|
المناسبات هل هي قابلة للتغير..!!
صبحكم الله بالمساء..ومساكم بالصباحhttp://www.ksa-teachers.com/forums/i...ies/tongue.gif هذا الله يسلمكم رفيقي عدنان(الكرشة) سابقا عدنان(الكشخة) حاليا.. طبعا تغير لقبه بعدالتطورات الهائلة لكرشته الموقرة جراء العملية التجميلية التي أجراها لعلاج السمنة المفرطة لديه حيث فقد من خلالها 50 كيلو متر مكعب من وزنهhttp://www.ksa-teachers.com/forums/i...ons/icon10.gif الموهم الرجال عزمنا بمناسبة خروجه من المستشفى --->ياليته دايم يسوي عملية عدنان بعد العملية التجميلية أصابته إنفلونزا التميلح ..لذلك حاط لنا وجبة العشاء (بوفيه مفتوح)يقول لزوم التحضر والبرستيج والأتيكيت..!! والبوفيه المفتوح مثل ماتعرفون هو عبارة عن طاولة فيها أنواع مختلفة من الأكل وكل ماصارت العزيمه كبيرة وفيه فشخرة أكبر كل ماكانت هالطاولة أكبر وفيها أصناف كثيرة يمديك تضرب مشوار 3 كيلو قبل ماتوصل آخر نوع http://msa6el.mbc.net/vb/images/smilies/biggrin1.gif خلوني أتكلم عن الجوانب الإيجابية والسلبية في البوفيه المفتوح بحكم أنه حدث عظيم في تاريخنا ولا أبالغ إذا قلت أنه يقارع في قوته حدث تعريب العملة في عهد عبدالملك بن مروان http://msa6el.mbc.net/vb/images/smilies/biggrin1.gif اذا ماكان أهم ..!! أشوف أن أهم جانب إيجابي في البوفيه المفتوح .. هو أنك تختار الأكلة اللي تبغاها مع إني أحذر من أن بعض الأكلات غير معروفة للكثير .. يعني مثلاُ بعض المحشيات ماتعرف إيش داخلها يعني شختك بختك .. وانسان مثلي أو مثلك يمكن فيه أشياء مايحبها وتطلع له لذلك ماني مسؤول عنك في هالجزئية http://msa6el.mbc.net/vb/images/smilies/biggrin1.gif برضوا من الجوانب الإيجابية الحركة .. يعني قمة الإيثار والمثالية إنك تسوي رياضة وانت تجهز أكلكhttp://www.ksa-teachers.com/forums/i...cons/icon7.gif ومن الأشياء الإيجابية والمهمة إنك تطبق النظام .. تتعود كيف تحترم اللي واقف قبلك وتتنظره حتى ينتهي .. بغض النظر عن إن ودك تكسر الصحون برأسه بينك وبين نفسك لكن بالنهاية أنت ترغب إنك تعطي صورة حلوة لعمال البوفيه عنك وعن السعوديين بشكل عام http://msa6el.mbc.net/vb/images/smilies/biggrin1.gif ومن سلبيات البوفيه المفتوح .. : إذا كان الصحن صغير والأصناف كثيرة مدري بس أحس إن هالحركة مقصودة عشان يحرجونك http://msa6el.mbc.net/vb/images/smilies/biggrin1.gif طبعاً أصعب شي إنك ترجع مرة ثانية وتملى الصحن من جديد أنا بصراحة استحي حتى لو اني ميت من الجوع بس استحي أرجع أحس إنها مو زينة بحقي خصوصاً اني شخصية بارزة بمنتدى بريدةhttp://msa6el.mbc.net/vb/images/smilies/biggrin1.gif-->بلا بربرة أقول بعدين المصيبة تحس إنه عيب عليك تخلي شي بالصحن .. بحكم إنك أنت اللي مختار الأصناف .. زيي مثلاُ حطيت سمبوسة وسبحان الله عجزت ألمسها كرم الله النعمة http://msa6el.mbc.net/vb/images/smilies/frown.gif أنا اقترح ان يكون فيه دورات تدريبية للبوفيهات المفتوحة .. خصوصاً اننا مقبلين على وقت ماراح يكون فيه مفاطيح وبدال ما نتراهن على ذبيحة نتراهن على بوفيه مفتوح .. ! لازم نتعلم كيف نختار الأصناف وكيف نقدر نخلي