منوعات , ومتفرقات ..
 

بسم الله ..

هذي مدونتي واللي راح تكون عباره عن متفرقات ومنوعات وخربشات .. والحقيقه اني سجلت بالمنتدى بعد قراءتي لمدونات الاعضاء والتي كانت ممتعه للغايه ..

اول مره دخلت المنتدى كانت بغرض قراءة مدونة عاشق ديرتي بريده وهو صديق قديم ( ادري يبي يجحدني ) والحقيقة اني وجدت في مدونته المتعه والفكاهه والفائده خاصة بعض تساؤلاته التي يضعها بكل براءه :a6:

سجلت باسم تركي وطردني المنتدى يقول فيه واحد بالاسم هذا ..!! وانا افكرررررررررر وافكررررررررررر واطيح على الاسم هذا .. (( انسان بسيط ))


اتمنى ان اكتب مافيه فائده << ما اظن

طبعا هذي هي مدونة عاشق ديرتي بريده :D

http://up2.m5zn.com/photo/2009/4/30/...frymd8.jpg/jpg

وهذي مدونتي :

http://up2.m5zn.com/photo/2009/4/30/...fpnewi.jpg/jpg

ما بينه فرق صح ؟؟

ودك اليامن جاتك الغلطه من الناس القراب
الصاحب اللي ماكسبت محبته ماتخسره

المثاليه شيء ندعيه .. وتنكشف سوأتنا عند اقرب موقف يتطلبها ..

ليه كل ما بدينا نتعرف على انسان نحاول انه ما يشوف منا الا الجانب المشرق ونظهر أمام الناس كأننا ملائكه !! ومع الوقت تبدأ الحقائق تظهر شيئا فشيئا لتكتشف ان الانسان الذي كنت تخفي عنه عيوبك كان يفعل مثلك تماما !!

ومع اول بداية للمصارحه ( تنفرط السبحه ) وتبدأ الفضايح لتكتشف انك امام مجرم !!

هل مر احدكم بموقف كهذا !!


=

تعالوا نقرا ماذا يقول عبدالرحمن رفيع :

http://www.rofof.com/img2/5izdoj1.gif

والله يا انا مالي خلق الرسايل اللي تجي بالايميل ..!! خاصة رسايل القروبات .. المشكله اني مسجل بقروبات ما اشتركت فيها .!! وبلغي الاشتراك وعجزت .!! الله يحلل زمن غصب واحد وغصب اثنين .. الا لازم اقرا رسايلكم .!!

المشكله ان القروبات تنقل من بعض يعني اشترك بقروب واحد يغنيك عن جميع القروبات ..!!

واليكم صوره من معاناتي مع القروبات والرسايل :(

.


.



.





.




.



.



من يساعدني بالحذف

http://www.rofof.com/img2/5ryohf2.jpg

1150 .. مع اني حاذف قبل يومين كثرها :( مليت كل يوم ادخل عشان احذف ..

بعدين يقولك 66 << هذولي غير هام

يعني 1150 هامات ..

هذي صوره لمدونات عاشق ديرتي بريده الساعه 8.30 مساء الموافق 7/5
http://www.rofof.com/img2/5xlats2.jpg

اللي يشاهدون المدونه خمسه ثلاثة اعضاء ما طلع منهم الا اثنين يعني فيه واحد مخفي !!

توقع منهو يا عاشق !!

بديت اشك انك مراقب ..!!

وان خفت ضعف .. أخاف من ضعف الايمان
وان عفت حمل .. أعـاف حمـل الجمايـل

ما أظما على الساحل ولـو مـت غرقـان
لـو مركبـي تابـوت والـمـوج هـايـل

تغرق شهيد أرحـم مـن تمـوت عطشـان
طيحـة شمـوخ ولا وقــوف امتمـايـل

ودّك ليا مـن جيـت فـي كـل ميـدان
لو ما انـت الاول .. بالصفـوف الاوايـل

خلّك ليـا عـوّدت خسـران .. خسـران
ينقـال عنّـك عامـلٍ لــك عمـايـل

لا صرت تحلـم احلـم تكـون سلطـان
وان جيـت تقنـع .. اقنـع بحلـم زايـل

الوقـت غربـه وآخـر الـدرب عنـوان
والعمـر رحلـه والتـجـارب رحـايـل

وأنـا كثـر مالـي مـن النـاس خـلاّن
اللـي صفـوا لـي بالشـدايـد قـلايـل

((من روائع حامد زيد ))

ودي ادري هالحين المراه عندنا مظلومه والا لا ..!!

يا كثر اللي يطالبون بحقوق المرأه , وحريصين عليها , اتحداك تشتري جريده الا وتلقى فيها مقال او اثنين عن المرأه ..!! وطبعا اغلب اللي يطالبون بحقوق المرأة رجال ..!!

وما سمعنا اي واحد من هاللي يطالبون بحقوق المرأه يتكلم عن توفير وظائف لهن مثلا .. او يكتب عن معاناة المدرسات المتغربات .. الخ !!

كل الكتابات موجهه لقيادة المرأه للسياره !!

والسفر الى الخارج بدون محرم !!

السؤال : هل المرأة في السعودية مسلوبة الحقوق ؟؟!!

مبروك الاشراف يا عاشق ديرتي بريده ..

ادري انك تبي تشيل هم بس الله يعينك ..

ترى المشرف لازم يصير يقض , وعادل , وسريع الانقضاض !!

مبروك مليون ولا يكفون ..

والله يا الدنيا مدري وشي قايله ..!!

اجل القادسية يشترط 30 مليون عشان انتقال السهلاوي للنصر !!

30 مليووووووووون !!

!!

http://www.rofof.com/img2/5psdzm6.jpg

وما زلت اعاني من كثرة الرسائل ..!!

:(

ليلة بارده , مظلمه , غاب فيها القمر .!! وتوارت النجوم خلف السحب الثقيله ..!!مظلمة الا من وميض البرق الذي يومض بين فترة واخرى .. ساكنه الا من هزيم الرعد , وصوت حبات المطر وهي ترتطم بالأشياء .. وفي هذا الجو المثير .. خرج ( أحدهم ) وتوجه بخطوات واثقه الى جهة ما ..!! وصل الى احد المنازل .. تلفت يمينا وشمالا .. ثم اقترب من الباب وعالج قفله باحترافيه بالغه .. حتى استجاب له .. واصدر تكة خفيفه .. دفع الباب بهدوء ودخل .. غاب لعدة دقائق ثم خرج .. وعاد من حيث اتى ..!!

* * *

في الغد خرج من البيت مبكرا كعادته ,, واستقل سيارته متوجها الى العمل .. وفي الطريق أوقف سيارته عند إحدى البقالات واشترى جريدته المفضله ,,وابتسم برضا عندما قرأ في صفحة الحوادث ::

الشرطة تعثر على جثة مواطن مقتولا في فراشه !!

لقد تمت مهمته بنجاح .. لقد قتل من يطلق عليهم بأنهم : لا يستحقون الحياة !!

==

انفلونزا الطيور !!

http://www.waraqat.net/2008/05/mzaeen_shecen7.jpg

والان

انفلونزا الخنازير ..

http://u06p.com/test/files/jh1a6oazm...pfdr_thumb.jpg

مرض اشد فتكا من سابقه .. ينتقل من انسان الى اخر .. خطره لا تحده حدود , اشد ما يقلق بعض الدول أن هذا المرض سيحد من السياحة في بلدانهم !!

وتستمر الحياة ..!!

ونترقب ماذا بعد انفلونزا الخنازير ..!!

احدهم يسأل :

ليه البنت اذا جت تكحل عيونها تفتح فمها ؟؟!!