منتدى بريدة - الـــىآآآآ شعـــــب مملكتنـــــــــــــــآآآآ الصبـــــــــــــور((كل ابوكم ادخلوا))

إلى كل سعودية وسعودي..
ارفع القبعه احتراما وتقديرا..
بارككم الرب وجزاكم الجنه خير جزاء للصابرين..

كلنا تمر علينا لحظات تفكير عنيفه..تاخذ الواحد لبعيد..
وكل شخص له اجواء خاصه تحفز مثل هالافكار وتخرجها للخارج..
والافكار والهواجيس تختلف من شخص لاخر..وتختلف جوده هالافكار برضو من شخص لاخر..

وبينما انا في الحوش
و شمس المدينه اللطيفه تطبخني على نار هادئه..
قفز لعقلي الملئ بـخربشات عبيطه..حقيقة واستكشاف..

اكتشفت انا نحن الشعب السعودي العظيم..شعب.. قوي..مكافح..صبور..
شعب شعاره فلها وربك يحلها..بكل مايعنيه هذا الشعار من معاني وفوائد..

ليه؟..

اولا..على الرغم من الضايقه المالية اللى يعيشها اغلب الشعب..
والتطفير والفقر اللى يشع ويلمع من عيوننا..
الا اننا اكثر بشريه في العالم تتسوق..شغالين مقاضي من سوق لسوق..من محل لمحل..
مايمديك تسمع عن كريم رائع رهيب فله الا خلص..
بلوزة حلوة في المحل الفلاني تعال افلقني اذا لقيتها في اي فرع من فروع المحل..
روج وردي خاقوقي..جزمه فلات مريحه..تنورة سوداء راكزه..مافيه بح اختفت
..
وياليته عالاسواق ابد فرمنا ابو المطاعم فرم..
مطاعم الاسواق تشتكي..مطاعم الشوارع..
امه لا اله الا الله عندها..
فتح صب واي ولو تشوف الطوابير حولها تقول هذولاء ماعمرهم شافوا أكل..
مطفرين و شغالين بلع..

من ناحيه الدراسة..
عندنا من اسوأ الجامعات والمدارس..اغبى الانظمه والقوانيين..تعقيدات ومصاعب.. وتعقيد في القبول وقدرات وخرابيط < قسم تبي تصيح http://7-mla7es.com/up/uploads/image...9ddbc36fd1.gif
..
مبانينا خربانه.. فصولنا مكسره (اذا جيت بدخل المدرسه متاهه..لازم اتأكد ان كل بلاطه بمشي عليها ثابته تفاديا لاي تعكرف والا طيحه ممكن تسبب فشيله).. حماماتنا زكيه(الله الله يا الحمامات على اخر الدوام وبما ان التصريف عندنا على قدر عالى ماتشم غير روائح الفل والياسمينhttp://vb.eqla3.com/images/smilies/biggrin.gif )..

طلاب الجامعات يعانون من ...

مكافئات ماتصرف(تخيلوا ينزلوا مكافئتنا على البنك بعد معاناه دامت لسنين من التسليم يد بيد..وبعد فتره وجيزة تطاقوا هم والبنك ورجعوا على النظام الاول)..قاعتنا ماتبرد(طيب تخيلوا مره ثانيه انه طول الترم الثاني اغلب قاعتنا خربت المكيفات تخيلوا في هالحر بدون مكيفتدرون ليه؟برضوا الشركة المسئوله عن التكييف عندنا تخاصموا مع كليتنا)..

بس وفي المقابل الشعب شغال تعليم..طلابنا كثييييير..الجامعات والمدارس مليانه..
واجبات وبحوث تعجيزية نقدم..
امتحانات صعبه نحل..
انشطه نشتغل..
تفوف نتفوق..
نظام التراكمي من اولى ثانوي تحسب الدرجات..
القدرات..
التحصيلي..
تخصصات قليلة ترضى الطموحات..
ومازال طلابنا يحصدون الـ99 والـ100..
هب عليكم..ماتعوق معهم ماشاء الله..< من جد نشاما < http://www.7-mla7es.com/vb/images/smilies/32.gif

سقط سوق الاسهم سقطه..
عورت المجتمع وضربته على قفاه ضربه موجعه..
المؤشر احمر احمر احمر..
والشراء اخضر اخضر اخضر..
ومازال شعبي الجميل يشتغل بالاسهم..< مو قصدي انهم مايفهمون بس دليل ع النشاط http://vb.eqla3.com/images/smilies/biggrin.gif

بناتنا يقولون..
عيالنا شيون.. خشنيين..مايدلون طريق الرومانسيه..انانيين..مشهبين..مايملى عينهم الا التراب..
عيالنا يقولون..
بناتنا..شينات..دلوعات..مايتحملون مسئوليه..ركبهم سود..مهورهم غاليه..
ومع ذلك الزواجات على افى من يشيل..
القاعات فل..
المشاغل زحمه..
وماليزيا تشتكى..

مافيه اماكن نتمشى فيها..
لاطبيعه ولا تطور..(قطعنا الحضاري وحديقة الشماس)..
فماذا فعلنا؟؟..
افترشنا المخططات..
مترنا الاسواق..
استوطنا الطرفيه..والبرر..والكشتات

شوارعنا محفره..مكسره..معفنه..مخنفره < عاد لاتسألون وش يعني مخنفره بس ع الوزن http://vb.eqla3.com/images/smilies/biggrin.gif
وفوق كل ذا نعاني من زحمه مو طبيعيه..

النت عندنا خايس..الاتصاالات السعوديه الله يحفظها ويرعاها اخيس مااشوف بحياتي http://vb.eqla3.com/images/smilies/biggrin.gif

وندخل النت ونسولف ونتواصل ونحمل ونسوى اشياء كثيييير ولا بيهمنا..

هذا الموضوع الى كل سعودية وسعودي مكافح..
سلخته الشمس واعدمت جلده..وشهب منها.
اتعبه الكبت وكتم نفسه..
قتلته الواسطه وحطمت اماله..وطموحاته

صامدون صامدون صامدون..
سنعيش..سنلعب..سنحب..وسنرقص ونغنى ولو حتى بدون موسيقى..

والله اننا قويين..
لله دركم ما أعظمكم... قسم انكم اكووووس شعب شفته بحياتي ..

http://www.7-mla7es.com/vb/images/smilies/96.gif

الى الامام لبى الشعب السعودي كوووووووووووووووول ابوهم وامهم .. http://www.7-mla7es.com/vb/images/smilies/96.gif

تحياتي.... هيا بنا نخربها