|
معانات موظفين شركة الغاز مع رؤسائهم
السلام عليكم ورحمة الله وبركاته
بسم الله الرحمن الرحيم مدير الشركة : حامل للشهادة الثنوية التجارية . لايفقه شي بخصوص الادارة . انسان متعجرف متسرع . قرارات همجية سوء ضن بلآخرين . (( كلمة توديه وكلمة تجيبه ) اهم شي عنده انك ماتدخن والا الباقي !!!! سواء انتجت الشركة 10000 اسطوانه باليوم والا اسطوانه وحده كله واحد اهمش شي لاتدخن ولاتطلع من المكتب . عنده اثنين تحته الاول المساعد الاداري والثاني رئيس قسم التسويق الاثنين هذولا يلعبون فيه لعب لو يقولن الشمس تطلع من المغرب صدق . الرجال بصراحه قلبه طيب وحليل لكن متسرع في قراراته الله يهديه . اللي قاهرني مجلس ادارة شركة الغاز واحد معه الثانوي تحطه مدير فرع . يعني مو كل من عمر بالشركة تحطه مدير >>>>>> وده يكمل عن المدير بس حلقه ثانيه انشاء الله المساعد الاداري : انسان يرى انه اعلى واحد وافقه واحد واعلم واحد بالنظام وهو من جنبه . يحسب أي واحد اشتغل في مكانين يعني انه king الله يهديه الرجال حليل وخدوم وفزوع والله يشهد لكن عقب يخربه كانه كاد عليك ويبدي يذلك . ويمدح بروحه ويمدح اخوه الله يرحمه . وهم اللي لاعبين بالشركه الله يرحم الله بس قلبه ابيض ولايحقد واذا اشتهى يساعد الواحد باللي يبي واذا زعلته ينكب اللي جابك عند المدير ويقول ماقلت شي >>>>>> وده يكمل عن المساعد الاداري بس حلقه ثانيه انشاء الله رئيس قسم التسويق : نذل حقود اكره مايشوف انت ويدور الزله عليك ويحاول يخرب بين الزملاء وينشر الشائعات بين عاملين الشركة ويجي لمك ويسب المدير عندك واذا راح للمدير سبك عنده والا يسب رئيسك عندك واذا راح لرئيسك قال فلان قال وقال . انا ما ادري وشلون عايش بين البشر هذا كذاب ومنافق ومستعد يعمل المستحيل علشان يخرب بين اثنين والمشكلة جبان يعني لو تواجهه يمكن يصيح من الخوف بس هذا اللي يقولون حية من تحت تبن الله لايسامحة ولايحللة دنيا وآخرة >>>>>> وده يكمل عن رئيس التسويق بس حلقه ثانيه انشاء الله رئيس قسم التعبئة : يعني مره تقول حليل مره لك عليه شوي . يعني مثل مايقولن يركض ورى حاجته رئيس قسم التركيبات : انسان والنعم وينشد فيه الظهر المستودع : ودك دايم تصوره آخذ مقلب بعمره على باله انه مميز وتكانه ومافيه احد بالشركة مايضحك عليه هو الانسان الوحيد مع رئيس قسم التسويق اللي مافيه ولاواحد بفرع الشركة يحبهم او يقدرهم اثنين من نفس الطينه . التوزيع : انسان والنعم وينشد فيه الظهر التفريغ : انسان والنعم وينشد فيه الظهر الورشة : انسان مزاجي يومك يجيك تكانه ويوم ودك تذبحه من قلة العقل . عليه التميلح اللي مايركب على احد وراعي تصنع كثير النظافه : انسان والنعم وينشد فيه الظهر الموظفين : والله انه مره معك مره ضدك الصندوق : هبلبه الصندووووق يقفله عشرمية مره من الوسوسه بس حلسل وطيب الشركة بصراحة رايحه فيها الحين نائب المدير مهندس يعني اول ماجاء المهندس قالوا بيسوي ويفعل لكن للأسف ماتغير الحال وانظم المهندس مع الشلة اتمنى توصل الرساله لاكبر قدر ممكن لتعرفوا معانات ابطال شركة الغاز فرع القصيم شي يقهر |
لاحول ولاقوة الابالله
أخي الكريم أذا كانوا فعلا مثل ماتقول أرفع شكوى إلى المدير العام بالإدارة العامة ، هذا اللي أقدر أقولة لك تحياتي |
شـكــ وبارك الله فيك ـــرا لك ... لك مني أجمل تحية .
|
[align=center]ياناس واحــد موظف بالشركه ويجلس معنا ، إذا جـــاء لــحـــد مايمشي وسـالــفـتــه دوامــه بشركه الغـاز ومشاكلهم الوقتيه وليـست اليوميـه يعني المشاكل تكون بالوقت مو باليوم من كثر مشاكلهم الموضوع عليه علامات اســتفهام كثيره ! يعني مشاكل بين المدير وروساء الأقســام علشان المناصب ولا على كلام صاحبنا كل واحــد يحفر للثاني ويدور عليه الزلــه !![/align] لكل اللي يرززون هيلوكساتهم بكل عاير الصوره هذي لــكــم : 7 7 7 http://dc01.arabsh.com/i/00195/wadg5e6usuuj.jpg[/] |
صمت وكلام : ياليت أعرف هل أنت محلل نفساني لكل موظف في شركة الغاز
اما لك موقف معين صار لك حاب تنتقم بهذا الشكل ما ذكرت أخي الفاضل : صفات شخصيه يتصف بها كل إنسان ولا اعتقد انك تخلو من نواقص وعيوب .. لم تذكر هل صفاتهم التي لم تعجبك قصرت في اداء العمل اليومي ل الشركة وهل عملاء الشركة يعانون من نقص الخدمه ,, الفوريه ,, رعاك الله يا أخي :: الحياة والناس فيهم من العيوب الأخلاقيه ما يكفي .. ليتك تشاهد سنامك قبل سنام الغير وتأكد أن ما قمت به يعتبر من النميمة والغيبه التى تذمهم فيها ... لا وعلانيه أخي اذا لم يعجبك الحال فهناك شئ اسمه استقاله . والجردة مليئه ب العمل واعمل على سعودة سوق الخضرة بما معك من شهادة عاليه فقط كن بخير ونقاء وصفاء قلب |
سجوع ... حبيبي انت
هاذي لانميمة ولاشي ... انت تتكلم عن العملاء اتحداك تتصل على شركة الغاز ويردون عليك على فكره رقمهم 3221222 اذا ردوا عليك ( قابلني ) اما عن قولتك محلل نفساني انا عايشت الناس هاذي ومنحقي اوصلهم رساله على شان يعرفون انهم مخطئين وعلى الملاء واذا كان في كلام اي شي يزعل ان متحمل كل كلمة كتبتها الى يوم الدين . بصراحه الشركة فاشله من اساسها يعني حتى الادارة العامة فيها مشاكل . انت عارف ان اغلب رؤساء الاقسام تعدو عمر 50 سنه ياعمي بلا محلل بلا فيلسوف .... ياشباب اللي عنده اي اضافه يكتبها والا اللي بيعلق مثل سجوع الله يجزاه خير لايعلق .. (((( <<<<< بين انه منقهر )))))) شكرا لمرور الجميع |
يا ليت أول حاجة تتعلم الإملاء الصحيح وبعد إتقان الكتابة الصحيحة بقواعدها الإملائية والنحوية
يحق لك النقد آخر زماااان عالم يالله تفك الخط تنقد |
عاشق المستحيلات
الحين رايح تسجل بيوزر ثاني علشان تكتب الكلمتين هاذي ... ليتك ماتعبت وعلى فكره يحق لأي انسان النقد ومو ضروري يكون خريج لغة عربية علشان ينقد والله قاله الطويان في طاش ماطاش ((((((( انتم تناظرون الرجلين ولاترفعون راسكم لفوق ))))))) احنا نتكلم عن اضطهاد داخل الشركة وانت جاي تقول تعلم الاملاء الله يصلحك بس |
اقتباس:
يعلم الله أنه ليس هناك عضوية خاصة بي غير هذه العضوية أما الإضطهاد الذي تتكلم عنه لا يوجد هناك إضطهاد يستحق أن تسطره لنا في هذه المنتدى هذا أولاً ثانياً : إذا كنت رجل وشجاع وتبحث عن معالجة الأمور فهناك أكثر من وسيلة للنقد والعلاج فالبنسبة للمشاكل الخاصة بالجميع يمكنك طرحها وعرضها على المسئولين في الشركة وفي إجتماعات الشركة حيث أن هناك طلعات جماعية لموظفين الشركة بين وقت وآخر وأمل أن تتبنى ذلك وتتكلم أمام الكل ليبين ذلك أما أن تكون محق فيما قلت أو تقنع أما صفات الرؤساء الشخصية فإن التكلم عنهم وخاصة أنك ذكرت كل شخص بإسمه وهذا يعتبر إسلوب غير مقبول فيمكن أن تقابل كل شخص على حده وتقدم له نصيحه هذا إذا كان الأمر يهمك أخيرًا نحمد لله على النعمة التي نحن فيها والتي يحسدنا عليها الكثير والإشكالية هي أن كثير من الموظفين وليس جميعهم لا يشكرون وكثيرون النقد والتشكي وكأنهم هم الوحيدين الذين يعملون أتمنى لك أخي التوفيق والسداد وأن تتقبل وجهة نظري بصدر رحب |
الغاز والماء والكهرباء وكل الادارات الحكومية
ماتخلا ادارة من جريمة حط الزنمه الغير مناسب بالمتسان الغلط نحن في زمن قعوس صارت الاذناب روس كثير من الي ماسكين الخيط والمخيط فاشلين حتى ببيوتهم الا من رحم الله لايهمك طلعوه من راسك وانتبه لرزقك ولا تبي تداهمك الصخاين وكل من زهم يبيك قالوا لوه فلان وجعان طايح فراش وبالفرنسي طايح بد |
أما صفات الرؤساء الشخصية فإن التكلم عنهم وخاصة أنك ذكرت كل شخص بإسمه وهذا يعتبر إسلوب غير مقبول فيمكن أن تقابل كل شخص على حده وتقدم له نصيحه هذا إذا كان الأمر يهمك السلام عليكم ورحمة الله وبركاته أخي العزيز الكل يعلم أن التقصير بالعمل والتخاذل دائماً ما يكون في الدوائر الحكومية أما الشركات فلم اسمع في يوم من الآيام عن التقصير في آداء العمل أخي بارك الله فيك نحن لا نريد أن نناسبهم لكي نبحث عن اخلاقياتهم أو ما شابه ذلك أنت تعمل هناك فأنت خير من ينقل واقع الفريق الذي يعمل هناك أخي هل هناك قصور في العمل وهل هناك اهمال للمشترك ومتطلباته من قبلهم هذا ما يخصنا أما شخصياتهم فلا علاقة لنا بهم . اتمنى أن يكون طرحك واضحاً ويتميز بالشفافية بورك فيك أخي عاشق رداً على ماذكرت في ردك السابق هو لم يتطرق للاسماء ابداً ولم يذكرها بل ذكر المناصب ونحن نجهل من يعمل في هذه المناصب |
اشكر الجميع على المرور والتعليق
اخوي عاشق المستحيلات اولاً (( انتبه للأخطاء الإملائيه التي لديك )) ثانياً انا اتقبل اي وجهة نظر ولم اتطرق الى اسماء بل ذكرت مناصب . ولي قصد في هذا . ابي اوصل رساله للأشخاص المعنيين وان كل افراد الشركة تعرفهم على حقيقتهم ولاداعي للنفاق . اما حبيب قلبي (لبيه) ابشرك الحال على مايرام والحمد لله دمتم بحفظ الله |
انا استغرب من المشرفين ابقاء الموضوع وكان من المفترض حذفة هذا بوجهت نظري
لان الموضوع لا يخص مشكلة مدينة بريده بل يخص ادارة من ضمن الادارات الواقعه ببريده واذا كان المقصود من الموضوع هو ايصال المكشلة الحاصلة بالادارة كان يجب علية ارسال فاكس للادارة العامة لديهم موضح المشكلة الواقعه وليس ذكر صفات اشخاص وللعلم لو كانت هذه الكوادر الادارية سئة لما شاهدنا الانجازات للشركة او هذه الانجازات من اجتهادك انت يا سعادة النااااااااااااااقد |
اقتباس:
وكلمتهم الظهر وردوا أعرف اني إذا رد وععطان المسؤال اصكه فشلت والله اتصلت مرتين وردوا وش تبي اكثر من كذا ؟ اقول وين مديركم اللي معه ثانوي ؟ ههههههه |
الأخ العزيز أعتقد إنه مرتكب خطأ وممكن تم تحميله خطاه وهذا ما دفعه للزج في هذا الكلام
|
| الساعة الآن 04:33 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة