|
*****((نصيحه من قلب محب.,, لكم يااعضاء الاستراحه خاصة))****
السلام عليكم ورحمه الله كيفكم ان شاء الله بخير.... جيت لكم ناصح وخايف عليكم وبقلبي محبه وتقدير كلمات من القلب علها تصل للقلب فيارب ألقى التجاوب ابسرد بعض النقاط اللي رأيته وآلمتني صراحه ومادفعني للكتابه هو 1/ حبي لكم 2/ سمعت او قريت بعضا من المتهجمين يدخل في النوايا ويشكك بالأخلاق أولا احب انصح نفسي قبلكم.. وانصحكم فاأنا غير منزه عن الغلط اتمنى من الجميع اناثا وذكورا قبل كتابه أي رد مخافه الله سبحانه وترك الميانه اللي حاصله و اللي اشوفها ظهرت بين بعض من اعضاءنا والبقيه ماشاء الله عليهم درر وحافظين انفسهم واخلاقهم عاليه ماشاء الله أنا مااميز او اخص احد بكلامي ولكن طرحت هالموضوع كرساله او نصيحه علها تنفع ونستفيد منها وكل امرىء سيفنى ويبقي الدهر ما كتبت يداه , فأحرص أن تكتب غير شي يسرك في الجنة أن تراه , ولا خير في عمل لا يراد به وجه الله تعالى . 1/ القلب يحزن قسم بالله لما اشوف أي أحد يقول اننا قليلين ادب واننا مانخاف الله..و.. و... و بالعكس كل واحد مننا يمثل شخصه(برده) يتبين معدنه والكل منا على اخلاق والله ماازكي احد كلنا متربين ونعرف حدودنا لكن من هنا انا اقول ليش نخلي اللي يسوي واللي مايسوي يشكك بنا وباخلاقنا ليش كلنا مانلتزم باخلاقنا ونبتعد عن كل شي قد يسيء لنا لو بالقليل 2/ العضو ليس بعدد مواضيعه بل بالعكس باخلاقه واحترامه لسياسه المنتدى واولا لبعده عما يخالف شرع الله ومايغضبه سبحانه.. وعارف ان هالقسم للترويح عن النفس ومانقول لاتريح ولاتفرفش وياويلك بالعكس انبسط ولك كامل الحريه لكن بحدود.. 3/ انا مازلت واثق باننا لانسمح بوجود مثل هالاشياء بقسمنا هنا ولانرضى [انه يجي اي احد ويتكلم بالشين عننا النقطة الاخيره فيه اعضاء يردون.. على موضوع رد وكانه لم يرد في ردود تخلي كاتب الموضوع يستمر ويقدم وفي للاسف ردود ما تحفز الواحد بأنه يكمل يعني اتمنى اننا نميز قسمنا هذا ونرتقي به ونبدع بكل مالدينا وبس ياليت اني اكون قد اصبت فأن كنت زليت بشي او قصرت فالسماح منكم فكلنا خاطئون وخير الخطائون التوابون آسف على الأطالهـ محبكم في الله صديق الملك |
نشكرك
ونحترم وجهه نضرك ورايك والله يعطيك العافيه ويجزاك خير على التنبيه |
.
. مشرفنآ المميــز كل الشكــر لك على موضووعك القيم والتنبيه الجميــل الله يجزآك خيــــر . . |
الله يعطيك آلعآفيه
والله آنك صآدز قسم يحومون التسبد بهالخرآبيط |
[align=center]
أبشر ما يصير خاطرك إلا طيب وان شاء الله نرفع راسك بردودنا والله يهدي الجميع لما يحبه الله ويرضاه [/align] |
وعليكم السلام صقيغووهـ ..
. . كـــلآم سليم وفي عين الصواب .. الله يعطيك العافيه .. |
وعليكم السلام والرحمه كلمات تستحق الوقوف عليها كثير .. إذا إبتعدنا عن سفاسف الأمور إتهمونا بالغرور .. وإذا ردينا على أغلب المواضيع قالوا:(مصالح , حب الظهور , جذب محبة الأعضاء) فعلاً حنا داخلين نستانس ونضحك بحدود المعقول مو للعناد والعنصريه والتشكيك أتمنى نستفد ويستفيد أي عضو من كلامك الراااائع .. مشكوووووور صديق الملك الله يعطيـك العافيـة |
[align=center]يعطيك العافيه [/align]
|
وعليكم السلام والرحمه
صديق الملك كفيه وفيت الله لا يحرمك الاجر وجعله في موازين اعمالك الله يجزك خير ويوفقك كلامك عين الصواب وشاكره لك على التذكير |
صدقت أخينا الكريم..
جزاكـ الله خير على هذه الدرر وجعل الله ذلكـ في ميزان حسناتك,, وأصلح حالنا.. |
والله انكـ صآآآدق كلآآم سليــــم ,, واذا ردينآ على المواضيع الزينه قالوا وهذاك الموضوع وراك ما رديتي عليه تقل غصب ارد على مواضيع هالخلق الله يهدي الجميع ويوفقك,,, الله يعطيك العآفيه ,,, |
مشرفنآ المتآلق ,,
صديق الملكـ ,, / صدقت كلآم بالصميم جزآك الله خير ,, والله يكثر من أمثآلكـ ,, |
كلام بالصميم الله يعطيك العافيه....
|
بعلق ع الميانه .
بالنسبة لها كل الاقسام بينهم ميانه . المجلس ميانة تحت ذريعة النقاش والاستراحه تحت ذريعة الفرفشه وتغير الجوء والرحلات تحت ذريعات البر وعلومه يعني لاتكبر الامور ~~ وشكرا لك~ |
^^ الكلام له حدود والمحبه له حدود وحتى الميآنه له حدووود(كل هذآ أقصده مآبين الأعضاء هنا) ومشكووور الله يعطيك العافيه مع إني كني لمحت من بعض الردود فهمهم الخآطيء عن مقصوودك >~أو انووه على حسب فهمي أنا شكري وتقديري :) |
| الساعة الآن 10:53 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة