|
دوحي ولولي 00 وش اللي صار بعد شهر العسل 00؟؟
دحيم مثل ما ابوه يناديه.. ودحومي مثل ماتحب امه تدلعه.. ودوحي مثل مابدت تدلعه ام مقبل.. ومقبل هذا كناية عن ولده اللي سيولد بعد عمر ان شاء الله.. ان كتب بينهم الود والحب.. لان دحيم من عرفناه وهو رافض يختار له كنيه يعني ابو عماد او انس او هاني.. لانه يقول اخاف اختار الحين اسم ولدي تجي امه بعدين ومايجوز له وعشان كذا اخذ السالفة من قاصرها وقال خله بعدين.. وخلنا على دحيم ..
دحيم ولد حبوب وذرب ولطيف المعشر .. انيق المظهر.. ومايماشي الشباب الدشر.. ومايحب اكل الحبحر.. واكثر مايضايقه بالصيف الكفر اذا بنشر.. كنا عنده سحر جاذب للبنات.. وكثير ماتعرض بالاسواق لمواقف استنهاضية من البنات.. ومع انه مو قليل شر.. وبه حقه.. لان حنا يالرجال نتوب عن كل شي الا البنات.. ومثل ماقال شايب متقاعد.. اذا قالك واحد ان البنات ماتهمه.. قله (تسذب وتعقب) وان لزم فتراه مهب رجال.. ودحيم .. سبحان الله.. حتى بنات المنتديات يتهاوشن عليه.. على انه ماهناك الزود.. واذكر ذيك الايام بذاك المنتدى.. كان يشتكي من الرسايل الناعمة اللي تجيه.. وارسال ايملاتهن.. عاد يشتكي هذي نوع بهاراتي.. يعني هو مهب يشتكي يشتكي.. بس مايحب يتواصل مع اي وحده.. لانه كان يبي وحدات معينات ترا كل الكلام اللي فات وتوي مادخلت بالسالفة.. مالكم بالطويلة .. اول ماتزوج ابومقبل .. سوا لزوجته جو رومانسي ماحصلش وطبعا استفاد من علاقاته مع البنات وكيف يتعامل معه.. وعشانه ذهين وذيب.. كان شرطه بزوجته انه ماتعرف وشو الكمبيوتر فضلا انه تدخل نت.. يقول وش يضمن لي ..؟ اول الزواج قرر يقضيه شهر عسل .. هو مهب شهر شهر... يعني شهر مقسم على ثلاثة .. يعني عشرة ايام.. يومين طريق.. صارن ثمانية.. بس يقول فليته ززززززين وكان فرصة اني اتعرف على لولي مثل مايدلعها ردا على تدليعها دوحي .. المشكلة بدت اول مارجع من شهر العسل.. ومو مشكلة مشكلة.. بس تقدرون تقولون اختبار حسن النوايا .. وصدق السرايا.. واللي صار مالكم بالطويلة .. ان لولي وهي تدليع لـ(لولوة) جت يوم من الايام وزوجها دوحي قاعد عند الجهاز وفاتح النت.. وعلى باله ان البنية دابة سليمة.. مثل ماشرط.. وعشان كذا اخذ راحته.. بالنت.. بس ماكان يدش دردشة ماسن بوجودها مع ان شلة البنات والبنين عاجين بالماسن.. وماحذف احد قبل الزواج... يقول وش يضمن لي استمر المهم يوم من الايام.. دخلت عليه لولي .. وفي جو رومانسي شاااااعري .. وكانوا بغرفة النوم.. ومطفين الانوار.. الا لمبة حمرا صغيرة.. وما ازود بالوصف لاحتمال وجود مراهقين بيننا.. الا وبدت لولي تسولف وباين ان عندها شي.. وسواليف من نمونة (انت تحبني..وتموت فيني) ومن نمونة (اكيد كلنا واحد.. واللي لك لي واللي لي لك..) و ان (مابيننا اسرار وحنا لازم نصير كتاب مفتوح..) وهلم جرا.... من هالحتسي.. واثاري بنية الحلال تحوووووم حول شيء ما.. توقعوا وشو....؟؟؟ جت بنت الاجاويد قالت: اماك تقول ان الثقة مهمة بين الزوجين.. وضرورية ولازم نقويها .. قالها دوحي متحمس على باله انها بتعترف له بشي خطيرررر... صححححححح لازم ما احد يخبي على الثاني شي.. قالت له.. اجل يابعد طوايفي واهلي وكل الناس.. عطني الرقم السري حق ايميلك بدخل واقرا الرسايل.. وعشان تظهر انها واثقة فيه.. قالت ترا مو قصدي شي.. بس عشان ماعندي ايميل ودي استفيد من ايميلك..؟؟ يااااااااااااااااااااااوك..... يااااااهي صدددددمة ماحسب حسابه دحومي.. طيب وسارونه.. ولميس.. ونونه.. وهيوفه...وووووووو وشله الانس المرتزة بالمسن.. ؟؟ خلوا انفسكم مكان دحومي.. وتخيلوا الموقف.. انا قلت له لوني بمكانك.. كان مت عطش.. من يسبة اللسان.. بس دحومي كان له تصرف ثاني وعشاني اكتب لايف.. وجاني شغل الحين.. ولازم اطلع فاخلي ردة فعل دحومي لتعليق قادم.... بعد ما اقرا ردودكم.... |
اقتباس:
|
ياقليبي يالولي على نياته ماتدري وش وراه
دحيم قلعته هالداشر طاح بشر اعماله يلا نتتظر كيف رقعه |
سهله مايبيلها شي
يقولها حبيبتي أنا حافظ الرقم السري بملف بالجهاز بكرا أوريك إياه ويضيعها هالليله خصوصا بهالأجواء اللي ذكرتها يسهل عليه التضييع ولا أصبح يسوي له إيميل ثاني ويضيف إمام المسجد خخخخ أو أي أحد عاقل ويعطيها رقمه والأول يقولها أنه لشغله ..والحرمه سهله يقدر الرجال ينصب عليها وأنا أنصح كل بنت تعرف لبرامج الإتصال قبل ماتتزوج حتى ماتصير مثل لولي أنا الحمدالله قسمي حاسب يعني ابن أمه اللي يفكر تفكير دوحي ويجي يخطبني ككككك متابعه للقصه أي شي ولي عودة |
اتصور عطاها ايميل صديقة عبيّد بالاستراحة اللي ماله بالغزل |
.
. أممممممممممممم !! الله يستر على المسلمين : يتحجج بأي حجه (ايميله تهكر مثلاً :)) والرجال عادةً يبرعون في تمثيل هذه الأدوار , على العموم لايوجد الآن بنات وشباب مغمضين الكل فتح وحتى من تدعي لزوجها بأنها دابة سليمة هي في الحقيقة مُظلله له وتريد أن تحوز على رضى ذلك الأهبل :) . . بانتظار ردة فعل دوحي :) |
حتى بنات المنتديات يتهاوشن عليه!!!!!!!
اوما عاد يتهاوشن ههههههههه صووووح الكذب |
من اولها يادوحي!!!
من اولها يا عريس!!! الله يعين الحريم،، مستانسات مع رجالهن ،، يحسبنهن،،الوحيدات المتربعات على عرش قلوبهم،، مادرن بالبلاوي المتلتله،، وانهن مجرد زوجات عازه،، |
شكلك يالكاتب الأخ التوأم لـ to be
|
اقتباس:
هلا بك بسومة جايك بالسالفة |
اقتباس:
ياما تحت السواهي دواهي وبعض البنات براااءة من الظاهر بس من الداخل اللهم يااااكفي |
اقتباس:
والله ذهينه ياسجى والله يستر على اللي بتصرفينه يوم من الايام بس ترا بعض الرجال حتى لو تخصصك بيل جيتس براسه يقدر يدودهك بالكومبيوتر وماتقدرين تدرين وش يسوي ووش يزين... |
[quote="غرك غلاك";3342295][center][size=4][color=blue]اتصور عطاها ايميل صديقة عبيّد بالاستراحة اللي ماله بالغزل [/color][/size][/center]
[center][size=4][color=blue]http://buraydh.com/forum/images/icons/icon10.gif[/color][/size][/center][/quote] [center][size="5"]برضه تخمين يمكن يكون صحيح اخوي غرك غلاك بس مثل ماقالوا السوريين ماحزرت تجيك السالفة وانا اخوك[/size][/center] |
اقتباس:
حرام عليك انسانية الا فيه مغمضين ومغمضااااات وش كثرهم وياما تصير اشياء والغافلين ياحووول رايحين فيها وبتجيك ردة الفعل الدوحية |
اقتباس:
هلا والله باللهيب اقطع ايدي انك ميت ودك تعرف الخلطة السرية حقت دوحي بس ماني قايل لك وترا الحب من الله ولاتتضايق ولاتهتم هالامور منح من الله مالها علاقة بالرغبة والحرص |
| الساعة الآن 10:49 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة