منتدى بريدة - الفيه::::::

--------------------------------------------------------------------------------

(أ)

أولف ياهل الحب وشكي** من واحد لامن تذكرته أبكي
باقول كل الي حصل منه واحكي** وابين الخافي وقول الحقيقه
(ب)
بديت اشوف منه التغلي** يوم اعترفت وقلت أنت خلي
صار يتفنن في عذابي ويذلني ** وماكنت اظن الغدر يتبع طريقه
(ت)
تمادى في غروره وصده**والصبر مني انتها عند حدّه
قلبي من الخاين ضروري ارده ** وارتاح من جملت هموماً تعيقه
(ث)

ثلاث شهور عايش بدونه** خل الذي غروه هم ينفعونه
بكرا يخلونه يذوق اللهونه ** يوجس مثل هوجست ساعه بدقيقه
(ج)
جاملته احسبه يقدر** واثره بأمر فرقاه يورد مصدر
وانا انتظر انه يجيني اتعذر** لاكن ترا مثله يخون برفيقه
(ح)
حشا ماشفت طبعه مع الناس** مافيه رحمه لا ولا عنده احساس
ياخذ ذهب صافي ويعطيني انحاس** ياويل منهو بالهوا نشف ريقه
(خ)
خدمته من عيوني ولا فاد**ولا هاقيت انه يجازين بعناد
القلب بسبابه تقل فيه وقّاد** من حر مابي كن وسطه حريقه
(د)
دام الحب وياه مابيه** ومابي احد عندي من الناس يطريه
الي جرا للقلب والله مكفيه ** خلو فؤادي لا يزيد اتحريقه
(ذ)
ذكرا صاحبي تتعب الروح** والنوم ماله داخل العين مصلوح
اشكي صراحه واشتكي عدت اجروح** حالاً مثل حالي من الي يطيقه
(ر)

رماني اقشر الحظ بالحب ** مع واحداً ماظن له بالهوى طب
حسبي عليه الله عدد كل ماهب ** نسناس ريحاً في مسارع طليقه
(ز)
زمان الحب عندي تحول** اصبح بدال الحب كرهاً مطول
راح الغلا الي اذكره له منول ** مثل القمر لغاب وخفّى بريقه
(س)
سم الغدر ذقته ملى كاس** ماهي غريبه نشربه من بعض ناس
مثله ولو قدره نشيله على الراس** ماظن يوم اتصير روحه شفيقه
(ش)
شلت الهم عنه لحالي ** ولا شكيت الحمل والي جرالي
صابر على ظيم الدهر والليالي** روحي بمر الريق صارت شريقه
(ص)
صدقوني اذا قلت مابيه** ولا ينتظر لحظه انا أجيه وارجيه
ولا يحسبني لعبتاً بين اياديه ** يقدر يمشيني ورجلي عويقه
(ط)
طعم حبه ولونه كرهته** من شان شياً يدري اني عرفته
ولو حبه بشيك الهوا ماصرفته** حتى ولو روحه لروحي شقيقه
(ظ)
ظمى قلبي من الشوق زايد** والقرب اصبح بيننا اليوم كايد
والحب ماظنه ولاهوب عايد ** لوعشت انا وحدي على ارضاً سحيقه
(ع)
عيى القلب ماهوب حاصل ** يقول مقدر مع اهل الغدر اواصل
الحب جمله مايجيبه فواصل ** وينعاف لو روحي ببحره غريقه
(غ)
غادرت المحبه بلى حد ** وبينت له اهم الاسباب موجز
ومن يتهمني بالكذب قلت يعجز ** يثبت علي الكذب بأيت طريقه
(ف)
فلا والله بقا له معي شي ** والله مايطري ببالي وانا حي
طويت انا صفحه قديمه معه طي** طي الذياب الي يريد اتعليقه
(ق)
قررت انهي الوظع كله ** وعاب شمس الحب وارقد فظله
ومن جاء يبي روحي معه قلت خله** خله تجف اجروح فيها عميقه
(ك)
كل الي مظى لازم انساه ** وانسى جميع الي جرى من سواياه
الحب له بلوا وياكبر بلواه ** الى نصبلك بالعدى من جنيقه
(ل)
لا والله ماظاق صدري ** على فراق الي جحد كل قدري
ادري بشي وبعض الاشياء مدري**هذا يخص الله رب الخليقه
(م)
ماودي انا اجني على الحال** ودي اعدل كلشين به امال
وترك زمان راح واريح البال ** والحظ لامن نام لازم تفيقه
(ن)
نية صاحبي ليه شينه ** وانا معه بنيه حسينه
الحين انا بطلت زينه وشينه ** مابي عسل حبه ولاابغى رحيقه
(هـ)
هدمت الحب وياه مليت** مليت من كثر التمني وياليت
ياليتني بالعمر ماكنت حبيت ** ولا عرفت الحب ولا فريقه
(و)
ولت كل ذكراه وماضي** مندون مانحتاج شرعاً وقاضي
هذا حصل ولي حصل فيه راضي** ارتحت من همن بروحي وضيقه
(ي)
ياليت القاء حروفاً زواده ** بكتب كلامن غير هذا زياده
واكمل حوار قمت انا في اعداده** لو يسمعه قلبي انقطع من خفيقه