|
شيء يضيق يصدر بصراااحه!!
بسم الله الرحمن الرحيم
تحيه ملؤها عبق الزهور ممزوجه بأروع روائح العطور.. حبيت ان اطرح قضيه يمكن تكون بسيطه بعين البعض او مو ذات اهميه.. شطحه.. لما كنت عايشه برى بريده كنت اسمع بالعز والكرم وانه مستحيل تلاقي اي احد يمد يده اويطر بالشوارع والاجارات رخيصه والسلع ارخص... لكن يوم جيت وعشت الواقع انصدمت بصرااحه.. ................. نساء كبيرات عفيفات عند ابواب البنوك والمجمعات ,, اطفال في الشوارع بين السيارات. واللي زاد الطين بله اثناء تصفحي للنت الاقي اغلب اللي يكتبون انهم محتاجين ويبون مساعده من فاعلين الخير تحصلهم من القصيم واللي ضيق صدري زياده رد بعض الاعضاء مو ناقصنا طرارين في المنتدى.!!!!! ...... يمكن البعض يقول ليه مايروحون للجمعيات الخيريه..؟؟!! فيه ناس تقدر توصل للجمعيه ولكن غيرهم لا .اعرف كذا شخص الله العالم بحاله لكن لا يستطيع الذهاب للجمعيه ..طيب اذا كانت انثى المحتاجه ليش نسخر منهم في المنتدى!!وحده طلبت من شخص مال تدرون وش رد عليها!!ابي شرفك اول وبعدين اعطيك اللي تبين .. وين اهل المساعده وين وين وين..نفسي اعرف من جد شيء يضيق الصدر... انا غــــ الورد ــــرور المايك معاكم |
وين كنتي عايشه برى بريدة ؟ يمكن برى السعودية ، عموماً بريدة مثلها مثل اي منطقة طالتها التنمية وبحكم موقعها وكعاصمة لمنطقة القصيم اصبحت نقطة جذب للمناطق المحيطة فتوالت عليها الهجرات وانتقل اليها من اجبرته ظروف العمل حتى اختلط نسيجها الاجتماعي ولم تعد بريدة كما كانت وكما نحمال عنها من تصور واعتقد ان ربع سكانها الحاليين هم اهلها الاصليين اي من سكنها ما قبل الطفرة وبهذا هي مجتمع كبير فيه السلبيات والايجابيات وفيه الامراض الاجتماعية واهمها الفقر والاسر المعوزة كثيرة وفي ازدياد نتيجة لزيادة الهوة بين الطبقات الغنية والمتوسطة والفقيرة حتى اقتربت المتوسطة للتلاشي وكذلك ممتهني التسول اكثر وفي ازدياد ولا يرافق هذا تغيير وتجديد في اسلوب عمل الجمعيات الخيرية رغم ما تقوم به هي تبقى مقصرة في سد الحاجة لكن العزاء ان الخير ما زال موجود في انفس الرجال الميسورين الذين انتشلوا مايستطيعون من بحر العوز الاسن لكنهم لن يوقفوا طوفان الفقر والحاجة التي تنتج الانحراف والجريمة
|
معليش كلامك أشوفه عكس واقع أهل بريده تماما
وإذا أنت شفتي شخص واحد لاتعممي على أهل بريده "أهل الخير" |
مع الأْسف انا اشوف نماذج كثيره منتشره
خصوصا بالاسواق وعند المراكز التجاريه،، حتى بعز البرد يتواجدون لهدرجه محتاجين،، ياليت الجمعيات يكون فيها قسم لهم،، يكون فيه مسؤلين عنهم ياخوذنهم للجمعيه تتفاهم معهم وتشوف نوع حاجتهم وتقوم بمساعدتهم واخذ تعهد عليهم بعدم تكرار ذلك والله لو يهتمون لامرهم مانشوفهم للاْبد،، |
اللي قلتيه صحيح لكن بنسب قليله جداجدا
|
غرور الورد كلامك صحيح
ناس وعوايل معروفه الان معدومه وارامل كُثُر تطوف في الشوارع في عز الحر لعلها تجمع حفنه ريالات لتسدد به اجار بيتها المتهاوي والجمعيات الخيريه صف طابور متى يجيك الدور مت ياحمار عاد وش عنده هالجمعيات مره حليب وبعد مده سكر برضه مت ياحمار لما يجيك النوع الثاني وياما لاقت هالارمله مضايقات من شرار الخلق الله يعينهم وكل ضائق ولا يوصلنا ماوصلوا بس تدرين.... ماتت النخوه ياغرور للأسف . |
[align=right]مع ايماني بوجود الفقراء والمحتاجين وبإزدياد
لكن عندي ملاحظه على البعض منهم وهو الاستمرار على أسلوب الاتكال على اهل الخير ولو تحسن وضعه واستطاع ان يجد لقمة عيشه .... لا اعمم ولكن رأيت وعلمت عن الكثير من كان يأخذ الصدقات يستمر عليها ولو اصبح غير مستحق لها ومن يمد يده للناس في الطرقات ولو اصبح معافا قادراً على سد حاجته وقوت يومه وليلته ... والأمر عاااااااام ولا يقتصر على اهل بريده رزقنا الله واياهم وأدام علينا النعم واعاننا على شكره[/align] |
على أية حال من رأى إمرأة - في أي مكان- تطلب المساعدة فليعطها ما استطاع وهذه فتوى من أحد علمائنا اجلهم الله ،، حتى تعف نفسها على أقل الاحوال ..
أدفع هم السؤال بإرادة العمل |
وأنتي شايفة القصيم المدينة المقدسة أو الفاتيكان
زيها زي غيرها فيه الصالح والطالح وفيه الحسد تأخذينه بالكراتين ومع درازن هدايا من اللقافة والشفاحه وحب الأستفسارات من وين انتم وشوله جاين عندكم خوات أمكم وينه كم راتب رجلس وراكي ماحملتي للحين |
[align=center]
اقتباس:
قبل الخوض في هذا الموضوع ونقاشة بودي اسأل هل موضوعك نقد لبريدة او مدح لكي نُحدد النقاش إذا كان هذا تقليل منها لوجود المُحتاجين فأنا اسألك هل توجد مدينة في العالم لا يوجد بها فقراء فبريدة كغيرها من المُدن والفقراء من زمن الرسول صلى الله علية وسلم ولم يُعب هذا حكمهم فالرازق الله كما ان الفقر ليس عيب فقدوتنا مات ودرعة مرهونة عند يهودي وما استشهادك بكثرة المحتاجين هنا إلا دليل مدح لهذة المدينة حيث انها الاولى على مستوى المملكة من ناحية التنافس في المجمعات والمؤسسات الخيرية لذا من الطبيعي ان يرتادها الكثير من المُحتاجين من خارجها بحثآ عن اهل فمن يحضر اليها ويرى التركيبة الاجتماعية سيُلاحظ الفرق كبير عن السابق فهي اصبحت مدينة جذب للفقراء بغض النظر عن الوضائف والفرص الاستثمارية وهذا بفضل تكاتف اهل الخير فيها وكثرتهم فأهل الشمال والجنوب والبادية يقصدونها دون غيرها لهذا الغرض شكرآ لك |
من خلقت الدنيا والفقر والغنى موجودان
سؤال الناس > عند الحاجه ربما من ضروف تعرض لها المتسول او المتسوله فيجب مساعدته وهكذ يفعل سيدنا محمد عليه الصلاه والسلام ولكن الامر اتسع وليست حاجه ماسه تدفع وتنتهي للمتسول اصبح التسول>مرض مستعصي لايمكن ان يستغني عنه المتسول نفسه اسأل الله انيرزقنا الغنى با الحلال عن الحرام وان يرزقنا القناعه |
شي طبيعي وجود المحتاجين في كل مكان
ولو جلس المحتاج في بيته مين بيعرف انه محتاج وليست مدينة بريده الوحيده انظري الى جميع مناطق العالم |
فيه نآس محتآجه وآكثر الجمعيـآت الخيريه مـآتغطي تكلفت الاسرة بالكامل |
أبدا ولايضيق صدرك ولاشي...
الفقر والغنى موجود في كل مكان... وزي ماقالوا الاخوان بريده فيها الصالح والطالح والجيد والسيء... أما بالنسبه للي تشوفينهم عند البنوك او المجمعات التجارية يشحذون أغلبهم مو محتاجين بس امتهنوا هذي الشغله وصاروا اتكاليين واكبر دليل انهم حريم لانهن متغطيات ولااحد يعرفهم... وتكون مكافحة التسول كد مسكتهم قبل كذا ودرست حالتهم وحولتهم للجمعيات الخيرية والضمان الاجتماعي مع ذلك يرجعون للشحاذة (الله لايبلانا)... انا اشوفهن دايم يدخلون في جدالات وملاسنات مع اصحاب المحلات ورجال مكافحة التسول اللي يجلسون فيها... لكن الخطأ مو عليهم.. الخطأ على اللي يساعدهم ويتبرع لهم لأن هذا فيه تشجيع لهم... تحياتي.... |
الأخت غرور الفقر في كل ديرة لكن الأن اصبح الطبقة الوسط تتلاشى واصبح المجتمع اغنياء او قفراء مع زيادة الأسعار وقله الفرص الوظيفيه زاد الفقر من التدخل لحل هذي المشكله شكرا لك |
| الساعة الآن 02:56 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة