|
مرور القصيم ....حاضرا بشارع النهضه ...غائبا في الاهم ...
اصبح طريق النهضه ببريده مقلقا للمارين من المواطنين القاطنين جواره .. وبداء العديد منهم الفكير بالرحيل وترك منازلهم التي دفعوا ( دم قلوبهم ) للحصول عليها ...جراء ما يعانيه الطريق من افراد المرور .. بطريقتهم الغير مقبوله عندما بدوا بوضع النقاط بالاتجهات الاربعه على كل دوار هناكوبشكل شبه يومي .. لاسيما قبالة الصيف الذي يشهد زوار من خارج المنطقه لرصد المخالفات التي لا ترتكب سواء بهذا الطريق على حد زعمهم ...وكأن بريده التي تشهد توسعا منطقع النظير باتجاهاتها الاربعه لايوجد بها سواء هذا الطريق ... الذي وضع للشباب,, والجلوس على جنباته ... وقضاء وقت فراغهم تحت نظر اولياء امورهم .. ومراقبتهم عن كثب . افضل من الانزواء .. ( والتلفز ) بالاستراحات والمقاهي ... وشقق العزاب ..فالمرور هداهم الله ... لانعارض النقاط .. ولا نتدخل في عملهم ؟؟ ونشكرهم على جهودهم .. وكان الله في عون الجميع .. ولكن لا بد من تقبل الراي وما يقومون فيه بالنهضه شي مبالغ فيه ... فك التظليل .. وخذ مخالفه ... والمحال امامهم تركب ؟؟؟الدوران ممنوع وهذا شي جيد ..لكن لاتجلسون هذه المشكله ... فحضورهم بشكل يومي يوحي للزائر ان هناك شي ما ؟؟؟؟الا يوجد ببريده سوى النهضه ؟؟؟؟ ما الاسباب .. وما هي الحلول .. قالوا في السابق السيارات فتجاوبوا الشباب وابعدوها ...وبداء المرور بتنفير الشباب من حيث لا يدرون ...هناك من يهتم بالشباب ويبحث عن قضاء وقت فراغهم ... والاخر ينفرهم حتى عن الجلوس ...قمة التناقض في زمن المتناقضات ....ويبدوا ان طريق النهضه اكثر الطرق حصول على المخالفات ؟؟؟
|
مشكور اخوي
انا سوف اجاوب على اسألتك س1 لماذا يمنعون الشباب من الدوران؟ جـ1 لأن الدوران يسبب الإزدحام والحوادث س2 لماذا يمنعونهم من الوقوف؟ جـ2 لأنهم ينصبون ويغبرون وغيرها س3 لماذا يقولون لهم فك التضليل؟ جـ3 لأنهم يضللون الزجاجه الأماميه(السبب)لااعلم وهاذهي اجوبت المرور الأان سؤال الشباب للمرور س1 ماذا تريدوننا نفعل ان لم ننصب وهاذا ابسط شي وماذا تريدوننا نفعل ان لم نذهب الى الإستراحات وماذا تريدوننا ان لم نذهب الى شقق العزاب؟ جـ1 اتمنا ان يجاوب عليه رئيس المرور والهيئه تتساعد معناء لإقناع المرور اتمنا انكم تجاوبوننا بصراحه جنوب بريده |
المخالفة اهم من انك تمر بسلآم
قلنا شمس قالو مسموح لك تظلل 30% ظلننا 15% قالوا اهم شي انك مظلل واذا كنت راجع البيت من نفس الشارع رحت وجيت من نفس التفتيش يقول حجز دوران والفرق بين المره الاولى والثانيه ساعتين .. استهتار واستخفاف بالعقول وعساكر سفل لكن ماقصروا الشباب عرفوا كيف يردونها لهم |
اقتباس:
نفس كلام اخوي اجل وش عاد انا ماخذ 4 قسايم بالبشر وانا توي طالع من بيتنا الاولى عدم وجود رخصه الثانيه عدم ربط حزام الامان الثالثه زينون وتضليل الرابعه شوي ويحجز الموتر يقول دوران وانا توي داخل البشر ويكتب حزام + تضليل + حزام !!! وبالنهضه اخذت تضليله وانا واقف شفت واحد مضلل ومشاه عشان وشو عشان تاك هالجنز ومسرح << وش رايك بالتخلف ’’ اما منع الدوران خل الشباب يستانسون بالشارع ذا لانه شارع عام وخلهم ينصبون عشان يخففون الدوران والتفحيط والحين طايحين بحركه يطفون الانوار الساعه 3 يبون الناس تقوم اجل ليش حاطين هالشارع وذابحيننا بكل شي !! معك واسطه تدور وتضلل وتسوي كل شي محد يقولك شي ولو معك الحق وماعندك واسطه يتبلونك ويدورون عليك اي شي |
وانا ماهذ قسيمه بالنهضه تشميع
ولا تسد شمعت اللهم غبار وخفيف وقسم بالله انه خفيف والدليل اني امر من عند مرور ودوريات بأوقات مثل العصر مثل الصبح ومثل المغرب وعادي لانه مب بمكان دوران اما بالنهضه يدور عليك اي شي واللحين افكر اضلل لان الشمس حمستن بس البلا بالمرور والله انه مشكله اهوجس اشري فورد من الاولات واضلل عشان محد يقولي شي وعساي اسلم واكبر مشكله نص العساكر من القهر يدورون وينصبون والى الله المشتكى |
تبي الحق ؟؟؟
كرهت بيتنا من كثر التفاتيش .. مو معقوله كذا الي يصيير المشكله في الاتجاهات الاربعه من جد ملل ياليت صوتك ينسمع لمدير شعبة السير بالمرور |
[align=center]دااااااااااااااااااااااااااجين يبون فلوس لا تلومهم[/align]
|
اقتباس:
|
اخوي او اخواني الله يعطيكم العافيه .....,
اشوف المنتدى هذا ماغير سب برجال الامن وغيرهم ليش هذا الحقد والكراهيه ؟ اخوي انا اخالفك الرآي واتمنى بعد ان يزودون طريق النهضه اكثر واكثر من رجال الامن عشان ضاهرة التفحيط والدوران والهبال الي يسونه ابناء بريدهـ وابعلمك عن اعيال بريده وشو يزينون بارجال الامن بالنهضه يحلتون العساكر بقوارير الماء والعصير الى هذه الدرجه وصلت ابناء بريده ؟؟؟؟؟؟؟؟؟؟؟؟؟؟؟؟ بعدين ابرد على الي يقول الجنز والشعر والتسريحه هو اللي يمشي ؟ اقول له حرام عليك ياخوي لاتحط بذمك شي وانت ماتدري وانا بعد ماودي احط بذمتي شي وادافع عن العساكر بهم الصالح وبهم الطالح . ياحبيل قلبك ماتت العالم والسبه التفحيط والسرعه قسم بالله شبه يومي وفيات من التفحيط والسرعه . بعدين تقول بيتي بجنب النهضه انا مثلك بيتي على طريق النهضه اذا صارن اوراقك نظاميات وسيارك نضاميه ورب البيت ماراح يتعرضون لك وراح يقولون لك تفضل . وهذهـ وجهة نظري وارجو ان تتقبلهاء اخوي والله يعطيك العافيه ويخليك |
يرجال خله على ربك ماندري وين نطس دوران لا نصب لا انا ودي اعرف شي واحد النهضه وشوله حطينه اجل مسوين شبكه عند كل دوار يجيك واحد يعرفه تفضل امش او مسرح الشعر وجنز ومدري وشو تفضل قهر قسم بالله لا شافو واحد كشباره اسفط يمين ويتكلم من غير نفس وسلوبه زفت وماتقدر تقوله شي او يجونك بعضهم عنصريين هذا بدوي وهذا حضري قمت التخلف
|
أزمة وتعدي كغيرها
|
اقتباس:
طيب اسئلك بالله يوم مابوه تفاتيش بوه تفحيط وسرعه وخرابيط !! من حطوا التفاتيش والناس منهبله يعني هم مسببين كل هالزحمه وبعدين من يقول اننا ضاربين العساكر بقاورير ماء وغيره هذي اول مره اسمع بوه !! وبعدين اقولك اللي مسرح قدامي ماشي وهو مضلل وبالبشر راعي هلي مشمع + مسكن + فاك المرايات وخر مر من عند التفاتيش هذا اقل شي موتره يحجز وين تقولون خرابيطك انتم البلا ومدري وشو واخر مره ممسوك خويي مامعه طافيه ومر راعي فورد مضلل كل الموتر زيرو 2 ومشى زي اللوز وخويي موقف عشان طفايه وتقول بعد البلا منا قسم بالله ترانا نشوف ونسكت ولا نعرف نطلع فضايح هالسفل العساكر |
المصيبة ان كل السلاتيح بزرنجية وهم اللي يدرون بالشارع؟؟؟؟؟؟؟
|
المشكله بالشباب هم السبب دوران وازعاج وما يتخللها الله يعلم 0
لاكن المفروض ينظر للشباب ويستحوذون هذولا شبابنا يوضع لهم أشياء ترفيهيه ليقضو أوقات فراغهم ويتخلل الترفيه بعض الارشادات الدينيه والاجتماعيه 0 |
والله كلامك عين الصواب
مشكوووووووووور |
| الساعة الآن 07:11 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة