|
طوارئ مستشفى الولاده والاطفال
في تمام الساعه الثالثه والثلث من صباح يوم السبت ذهبت الى طوارئ مستشفى الولاده والاطفال وكما هو معروف تاخذ ورقه ورقم والحراره ثم تذهب الى عيادات الطوارئ كانت الساعه تشير الى 3:30 وكان الرقم في الانتظار 398 قلت من الاحسن ان انتظر في الخارج افضل وعندما اصبحت الساعه 3:45 رجعت وتصوروا ان رقم الانتظار مازال عند 398 علما ان الرقم اللذي معي 416 فلما سألت الموجودين كم يوجد من دكتور اجابوا فقط واحد يعني تخيلوا الوضع تقريبا ثلاثون مريض ودكتور واحد فقط .......................لماذا
على العموم حسبتها بالعقل كل مريض نص ساعه وقدامي 18 مريض يعني لاطلعت من الدوام يجي دوري |
صباح الخير والياسمين :يحووول ياطواريء الولادة يحسبونك عيادة: الله يخليك لعين ترجيك ؟اجل فوق رقم 400وجالس تنتظر وش الحاله الأسعافيه هاذي الله يعافي وليدك (بنيتك)ومرضى المسلمين آمين
|
ايوه قمة التسيب اختي جاها اجهاض كان يوم جمعه راحت للمستشفى الولاده قسم الطوارء تخيل اختي تلوى من الطلق لها شهر ونص حامل بس جاها العوار وراحت للممرضه بس الممرضه سعوديه قالت ابي غرفه ابي ارتاح تعبااااانه قالت ما حنا بفاضين ما فيه غير دكتوره وحده وعندها حرمه معها نزيف قالت اختي بس انا اتعور يمكن يطيح الطفل قالت روحي دبري عمرك ... والله قهر هذا اسلوب الله يهديهم
|
اكملكم بعد مارجعت للبيت وكتبت الموضوع وجلست حتى الساعه 5:30 مازال الولد تعبان قلت خلاص مافي نوم احسن ارجع لطوارئ وكويس مازال معي الرقم المهم دخلت الطوارئ لقيت رقم الانتظار عند 408 سألت واحد جالس وين المرضى لانه مافي الا هو قال مشوا طبعا بدون كشف لانهم ملوا من الانتظار يوم صارت 6:45 ابشركم جا دوري ................. بس الدكتور قال معليش بروح اصلي .......................قهر الحاصل والله اني طلعت بدون كشف لاني بداوم الساعه 6:00 وش رايكم بهالمغامره من 3:20 الى 5:45 في الطوارئ بدون فايده حسبي الله عليهم |
زمان كان كذا حالهم...واخر مره رحت لهم كان فيه 3دكاتره...
شكلهم تحسفوا والغوهم.... هذا اسعاف هذا رفع ضغط وقطيعة للعالم.... |
بيمشون سوق الخاص
راحمينهم يهشون غبار واتفقوا معهم انهم يطفشون مرضاهم لهم والربح النص بالنص |
يمكن لو مريتهم بعد العمل
ما وصلوا رقمك ! عذرهم قلة الأطباء وعذر الوزارة التسرب وصعوبة البحث عن الأفضل ويبقى المواطن منتظراً |
الطوارئ .., ؟
نحن نساهم بشكل مباشر بمثل هذه الإشكالات و الملاحظات ., ومن خلال خبرة اكثر من 20 سنه استطيع القول أن ( جل ) مشاكل الطوارئ من المراجعين انفسهم . ومن خلال دراسة تم عملها تبين أن ( 75 % ) من الحالات التي تراجع ( الطوارئ ) ليست طوارئ ولا تحتاج للتدخل السريع . فقط في ( وقت فراغ ) ولي الأمر قام بمراجعة الطوارئ وحسب ظروفه ( الخاصه ) وزاحم المحتاجين فعلاًً للطوارئ و اخذ وقت الحالات التي تحتاج فعلاً للتدخل السريع ., ومن بعض سلوكيات الأباء كمثال .... خلّص بلوت بالإستراحه وخرج بعد منتصف الليل وجد ( الطفل ) عليه حراره أحضره للطوارئ علماً أن الطفل له اكثر من ثلاثة ايام مريض .., ؟؟؟ وهذا لا يعني أن جزء من المسئولية لا يقع على مسئولي المستشفى خاصة من ( بعض ) الأطباء الذين يحتاجون للحزم و الشدّة ليستقيموا ., كما أن للنقص الشديد بالكوادر الطبيه دور اساسي لمثل هذه الملاحظات . وهذا خارج قدرة إدارة المستشفى . الله يشفي مريضك ويعافيه .. ومرضى المسلمين اجمعين ... آمين ., تحياتي .,’ |
اقتباس:
اقتباس:
ويستثنى من ذلك الحالات التي تتطلب اكثر بحسب الحاله المرضيه للمريض ., تحياتي .,’ |
نريد الحل من المسئول خاصة في هالايام ايام امراض الاطفال وتغير الاجواء
|
مامثل الخاص على مقولة أختي
|
اقتباس:
يعني انت رايك الناس ماتروح لستراحات ولا تلعب بلوت واذا كان ولدك به حراره اصبر عليه لما يفطس ولا توديه لطوارئ ابد بعدين اعتقد مافي احد يجي لم الطوارئ الفجور لمجرد انه فاضي ويبي يوسع صدره بالطوارئ انصاص الليول لكي نحل مشكله يجب الاقرار بوجودها ومثل كلامك يضع ستار عليها وماراح تنحل تحياتي |
لاتعمم على الجميع انهم فاضين وجايين للطوارئ
اخى الفاضل لايجوز التعميم على كل المراجعين للطوارئ انهم فاضين ويحضرون وقت فراغهم لم يحضرو وينتظرو ساعات طويلة انصاص الليالى حتى يستمتعو بطبيعة الطوارئ وجوها الملئ بالامراض والفيروسات .................................................. ....................
ولك منى تحية |
من جرف لدحديره ......ولا حياة لمن تنادي
بس يمكن المسؤلين بالصحه يتعالجون بالمستشفيات والمستوصفات الخاصه..ولا بعد نماء لعلمهم التدهور اللي صاير. واذا بغوا يطلعون للتفقد اتصلوا قبل على المستشفى>> مدري عشان يولمون القهوه او الغداء والمواطن....لا تشكيلي ابكيلك تحياااااتي |
خالد التويجري خبرة 20 عام ولازال غير مدرك المعنى الحقيقي لمفهوم طوارىء، واتمنى انه مايكون مستلم احد الادارات لأني وقتها اقول انه هو واشكاله سبب نكست الصحه . يعني الي يجي مخلص بلوت ودخل بيته وحصل ولده والا بنته مرتفعه عليها الحراره، هو لا يعتبرها حالة طوارىء، لأن الأب كان يلعب بلوت. شلون يعني : نقوله لاتلعب بلوت عشان تضبط طواريء مستشفى الولاده. والا نقوله اذا وصلت البيت وحصلت بنتك تعبانه عاقب نفسك ودها مستشفى خاص لأنك كنت تلعب بلوت . انا اقترح تضع رقمك الخاص عشان الناس تتصل فيك ويشرحون لك حالاتهم وحلات اولادهم عشان تقرر حضرتك اذا كانت حالة طوارىء ام لا. عشت على هالكلام الحلو والله مردك في غاية الروعه بالنسبة لإدارة مستشفى الولاده . |
| الساعة الآن 01:42 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة