|
باقي 50 لي من يدفعها عنهم !!؟
أهلين <<< من زمان ماقلتها
المهم نخش بالموضوع دغري قبل فترة رحت بعدي الله يصلحه لأحد المستوصفات وكان الوقت ظهرا وكان يشكو ألما بالعين فدفعت قيمة الكشف 50 ريال وانتظرت قليلا واذا بالمسؤول يأتي الي ويعتذر بعدم حضور الدكتور الآن رغم أنه استأذنه قبل أن أدفع قيمة الكشف وقال تعال العصر مباشرة لتكشف على ابنك !! فذهبت ولم أرجع حتى الآن وبقيت الــ 50 ريال في ذمتهم قبل فترة بسيطة ذهبت بسيارتي لورشة اصلاح وفي اليوم الثاني ذهبت لاستلامها فقلت كم قيمة الاصلاح فقال مسؤول الورشة 450 ريال فأعطيته 500 ريال فذهب ليأتي بالباقي فرجع وقال ليش ماتجي وقت ثاني وتأخذ الــ 50 ريال ولأني أعرفه جيدا لازالت الــ50 في ذمته ولكني لم أذهب اليه لبعد تلك الورشة عن بيتي !! أنا صراحة أعمل بادارة حكومية وكثير مايأتي الى الأصدقاء والأقرباء وآخذ اوراقهم لإنهائها وخاصة الادارة مرتبطة ارتباط كلي بالمواليد والوفيات والاضافات والبعض من هذه الأوراق أجد أن عليها غرامة تأخير وأضطر الى دفع الغرامة والتي دائما تكون 50 ريال وصراحة أستحي آخذ المبلغ من هؤلاء الأصدقاء والأقرباء لأنها بسيطة جدا ولكن مع تراكمها بالـتأكيد سيكون الملغ كبير ! كما تعلمون لابد أن يكون فيه طلعات سواء في الاستراحات أو في أي مكان ودائما اما نطلب عشاء جاهز أو نحضر لحمة ( حاشي ) أو ( حمام ) وبعد العشاء نتدافع وصراحة هناك من يأتي ومعه 500 ريال ويريد أن يصرفها ليدفع عشرين أو ثلاثين ريال فنقول له بعدين جب قيمة ماعليك من مبلغ فيذهب ويذهب الباقي معه !! ترى من يدفع هذه المصاريف نيابة عن هؤلاء !!؟ وهل أنا ساذج لدرجة أن أسكت عن حقي !!؟ وهل ذهبت عليكم مبالغ صغيرة ولكن عند جمعها تكون كبيرة !!؟ أنتظر |
لا والله عن نفسي مستحيل
مااسكت عن حقي من كثر فلوسي الله يخلف على والله صديقتي لو تطلب من ماء من الكافتريا اخذ الريال منها قبل اروح وليش استحي |
تش تخ
اقول لك شئ؟؟؟ تسان انبطح قدام باب المستوصف واخذ 50 من وسط عنونهم وبعد حق الكفرات نفس الشئ افتر افتر مابقى إلا هي عامل ويهك علي ياملى القطع بس المشكلة لما يصير قريبك ولا تمون عليه والله يا أنت تبلش ولا احد أصدقائك ماتقدر تقول شئ ولا الباقي اطلعووه من عنونه ويرجع لي الخمسين خمس تلاف بس يفتك من كشرتي>>وسعت وجه ولا هوب تستحي مير عندي الحل اذا صرت من النوع اللي تستحي >>بس الحل بـ 50 هع هع |
مافي احلى وارقى من صفة الكرم تدل على الشهامه وعزة النفس
لكن بحدود الله يعينك ... عن نفسي انا استحي اخذ حتى حقي وكم مره حصل زي هالمواقف مثلآ صديقتي اعجبها شي عندي وطلبت اجيب لها مثله اجيبه له وتسأل عن سعره وارفض اعلمه من زود الكرم ! ... اوقات الحياء يجي على غير سنع ... مافي احلى من الوسطيه بكل الامور يعني الشخص مايكون بخيل يموت على الفلس من حبه له ولا يكون كريم بزياده يتعب نفسه واهله |