شكل الطبق حلو!! لأنه راح يجي وقت .. بدال مانتكلم عن الذبيحة هي زينة ولا شينة.. نتكلم عن طبق فلان وعلان هل هو مرتب ولا محيوس http://msa6el.mbc.net/vb/images/smilies/biggrin1.gif ولونظرنا وسلطنا الضوء وزاوية الرؤيا على المفاطيح .. لاحظنا التسيب والتخلف والتخطيم .. يعني قدامك لحمة مايمدي المخ يعطي إشارة لليد عشان تقطعها إلا فيه سبعة آلاف يد ضافتها http://msa6el.mbc.net/vb/images/smilies/frown.gif هذا غير اللي ينفض ايدينه بوسط الصحن اذا خلص بطريقة أعتبرها قمة بالقذارة وعدم إحترام الرأي الاخر..وغير كمان أللي جايب بزره معه وكل شوي يعطس ولا يكح.. من جد والله هذا اذا ماكانت امك داعيتلك وصار معاك بنفس الصحن شايب ايدينه أوصخ من (..) وقام يقطع ويحذف عليك اللحم كنك قطوة ولا كلب أجرب http://msa6el.mbc.net/vb/images/smilies/biggrin1.gif وتبقى البوفيهات المفتوحة والمفاطيح لكل منها إيجابياتها وسلبياتها.. فهل أنتم من مؤيدي(البوفيه المفتوح)ومراحل التغير الجذري في المجتمع خصوصاً ان التغير عندنا يهتم بالشكليات والكماليات.. أم مع القيم والعادات والتقاليد والثوابت(المفاطيح) التي غير قابلة للتغير والتبديل والتطوير..!! وإذا ما أعجبكم الموضوع اكتبوا (م.س) م= ماعندك س= سالفة محدثكم من خلف الشاشة محبكم دوما /فيمتو |
اهم شي انهم حطوو عصير فيمتو ولاميكمل البوفية
|
سبحان الله القصمان يقدرون الرز واللحم عشوة كل زواج ,,
ولا يفهمون بالبوفيهات أبد .. لو يحطون لهم 700 صنف ماهمهم .. يبون رز ولحم بس ,, ومايبونه على طاولة .. يبونه بالأرض على سماط العجازات بعد هه .. |
اقتباس:
الفيمتو ياقلبي ماينفع إلا برمضاااااان أما البوفيه عصاير لبن حليب السعودية -->تموت فيه جدتي هالحليب ذا |
.
. (م . س) :) حتى بمناقشة العادات والتقاليد مافكرت إلا ببطنك ؟؟؟ بصراحه تقاليد كثيره جدا بالأساسيات والكماليات اندثرت بغض النظر عن عادات بالأكل والغريب إن اكتساح التقاليد الجديده اعمى حتى الكبار في السن فلا نجد منهم ادنى مقاومه فاصبح الوقت الحالي في انقلابات مهووووله فكل شئ يطرأ عليه تغيير بعضها للأحسن وبعضها للأسوأ شكراً فيمتو طرح جميل (ع.س) ع= عندك س= سالفة |
اقتباس:
اقتباس:
وش دعوى يالشامية .. وش طلع كروشكن إلا رز أبو كأسhttp://www.buraydh.com/forum/images/icons/icon10.gif لكن علشانك إذا نويت أحط عزيمة --->والله من قله حطيت بخليه بوفيه مفتوح + مفطحات عشان أشوف توجهات المدعوين .. وأيهم أكثر توافق مع الحضارة والتطور والتأقلم مع متطلبات العصر الجديد واحط بالمفاطيح "سم" ولا "مبيد حشري " عشان أقتل كل أعداء الحضارة والتطور من باب الرقي والتقدمhttp://www.ksa-teachers.com/forums/i...ons/icon10.gif ولا تقولون لي وين احترام الرأي الآخر !! لو هم يحترمون الرأي الآخر ماكان لقطوا اللحمه من بعض ونفضوا ايديهم على الصحن http://msa6el.mbc.net/vb/images/smilies/biggrin1.gif |
ودي أشوف الرجال
قاعدين على طاولات وكاشخين وصحووون وياكلون بيدينهم وينفضون على قولة فيمتووو وعععع .. مايصلح الواحد يلبس ثوووب مافصل لــه.. |
اقتباس:
اقتباس:
اقتباس:
البوفيه المفتوح ..! ما ضنيت يمشي عند شيبانا .. والله لو مليون سنه قدام ما يعرفون البوفيه .. صح هو حلو وما يكلف .. بس لو حطيناه عند الشيبان .. إنفضحنا فضيحة < [ عن نفسي ] .. صرنا على قولتهم ( علك "بفواه" الناس ) .. وربي ما نسلم ايه شفت فلان .. حاطين بوفيه علشان .. ما يكلفون .. ايه صدق ما عندهم فلوس .. ومن هالحتسي .. الي يدبل على التسبد..! ومن ناحيه آخرى .. بيني وبينك أحسه رياضه .. وهالايام محد يشتهي الرياضه ياخي اشوف .. ناس الواحد ما يخش من الباب من ( سمنته ) .. وتلقاه متعصب - هلالي - نصراوي - اي فريقا ً كان .. وليته يلعب رياضه .. بس تشجيع يعني .. مالك أمل ثاني أنه يمشي .. 3 كيلو .. علشان آكل .. اذا ماجاه لين عنده ما يعيش ..! وعلى المفطحات .. لاحظت في [ بعض صالات الأفراح ] .. إنهم يحطون المفاطيح .. على (( طاولات )) .. اموت واعرف .. وشوله حاط مفطحه على طاوله .. يعني تحضر .. وربي " تبلش " تخاف طرف ثوبك .. من عند الكبك أنه يتوسخ من المرقه .. والسلطة .. |
اقتباس:
|
اقتباس:
ياربيه حامت تسبدي وانا ماشفته.... بس بصراحه لكل واحد سلبياته ... يعني اشوف البوفيه مناسب للضيوف القليلين عشان ماتصير الدعوى دردبيس وحيسي ديسي وكل وحده يغط شعره ولاكمه بصحن الي جنبه.... واذا الدعوى مفاطيح فأنا ذهينه اختار لي سفره اجتمع عليها انا وخواتي ومرة اخوي...<<موسوسين بس مااحس ان البوفيه يناسب الرجال ...لانه للدلع والتميلح... اقتباس:
لاحناذهانين كل وحده تاخذ صحن ونتوزع نمشي ونضفضف من كل نعمه ..<<مشافيح |
ثقافة البطون :) نظام البوفية المفتوح لدينا لم يجد رواجا وقبولا من الكثير والسبب أن المفاطيح هي الأوجه ومادام (الزفر ) ما ملأ أرجاء الصالة لم تقم بالضيافة المطلوبة وإكرام الرجاجيل :e5: منذ أن خرجنا على وجه الأرض ونحن لا نرى إلا من يريد أن يرفع علم الكرم وياتي ما أتى به حاتم الطائي أن يسحب معه كبشا أو حاشيا إلى ساحة الصلب ويسفك دمه :) لأن حديثهم قبل وبعد العشاء سيكون عن هذا المسفوك كم عمره وهل هو ثني وإلا رباع وغيره :) أما طريقة البوفيه المفتوح ستقضي على كل هذه ولن يجد الضيوف ما يتحدثون عنه :) البوفيه المفتوح لا بارك الله فيمن أدخله إلى ثقافة البطون لأن ترى مالا تأكل وتدخل الحسايف لو أن أخذت كذا وتركن كذا :) كثيرا من الأصناف ستتخطاها من باب الحرج والأتكيت . موضوع شيق يا فيمتو أسطا :) |
اقتباس:
اكره مااشوف هالهرج <<<<دايم من زين حظه تقعد مع امهااات بزران اما نفضة اللي باليد ذي لحاله الله يغربلهم يكرهون الواحد الاكل...... بس تصدق غريبه ماقالولك الاعضاء فرح بالبوفيه اول مره تحضره ياقدمك اللحيين بيهونون عنه وانت توك تهمق به <<<هذا اسلوبهم ينطون بالواحد تقل عندهم سنع.. بس انا من مؤيدين البوفيه بس ياليت لاجاء يااخذ الواحد مايملأ الصحن اربع خمس طبقات تقل له ولجيرانه والمشكله تقوم من السفره مااكلته بس حق الشفااااحه... |
أنا أؤيد البوفيه لإن البوفيه أقل كلفة من هالمفاطيح ولاتصير السلبيات للمفاطيح المذكورة أعلاه
شكرااا لك |
اقتباس:
واذ ناس اتكيت ممكن تكلف لهم ببوفيه منوع وشخصيا افضل سماط ويصف به مفاطيح وتشكيلات جميع شكرااا |
|
| الساعة الآن 07:43 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة