منتدى بريدة - طبـ ع ــي آغ ــــرب و آلغريـب آنــي غ ـــــريـب ..!!

منتدى بريدة (https://www.buraydh.com/forum/index.php)

- ديوانية الشعر والأدب (https://www.buraydh.com/forum/forumdisplay.php?f=29)

طبـ ع ــي آغ ــــرب و آلغريـب آنــي غ ـــــريـب ..!!

[align=right]

ايـه انا اللي عشت /بالدنيا غريب
ما عرفت اللي أبي /وسط الزحام

يمكن اتغلــّـى/ و لكن ما اغيب
يمكن اتشـرّه/ و لكن باحترام

( ما هو اكبر هــم / ادوّر لي حبيب)
و الطموح ابعد / من احدود الغرام

و ان عشقت ..؟ / العشق و الله ما يعيب
دام لي مبدأ/ و قيمه/ و اهتمام

شفني كيف ارمي يديني / " بالقليب "
ما لقيت الا الصدى / وسط الظلام

و الصدى ( جاوب) / و انا ماقدر ( اجيب )
و ادري اني ( لو ابي جبت الغمام )

كل من حولي / على افعالي رقيب
و القرايب همــّـهم / بس الملام

خيـــّبوا فيهم /ظنون ٍ ما تخيب
لين حدّوني / على عيال الحرام

يحسبوني لا تردّا بي / نصيب
برمي احزاني / على قلوب الأناام

مندفن في وسط صدري / قلب ذيب
ما دِفنت الراس / يا روْس النعام

صرت اضـم ّ الجرح بعيوني / و اطيب
و اجمع همومي / على صدري .. و انام

يا قصيدي و انت لي / حسبة صحيب
تفزع لهمـّـي / اذا شح ّ .. الكلام

خلــّـك لأوتار حزني / عندليب
دام بين الليل/ و الصبح انسجام

لا تحط ّ اللوم /كله بالنصيب
و لا تخليني / على حد ّ ..انهزام

طبعي أغرب / و الغريب/ اني غريب .!!
ما عرفت اللي أبي /وسط الزحام

</b></i>

[/align]

اقتباس:

خلــّـك لأوتار حزني / عندليب
دام بين الليل/ و الصبح انسجام

لا تحط ّ اللوم /كله بالنصيب
و لا تخليني / على حد ّ ..انهزام

طبعي أغرب / و الغريب/ اني غريب .!!
ما عرفت اللي أبي /وسط الزحام

/

عندما يكون الأنسآآن مبهر بشيً ما فلن يستطيع التعبير

هنا فقط يتعلثم لسآني وتخونني حروفي وكلمآتي

هنا فقط تنحني كل الحروووف لجمال كلمآتك

هنا فقط سأنسحب بصمت فكل خوفي انا اعكر
جمال متصفحك بكلمات قد لا توفيها حقها

اشكركـَ

صرت اضـم ّ الجرح بعيوني / و اطيب
و اجمع همومي / على صدري .. و انام

اعظم شكر امنحه لك على نقلك المميز والرائع

دمت بود

مرورَكم الأروَع يالغَـلآ . .

يسلّمكم الله وَ يعَآفيكم وَ لآيحرمني توآصلَكم . .

لآ خلآ وَ لآ عَدَم . .