|
نداء .. نداء .. نداء .. لمتزعمي رابطة سب النساء ...
نداء لكل اللي يفرحون باي خبر ضد المرأه السعوديه وبدون مايتأكدون من صحته يشقلونه وطيران يسدحونه هنا وهات تحسر وآهات وزفرات ومسبات .. اليكم هذا الحوار عساه يسد حلوقكم وتشرقون بمعسلاتكم << نسبة لزعيم نقل اخبار التهكم العضو ... وتتلولس عليكم اخطبوطاتكم <<اغديه واضحه مايحتاج اوضح عشان مايحذف الموضوع وتفرحون علينا وتنسم كفراتكم << نسبة الى كبيركم الذي علمكم الزفر ويكفينا الله شركم << نسبة لأبو السوريات ورافع لواء الزواج من هناك :4[1]: " تنهد محمد بشدة و هو يقود السيارة و بجانبه زوجته .. وسألها:ـ شفتي ذيك اللبنانية اللي في المحل وشلون تحاكي الرجال اللي معها؟؟ تهقينه زوجها ولا مخاويته؟؟ ردت :إلا رجلها شايفته يوم يلبس الولد جزمته بعد ما قاس عليه البنطلون تجاهل ملاحظتها بالنسبه للتلبيس و تسائل بغباء: وشلون؟؟ وش قصدك ..وشلون؟؟ ماسمعتيها وهي تقول شوف هالقميص حبيبي لونه حيصير يعقد لما تلبسه مع الجينز الكاكي من شان خاطري جربه يا روح آلبي. وش يضركن يا السعوديات لو تسوون مثل هالأجنبيات..لطافة و شياكة وحكين يالله من فضلك أولا :لو أقول لك ياحبيبي في المحل ـ(وطيت رجلي )ـ .. ثانيا: الحريمه لابسه بنطلون جينز محكك ماشفت فيه أي بادرة شياكه.. و بعدين تعال ، وراك خليت كل شي و ماسمعت إلا هالكلمتين الزينات.. ما شفته ما شاء الله وهو ياما شال البنية من العربية ياما حطها فيها .. ياما قاس اللبس على الولد ياما لبسه جزمته .. ويوم خلصت الحريمة منقية قال هاتي اللي بإيدك حبيبتي من شان وديهم لعند الكاشيير... مهوب مثلك إن كانك ذاك اليوم رايق و ذابحتك الرومانسية قلت: إذا قضيتوا تراي واقف برا أحتريكم..<~أليمه :e5: ياعمري وقلبي أنت تبي من يقول لك ياحبيبي و ياروح ألبي...ما يحصل .. ما أقول إلا الله كلن يخليه لعميره و أهيله ..والله لا قايلة لك يا عمري ولا يا روحي.. الحب أحبك ..مانيب كاذبه بس هالكلمات يالله أقولها لعيالي إذا صخّنوا... صراحة الشغلة فيها بجاحة..<~ـ(طمع)ـ شوي . لا والله مهوب شوي إلا ' بجاحة بلا حدود ' أنت تبي زوجتك تقول لك كلام محبة و تعطيك عيونها وأنت في نفس الوقت ماتبي تعطيها عيونك ولا حتى نظارتك. صراحة ...أشك أن السالفة سالفة أنكم بحاجة لكلام ناعم و ألقاب فقط ـ(وأدري أن كل الموضوع حجة لتبررون به حبكم للأجنبيات الجميلات فقط)ـ ولا هذي فوزية الدريع طول برنامجها وهي يا عيوني و ياعيوني و ما شفناكم مقابلين برنامجها.. القضية قضية وش شكل اللي قال الكلمة ؟؟ تبي زوجتك تحترمك وتغنج لك و تقول لك سم ولبيه و انت ردك عليها "هآآآاه ؟؟بمعنى نعم " أو وش هنا ؟؟ أنا أعرف ولد في المتوسط إذا ناداه أحد رجال او أمرأه رد ' سم ' ما يدري ان المرأة يقال لها 'سمي ' ليس لأن عنده مشكلة في القواعد و المذكر و المؤنث و لكن لأنه و بكل بساطة ما قد سمع رجال من اللي حوله يقول لحرمة << سمي >> يا حليلك يالرجل السعودي عجيب وغريب و جرئ غريب ..تبي زوجة أقدامها ناعمة و ركبها بيضاء وانت رجلينك كن الوحدة محراث تنور ..و اقدامك الشطب الواحد ممكن توزي فيه سكينة سويس ارمي عجيب.. تبي زوجة تلبس جينز و تتشيك لك بتنورة وانت أربعة و عشرين ساعة صيف و شتاء تدير و تاكل و تنام في اللبس السعودي الرسمي فنيلة بيضاء نص كم و سروال سنة .. ومهما شرت لك المسكينة من بيجامات من تخفيض دبنهامز أو ماركس و سبنسر ما لبستهن ـ(هي تشتري مخفضة ليس تقليل من قيمتك و لكن لأن الأمل ضعيف في انك تلبسهم)ـ أنا متاكدة أن مافيه أنثى بتقول لها ' حبيبتي' و ترد عليك بجفاف ... الأنثى معطاء جرب تعطيها حنان و بترد لك أكثر . الشي الثاني يا أبني لو أنت تشيكت و لبست داخل البيت مستحيل أم العيال بتجلس في خلاقين أو لبس أقل من اللي انت لابسة .. أصلا طبيعة الأنثى غيوره و بتجاريك في لبسك تلقائيا ياإما حتى ترتقي لمستواك أو عشان ما تعرس. ومثل ما يقولون الأمريكان " إت تيكس تو"ـ سي يووو للجميع الزين والشين والدبله والحليل :) |
اول مره بحياتي اقراء موضوع طويل وماامل
بس قربي بقولتس لحد يسمع>>>تراهم يدرون بس يكابرون |
ههههههههههههههه
طيب تسان حطيتي الموضوع بنكك الاصلي :b3: الرجال والنسآء عنصران مكملان لبعضهما لا الرجال قادرون على العيش بدونهن .. ولو قالوا ولا النسآء قادرات على العيش بدونهم .. ولو قآلن |
ههههههههههههههههههههههههههه
من سبكـ تراه يحبكـ ولا راح يحصل مثلكـ خليها قاعده لك الله يسعدك |
اقتباس:
هههههههههههههههه والله انك صادقه اقتباس:
موضوعك حلو ..بس استعدي بالخوذات والقنابل وكم رشاش ههه |
سؤال يدور في بالي دائما متى تنتهي هذه الحرب العشواء بين رجالنا ونساؤنا ؟ وما سبب اندلاعها ؟ وأهم شي من المنتصر بالنهاية أو هل ستنتهي لصلح الله يعينكم يالرجال على هالحريم مايرضيهن شي |
اذكر طف لي اني ادلع الممشق الي عندي
عاد يقولي وش هنا اكييييييد عندك شي وتليوقين عندي كشش مير هذولا وجيه تدلع انا مادري متى الرجل السعودي القصيمي (البريداوي) يحس بنفسه انه مقصر هي اول العرس بس به سفريات وركبنا دباب البحر~~>تفرح باي شي خخخ بس يالي كاتبه الموضوع تراااتس تنفخين بقربه منشقه |
الحين متى تعقلووون ؟؟ السعودي ها الاشهب اللي يبي كلمة حبيبي ومدري وشو ... ومسوي فيهااا روماانسي زمانه .. ما ينفع له الا اللي يقول عليهاا ام ركب سوود .. ولا يعرف له الا هي ... ولو تروح عنه يومين إنحشر وضااااق وتناازل عن كلمة حبيبي وتؤبرني ما يبي الا خشيشته .. وهي ذا اللي تبي هاالضب يتكشخ ويتزين لهااا و و و و ... لو يخليهااا ذا الاشهب ابو شطوووب اللي كنهااا حفريات بريدة عن أهلهااا يووووم واحد لانه مشغووول ضاقت عليهااا الارض .. كااان تقول وينه ؟؟ ابيه ... يا حبي له هو وسروااال السنّه حقه... عليناااا يا مناااحي ... ربي ما جمّع الا وفّق ... لا يقين على بعض سبحااان ربي ... |
لا تبالغون مجرد اراء فقط .
|
اصلاً الرجل لو يشوف قدامه وحده زينه صدقيني بيقول لها كل الكلام الحلو , الزين يفرض نفسه ويخليك غصب تقول كلام حلو :)
بس المشكله الشيفه صعبه يدلعها مو ؟! |
حبيبتي مامثلي احد .......
بتتعبين كثييييييييييييييير اذا ناظرتي الحياة من الناحية هذي وسعي صدرك يالغلا الدنيا ماتسوى لاحرمتي الاجر والعافية |
اقتباس:
مغطي كل شيف العالم ،،، |
اقتباس:
|
اقتباس:
وكلن ظنااه أمثالهـ |
ماشاء الله عليكن عرفتن تعبرن عن الرجل السعودي :) مع ان اسهل شئي التعبير عن الرجل السعودي :( كانك تعبرين عن ( الجمل أو البترول) :) يعني كانك تعبرين عن ثروة من ثروات البلد :) بس أني استغرب من شيئ واحد :( إلى الآن ما عرفتن تتعاملن معه وغيركن صار اشطر :) |
| الساعة الآن 10:43 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة