منتدى بريدة - كاســة كابتشينو

كاسـة كابتشينـو ، ، زقـاره وباكيـت
سبحه ، ، ونظاره ، ، وجوال ، ، مفتاح

هـذا محيـط الطاولـه وأبتـدا البيـت
يمكـن بعـد مايكمـل النـص برتـاح

مدري عقل ، ، مدري جنـون وتماديـت
بـس الأكيـد أن الألـم داخلـي صـاح

يالله صباح الخير . . ! وش فيك رديـت
وأنـا توقعتـك عـن الصـدر منـزاح

ياهمـي اللـي بيـن الأضـلاع لجيـت
قل وش تبي فيني ترى الصبر قـد راح

ياهـم ضـاق الصـدر منـك و ونيـت
حتى جليد الصبـر فـي داخلـي سـاح

وأنتـه نزلـت بداخلـي وأستحلـيـت
تلك الحنايا , , والحشا منـك قـد فـاح

خـلاص يكفينـي عنـا ,, روح مليـت
ودي ابـدل ضيقتـي ضحـك ومــزاح

مـرت علـي سنيـن فيهـا تعنـيـت
وشفت الألم فيها , , توشحـت الأتـراح

بكيت وأبكيت القلـم صبـت وأخطيـت
عشـت بمتاهـة حـزن مؤلـم وذبـاح

مشيت ,, عنيت القدم ,, رحت ,, سجيت
مليت أدور فـي طريقـك علـى أفـراح