|
حائر و متضايق من نصي و شريكي بحياتي !! رأيكم لو تكرمتواا ؟
أهلا و سهلا بالجميع ..
هذي تعتبر أول مشاركه بالمنتدى .. واتمنى تكون بدايه واستمرار موضوعي جبرني أني اطرحه عليكم .. لأني أبغى رأي الجمهور والمجتمع والناس من نقطه حايره ببالي المسأله بأختصاار هي .. أني نويت الأرتباط والزواج .. وحصلت الي في بالي ويالله لك الحمد أدب و دين وحياء ومن أهم الأشياء عندي هي الذووق .. ما شاء الله عليها بس مضيق خاطري وصدري و ربي حاجه ؟؟ هي مسألة العمر ؟؟ آآوووه كل ما اتذكره .. همومي وغمومي تزيد .. الفرق بيني وبينها حوالي تسعة أشهر .. عمري 26 وهي 25 .. الي حوولي وكلهم مجتمعين على رأي و كلمه وحده ... الأفضل لك يكون الفارق بينكم على الأقل خمس سنوات من مصلحتك و مصلحة أبناءك مستقبلا .. من ناحيه مصلحتي .. أنا راضي .. بس الي مضيق صدري مصلحة الأبناء إذا الله عطانا أعمار ورزقنا بالذريه الصالحه .. المجتمع الي اعيش فيه كل همه الفرق .. ليلهم ونهارهم كلمتهم ذي .. حتى أكتب لكم وأنا كأني في بداية بغض الزواج والأرتباط منها .. الله لا يقوله بس هذا حالي .... اتمنى منكم النصحيه .. والمشووره .. بجد حائر و ظروفي وحالي لا تسركم .. ومانع من نفسي اطلع اجازه اخاف على روحي تزيد الهموم .. متمسك بالبنت ... بس الله يهديهم كلامهم لي اثر فيني وجعلني أعيش بسرااب فقدان البنت .. وسراب رأيهم مشكور لك من يدلي ويذكر رأيه |
مرحبآً بك
مبروووووووك مقدمآً الأثنين أعمآركم بآقي صغيرهـ يعني إنت صغير والأفضل تآخذ لك وحدهـ قريبهـ من عمرك عشآن تكونون متفآهمين وألي مآخذهآ منآسبهـ لك ولحيآتك :) أمآ من نآحية الأبنآء فمآني عآرفهـ المقصد لكن بالتوفيق لكم ودآمك تحبهآ فأقدم على الزوآج ولآ يهمك الكلآم أهم شيء الرآحهـ النفسيهـ سلآآآمي :) |
توكل على الله
ومصلحة الأولاد وش دخلها بعمر الأم يعني انتم تبونها صغيره عشان كل عمرها تقضيه بتربية الأطفال وانتم تنسحبون من المسئولية العمر مو مقياس للسعاده أهم شيء التوافق بينكم ونعرف كثير الزوجه أكبر من الزوج بسنه أو سنتين وحياتهم الحمد لله مستقره بالعكس التقارب في العمر أفضل مو تأخذ وحده أصغر بكثير يكون التفكير مو نفس تفكيرك ولا حتى إهتماماتها غير أما بعمر 25 أتوقع إنها راح تكون احرص على تكوين الأسرة والإستقرار أصلح الله أمرك |
اقتباس:
ربي يخليك فتاة نادرة .. صدقتي من ناحية العمر .. بس مقصدي بكلامي أن الي حولي همهم المستقبل ولأولادك .. بحيث يكون عمر أمهم قريبه منهم هذا شغلهم الشاغل .. وأنا تاثرت ولا ودي أقول أني اقتنعت .. مره ذرفت عيني وتمنيت أنها أصغر مني على الأقل ثلاث سنوات آآآه بس هذا قدري ونصيبي .. بين نااارين ... |
اقتباس:
هلا أخت نوناا ما أدري أنتي ما تلاحظين أغلب زواجاتنا وخاصه بديرتنا الفتره الأخيره فرق العمر كل سنة يزود بين الأزواج .. حتى وصل إلى ثمان سنووات .. وكل الي في بالهم نظرتهم بعدين ... مسألة عمر الأم وأنها تكون قريبه من أولادها هي المسيطر في ذهن أغلب البيوت أشوفها والاحظها الفتره الأخيره .. لسى الحيره ذابحتني .. ورمتني بسراديب مظلمه .. |
[align=center]الله يوفقك ...
لا ارى الا انها مناسبه لك ... فالعمر لم يكن في يوم من الايام مقياس للتوفيق والتربية الا ما ندر .. ان لم يكن بها سوى مسالة العمر فلا تتردد .. واستخر قبل كل شيء .. أما كلام الناس فلن تسلم من كلامهم ولو اخذت اصغر منك لقالوا اضعاف ما يقولون .. المهم ان تقتنع انت .. وانت فقط [/align] |
امحق !!! هالحين بتتحملــ مسؤوووليه كبر الدنيا وهالكلمتين ضيقت صدرك
اقولــ لاتتزوج لين تفهم شللي انت داخل عليه قالــ حائر ومضايق قال لابوك لابو الحساسيه والرهف اللي انت فيه!! شكرا لك |
في نفسك شي ويضايقك
ومسألة العمر ملخبطه فكرك؟ هذي بحد ذاته مشكله بالنسبه لك من طريقة وصفك! لذلك لو أقدمت على ذلك ساتصبح هذه المشكله شماعه تعلق فيها جميع إختلافكما أنا لا انكر أن الزواج لابد فيه مشاكل بس وضعك خاصه ستنسب كل مشاكلك من فارق العمر وعسى الواحد يفكر بمشكله حاصله ويحله مو عاد مشكله ماله حل والله يكتبلك مافيه الخير |
[align=center]
اولا اسأل المولى ان يكتب لك ما فيه خير ثانيا بما ان جميع المواصفات التي تريدها موجودة في الفتاة ما عدا العمر فهذا رائع فالعمر ليس مشكله في التربية :) لا سيما انكما في ينعان الشباب والشئي الاهم من ذلك من الآن أذا انت غير مستعد لتربية ابناءك فانصحك صرف النظر عن الزواج بجله :) فالتربية مشتركة بين الاب والام معاً لذلك اعقلها وتوكل ولا تنسى تعزمنا :) بارك الله لكما مقدماً [/align] |
مبارك عليكم
اخي انت صادق اوتمزح بهذا الكلام الرسول صلي الله عليه وسلم تزوج خديجة وهي اكبر منه بعشرين سنه وانت مضيق صدرك ست شهور وانت بعد اكبر منها ببنت كما ذكري جميع موصفاتك بها اقول اخوي استخر وتوكل ع ربك وليس كلامك عذ ابد واسال اهل الاختصاص |
أهلك للاسف الشديد نظرتهم للزواج سطحية ..! ترا الزواج وانا اختك اكبر من هالخربطة ,, لكن تجي الدنيا .. وتجيب الخير .. وبنت عمي تزوجت اكبر منها بـ اربع سنوات.. وعايشة أحلى حياة هذي السالفة من 20 سنة ... ولا ضرهم .. ودي احكي واسهب حول هذا الموضوع.. بس امي ع راسي.. بتاخذ الاب توب وتغبيه .. هه |
اقتباس:
|
اقتباس:
غريبه وش يفرق ؟ :) |
اقتباس:
اقتباس:
إضآفهـ آخرى يآأستآذي هذول ألي يتزوجون وآحدهـ أصغر منهم بثمآن تسع سنوآت تلآقيهم كبآر بأعمآرهم تعدوآ الثلآثين لأن مآيصير إثنينهم كبآر يعني هو 30 وهي 25 فكر زين بس إنتم إثنينكم صغآر ومآرح يكون فيهـ أي مشكلهـ لآيهمك وسع صدرك وإبعد عنك الضيقهـ :) |
اقتباس:
صاحبي توبي وهل بنظرك مافيه فرق بين زواج الاول والتالي ؟ |
| الساعة الآن 11:25 am. |
Powered by vBulletin® Version 3.8.8 Alpha 1
Copyright ©2000 - 2026, vBulletin Solutions, Inc. Trans by
موقع بريدة