|
العلاج بالليزر أو العلاج الضوئي أيهم أفضل
السلام عليكم ورحمة الله وبركاته
انا بكرى بروح لمركز الحبيب ببريده للدكتور أحمد الربعي دكتور الجلديه من جربه تكفون وهل هو زين او لا انا حابه اشيل شعر يديني ورجولي والابط بالليزر لكني محتاره جدا الدكتور قالي عن • العلاج بالليزر لأمراض الجلد • العلاج الضوئي لأمراض الجلد ايهم احسن وآمن واقل تكلفه ياليت اللي عندها خبره تقولي بشكل موسع عنهم الله يوفقكم ويسعدكم يااااااااااااااااااارب موعدي بكرى العصر تكفون بنات ربي يدخلكم الجنه |
ان شاء الله احد يفيدك
بس ممكن تسالي الدكتور نفسه تحياتي |
انا ابي تجارب الناس قبل الدكتور
|
أهلين حبيبتي ،
- المفروض الدكتور هو يحدد لك ، لأن الضوئي يستخدم للشعر الخفيف ومو ثقيل ، أحسن شي له الوجه ! أما الليزر مره كويس للجسم كامل بإستثناء الظهر والبطن .. واذا الدكتور شاطر راح يسوي لك تست على منطقه عشان يشوف الحساسيه وقابلية جلدك لليزر .. إنتبهي لهالنقطه ولو ماسوا اطلبيها منه .. كمان راح يحدد لك مقياس الليزر المستخدم حسب كثافة شعرك . - ولا تدوري الأقل تكلفه ، أهم شي بشرتك :) |
[align=center]انتِ تعانين من مشاكل بالجلدية ؟
عموماً ، قبل اي عملية لازم يسون لك اختبار " عينة " بكل المناطق اللي تبغين تعالجينها .. يشوفون اذا هي تتحسس من الليزر او لا ً ،، و يحصل تهييج للبشرة ام لا ً و اكيد رح يسون لك اختبار قبل العملية .. يعني توكلي على الله اذا هي عيادة على مستوى .. :( بعدين ليش تروحين لأطباء رجال بمثل هالشغلات .. ؟[/align] |
السلام عليكم ورحمة الله وبركاته
رحت اليوم للدكتور احمد الربعي ومدحلي العلاج بالليز ويقول هو احسن شيء لك بس بجد خايفه ومحتاره مررررررره قالب تحتاجين 5 جلسات وكل جلسه بــ4500 ريال يعني يكلف 22 الف وخمسمائه للجسم كامل جد محتاااااااااره مرررره شرايكم بنات |
^
من ايش خايفه ؟ شوفي اذا تقدرين تروحين للرياض احسن وارخص , الجلسة بـ 2500 للجسم كامل طبعاً الليزر افضل من اللايت لأن اللايت للشعر الخفيف (الزغب) ومفعوله بطيء يحتاج جلسات كثييير |
انا اقدر اروح للرياض بس ابي مركز ممتاز حييييييييل
وابي احد يقولي روحي للدكتور الفلاني او للدكتوره الفلانيه لأني على وجه زواج بعد 4 شهور الله يحفظني من كل شر ويتمم لي على خير ولاابي اتوهق خصوصا انو عمري 22 |
^^
مركز بنااااان الاخصائية نورة , عن تجربه لقريباتي وخواتي واذا تبغين رقم المركز عشان تحجزين موعد خبريني ارسله لك ع الخاص .. |
اقتباس:
اختي مااقدر اراسلك لازم تكون مشاركات 100 وانا مستعجللللله مرررره حطيلي الرقم هنا طيب خواتك وقريباتك قالولك اختفى نهائيا طول العمر والا بيرجع لهم وكم هي المده اللي صلحوه فيها |
[type=176527]
س سؤال ؟ عادي تشيلون الشعر عند رجل؟ [/type] |
اقتباس:
لالالالا اخوي بدر وين عايشين يشيل لنا رجل هو يوجه الممرضات لأماكن ظرب الليزر والدكتورات هن يقومن بالواجب |
اقتباس:
ممم الجلسات تُحدد على حسب نمو الشعر يعني احتمال تطولين ،، و تمرين بأكثر من 5 جلسات .. انا اشوف ان 4 شهور ماتكفيك .. يبغى لك سنة و اكثر و انتِ تراجعينهم و تسوين جلسات .. بالتوفيق .. |
^^
احيان سنتين ,, على حسب نوعية الشعر اختي هلاليه برسل ع الخاص اشرح لك , |
اختى ليش ما تشوفين لج دكتورة شاطرة انت بترتا حين لها اكثر وما بتستحين من الحرمة كثر ما بينقص ويهج مع الرجال ولما الممرضة هى اللى بتسويلك ليش تروحين لرجال ...من ترك الله شي عوضة الله بشي خير منه ..حبيت بس انصحك
وبالنسبة ل4500 غالى مرررة اسعارهم عندك الفيحا وانفنيتى اعرف ناس سوا لهم الجسم كامل 3000 على مااعتقد ويمدحونهم وحمد لله عندهم دكتورات بالتوفيق |
| الساعة الآن 12:57 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة