منتدى بريدة - انا مسيحيه!!!

هلا والله ........شفتوا انامسيحيه .....:5[1]:

نكته صراحه جتني بالايميل وحبيت انقلها لكم ....:17[1]:

هههههههههههههههههههههه:18[1]:
[frame="1 75"]

في احد ايام رمضان المبارك كنت ماخذة اجازة من الصيام,و خلصت صلاة الفجر ..وذهبوا افراد العائلة كلٌ إلى مرقده كما أعتقدت http://vb.eqla3.com/images/smilies/biggrin.gif

هم راحوا لغرفهم من هينا ..وانا انطلقت للمطبخ من هيناك http://vb.eqla3.com/images/smilies/S_45.gif

أخذت لي فيمتو و شبس و طلعت لغرفة التلفزيون مبتهجة

وبينما أنا في خضم البلع والقحن والكركرة على مسلسل كوميدي كنت اتابعه وداخلة جووو

الا وينفتح الباب واشوف وجه كذا >>>>>>>>>>> http://vb.eqla3.com/images/smilies/Looking_anim.gif

ويطلع أخوي " يونس " -طالب في المرحلة المتوسطة يميل الى الامتلاء يملك عيون عسلية و حواجب كحلية - كان يونس في أشد الدهشة والانبهار والتعجب حتى ظننت انه قد يموت بسكتتن قلبية

يونس : ماصمتييييييييييييي !!!!!!! http://vb.eqla3.com/images/smilies/eek.gif

أنا وفي يدي كأس مليء بالثلج وكيس شبس كبر وجه أخوي يونس : ليه أنت صايم ؟؟ http://vb.eqla3.com/images/smilies/biggrin.gif

يونس : وجع ..من جدك تسألين هالسؤال ؟ http://vb.eqla3.com/images/smilies/007.gif

أنا بكل ثقة وبجاحة: والله انت بعد سألني نفس السؤال http://vb.eqla3.com/images/smilies/biggrin.gif

يونس: والله انتي اللي جالسة تبلعين وتشربين موب انا http://vb.eqla3.com/images/smilies/0381.gif

ممممممم شفت الولد ماعنده نية يفهم ,استوعبت انه يااما انه كان غايب في درس الفقه منهج سادس ابتدائي ..يااما ان مدرسهم طمر الدرس , ولا وش ذا الدلاخة http://vb.eqla3.com/images/smilies/Looking_anim.gif

ومافيه مجال أصير ناسيه وأنا مجهزة العدة,كاس ثلج وسترو ومنقيه الشبس اللي أبيه http://vb.eqla3.com/images/smilies/niark.gif

المهم قلت في نفسي والله لو يموت مااعلمه انا عن ذا العلوم..مو لهالدرجة انا وسيعة صدر http://vb.eqla3.com/images/smilies/embaressed_smile.gif

فما كان مني الا اني فجأة قلت له

: اسمع بقولك سر بس بذمتك لايدرون امي وابوي ولا احد ,أوعدني ماتعلم احد وانك تحفظ سري هذا لين أموت.. ان مت علم اهلي ,عاد خلاص مايقدرون يسوون لي شي http://vb.eqla3.com/images/smilies/026.gif

واللللللللللللللللللللللللللله ماأقول لأحد ..اقسم بايات الله وبالقران والكعبة وجعلي اموت اني مااقول لااحد اذا علمتيني < خرجت هذه الكلمات من أخي يونس بحماس مشبع بالسعابيل المتناثرة التي لامست وجهي

:أجل شف بصراحة أنا مسيحيــــــــة http://vb.eqla3.com/images/smilies/biggrin.gif

:لا والله !! قولي قسم باللهhttp://vb.eqla3.com/images/smilies/eek.gif

:انا مسيحية ولا أقدر أحلف لان ديني غيركم http://vb.eqla3.com/images/smilies/S_45.gif < عشت الدور على طول

فجأة شفت عبرة خنقت يونس ذو القلب الكبير وهو يتابع بصمت وفضول وغباء

طيب ليش أجل تلبسين عبااااااية !! وانتي منتيب زينا < قاطعني أخي يونس بكل دلاخة

رديت بنفس النبرة الكسيرة : حتى الفلبينيات يلبسون عباية..انا كنت البسها زيهم احسبها يونيفورم للسعوديات

ورجع من جديد بسؤال أذكى قليلا من السابق : طيب ماعلموك المدرسة الاسلام ؟!!!

:لا كنت أنام في الحصص وفي الاختبارات أغش http://vb.eqla3.com/images/smilies/biggrin.gif

يونس > http://vb.eqla3.com/images/smilies/frown.gif

: طيب ماتفكرين تسلمين ؟ http://vb.eqla3.com/images/smilies/Looking_anim.gif

لا أخفيكم سرا ..جتني ضحكة كبيرررررررررررة الا أني بلعتها لدرجه صبت دموعي وسويت نفسي أبكي,

داخ راسي من كثر الخرط عليه وجاني النوم ..قمت وعطيته كاسي بعد ماشربته كله وقلت خذ رجعه للمطبخ أنا تعبت من الصياح بروح أنام http://vb.eqla3.com/images/smilies/026.gif

جاء يوم غد ..وفجأة أسمع شي يخربش تحت باب غرفتي ..حامت كبدي حسبته صارور ..قمت ابشوف مادريت الا كتيب ديني يندعس تحت الباب http://vb.eqla3.com/images/smilies/humm.gif

واشوف ..الا عنوانه Islam ???!!

وافتح الباب بسرعة بشوف من اللي حاطه , الا واسمع صوت باب غرفة يونس يتسكر بقوة http://vb.eqla3.com/images/smilies/biggrin.gif

هههههههههههههههههههههههههههههههههه ياانا ضحكت ضحكة بغت تنكسر شبابيك غرفتي

خلاص ماعاد استحمل ,هالولد تحفة لازم تنحط في متحف اللوفر ,لعنبوا بليسه وش ذا المخ

طيب يوم انك بتدعوني ليه جايب لي كتاب دعوة بالانجليزي ,شايفني شغالة ,على باله يوم صرت مسيحية معد افهم عربي ,ماادري ذا الولد مخه وين http://vb.eqla3.com/images/smilies/humm.gif

المهم انا عقب هالضحكة نسيت الكذبة ,ولهيت بمشاغل الحياة http://vb.eqla3.com/images/smilies/019.gif< مشكلة البزنس ومن

ومر كم يوم , وصدفت ان يونس مر جنب غرفتي وانا لابسة جلالي وأصلي,وأنا أسجد

مادريت الا بصوت رجول تراكض متجه نحوي ,واجلس من السجود الا ويونس يصيح ويحب راسيhttp://vb.eqla3.com/images/smilies/confused.gif

أنا خلااااااص بفطس من الضحك ,يالله كملت التشهد وسلمت ,الا وياخذني بالاحضان يونس صاحب القلب الكبيرhttp://vb.eqla3.com/images/smilies/004.gif

الحمداللللللللله أسلمتي ,الحمداللللللللله أسلمتي http://vb.eqla3.com/images/smilies/n/sm1.gif

ودموعه تتقاطر على كتفي ( ياكثر مايوصخني ذا الولد يابتفال يابدموع ..الله يصبرني )

بس والله رحمته جاني الصياح صدق ,ماأدري هو أن عشت الدور ولا صياحه صيحنيhttp://vb.eqla3.com/images/smilies/frown.gif

ويمر أبوي قدام هالمشهد التراجيدي وينهبل http://vb.eqla3.com/images/smilies/eek.gif

وجععععععع خير انهبلتوا ..وش صاير http://vb.eqla3.com/images/smilies/Looking_anim.gif

ويونس من هول سعادته كب العفش والعشا والقش كله

بنتك أسللللللللللمت أسلللللللمت http://vb.eqla3.com/images/smilies/n/sm16.gif

وللأسف انجلدت بعدها بس عادي التعب عادي http://vb.eqla3.com/images/smilies/biggrin.gif مايجي شي عند هالخرطة اللي كبر حمار ومشت على يونس الفتى صاحب القلب الكبير هو و كتيبه الدعوي http://vb.eqla3.com/images/smilies/S_45.gif

وكل رمضان وأنتو صايمين http://vb.eqla3.com/images/smilies/10111.gif

[/frame]

من ايميلي بتصرف....http://gfx2.hotmail.com/mail/w3/rtl/emoticons/rose.gif