والله يا أخي حاله تفرق عن حاله ومكان يختلف عن مكان يعني مثل الامكان التي يحصل فيها التبدال التجاري أو بعض الخدمات هذي تعتمد على الكياسة والذيابة (ان لم تكن ذئبا اكلتك الذيابة ) / / اما تمشيه امور الناس أو القطات في جمعات أو سفريات فهذا يعتمد بالدرجة الأولى على اخلاقيات الرفاق والمعارف فمنهم عزيز النفس الكريم الذي لا يرضى بأن يضع نفسه أو غيره في مواقف محرجه غير لائقه <ياقلهم ومنهم اللئيم الوقح البخيل الطفيلي الذي يرضى وبكل بساطة في أن يستفيد من الآخرين إلى آخر رمق منهم < ياكثرهم وإللي مضيعنا في هالحاله الحياء منهم والخجل ولو كانوا مكاننا لما ترددو عن استرجاع حقوقهم ولو كانت لا شيء يذكر بس في النهايه الحق ما يستحى منه <خلك ذيب في المرات الجاية:36_1_1[1] |
احسب كم خمسين تطلبهم وراجعني بالمكتب ومالك الا اللي يرضيك :)
اعذب تحية |
والله محد يستاااهل ادفع عنه او اعطيه
لو يبي شي وعطاني وناقص بس ريال رجعتله فلوسه قلت مالقيت اللي انتي تبيين فاضيه لخلق الله انا اذا انا بشريله كذا من عندي موب مشكلة اما اسدد عنه واعطيه غرض لي وانا ابيه ومدري كيف يعني ماعطي واسوي الا بمزاجي والله ماعلي الا من زوجي واطفالي وامي اوابوي واخواني والباقي بحريقة تحرقهم وعلى فكره ترى هاللي تدفع عنهم يدرون انك تدفع بس العالم هلأ اذا عاملتهم زين اكلوك واجحدوووك |
أهنيك على صفتك الرائعة الكرم شي زين لو يروح للي يستاهله إعرف وين تودي فلوسك ناس دفعنا لها دم قلوبنا من سنين ووالله إننا إلى اللحين مبسوطين |
[align=center]
تصدق عاد ذكرتني باقي لي (50) ريال عند موظف الاستقبال تحت ابنزل اجيبها وارجع لك :)[/align] |
بالنسبة لي كريمة حيييل
وعزيزة نفسسس وهالشي متعبني بحياتي لاني اصادف ناس قليلي الكرامة وللاسف استغلوني بس الحمدلله صحيت من غفلتي تقبل مروري |
يقولون ...
سوي خير وأرميه في البحــر ... لكن ما تكون مهكـــآكه :) <<< لا أقصد بمهكاكه هو أن تكون غبي ,,, لا محشوم ... ولكن أن تسكت عن حقك .. لأن النـــآس أكثرهم ... ما ينفع معهم المعروف ... لازم تطلع حقك وحلالكـ من عيونهم .. |
اقتباس:
مآشآء اللهـ عليكم شكلكم تحقدون اللهـ لآيقول وأصآدق وحدهـ منكم أنآ لو يآخذوني كلي مآتكلمت مآأتخيل أطلب ليتني آخذ من قوتكم شوي |
أجل فرصـة ابكلم اصدقائك واسألهم (خصوصا اياهـم :) )
وكم خمسين تبي من أنا ؟ لأنك أكثر من مرة تخلص لي معاملة ، وانا ولا خبر :) وبالمناسبة كم خمسين يبون منـك هـم اصدقائك ؟ |
ماشاء الله يابوعدي..
من عرفناك وانت كريم.. شكل حاتم الطائي ابووووووووووك :) |
اقتباس:
لكن بسمح لك هالمرة لعيون الأمير الصغير الله يخليه لكم :) حااالفة ان التسديد علي اعذب تحية |
| الساعة الآن 07:17 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة