر ولما تقمر البصل جبت بهارات وحطيت من البهارات ملعتين ونص كبيره وحطيته مع البصل ثم حطيت طماط مع البصل ثم وضعت ماء مع الطماط والبصل ثم حطيت ملح وأذا صارت حبات العدس لينه نكب بقايا الماء اللي بالقدر اللي في العدس ثم نجيب العدس ونضعه على القدر اللي فيه الكشنه ثم نحركه ونخلط البصل مع العدس جميع وتركته 10 دقايق لمين نشف أشوي من الماء ... وهذا العدس بعد ما خلصت من طبخه واليكم النتيجة ......! طبعا أكلناه مع خبز ( بر ) ...! وأعذروني على طبختي المتواضعه .....! عادل |
يم يم ماغبيتلي باديه للفطور يشهي الصراحه
لكن اول مره اشوف عدس اصفر حسبته ذره يوم شفته بالعادي اللي اشوف اسود واحمر في اصفر؟؟ لاتضحك ترا معرف اشكال العدس عموما سلمت الايادي ياشيفنا |
اقتباس:
ايشرك بقى كثير حطيناه بالقدر .. ههه العدس مب انا اللي جايبه .. لاني وصيت الباكستاني يجب لي .. شكله شراه من حدا محلات المواد الغذائية تراه العدس حباته أنواع .. وهذا حبته صغيره تشرفت بمرورك العطر |
الفول ماله طاري! لاتصير ناسيه .. النتسب صعفقه خخخ بس احس طعمها دلع بالفجر مع هالخبز وشاهي منعنع ! |
اقتباس:
قلنا نبي نجرب عدس الباكستانيين اكيد الفجر له طعم مع الشويهي والخبز الحار او خبز البر |
يمي يمي يمي .. وش هالحركات وش هالسنع وش هالنظافه تسلم يدينك اخووي على هالفول لو حنا في الشتاء كان اكلت الشاشه .. |
اقتباس:
اجل احتفظي بالطريقه اذا جاء الشتاء او اطبخيها بعز الظهريه أبورطكم هه تشرفت بمرورك العطر تحياتي لك |
[type=575609] والله جازلي مرة بس مشكلتي معدتي دائما تتعبن 00مواي شي اكلة00بس اتشهواءبالفاضي00الله يوفقك وبداية طيبة عقبال مانقول الشيف عادل في منتدى بريدة 00[/type]
|
حنيت للشتـــــآآء :p مـآآشــــآء الله سنــع ونظـــآآفة .. عــــــــــوـوافي خيوو |
اقتباس:
اهلا فيك بالعكس ذقته انا .. والصراحه خفيف على البطن وخاصة اني اكلته مع خبز بر سعدت بمرورك العطر تحياتي لك |
اقتباس:
عسى الله يجيب الشتاء ونفتك من الحر تشرفت بطلتك العطره تحياااتي لك |
وآلله شكلــه لذيــــــــــذ :c7:
يعطيك آلعـآفيه .. |
مع اني مااحب العدس لكن تبون الصراحة اشتهيته من شكله :a5: هذا غير ماشاء الله النظافه .. يعطيك العافيه شيفنا |
اقتباس:
تشرفت بمرورك العطر تحياتي وتقديري لك عادل |
اقتباس:
اها .. ما عليك بس جربي الطريقه وما راح تندمي .. حتى أذا أكلتيها مع خبز البر تحسي أنها خفيفه على البطن سعدت بمرورك العطر تحياااتي لك |
| الساعة الآن 08:41 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة