|
الشماغ علقه بعروة باب المجلس والثوب احلته بالصالة .....
الفوضى بشكل عام في البيوت العمل والسيارة
الفوضى وووناستها والشششعور بأرقى طقوس الحريية والأم أو الزوجة أو المسؤل والتصادمات مع تلك الفوضى البريئة ... الفوضى متعة وأريحية وتحس إنك سيد البييت والآمر والناهي مو تقل نظام عسكري النوم له وقت محدد والأكل له مكان معين وقت محدد والطلعة والدخله بالثواني ولا تنام بعتبت الباب... الأكل مرة بالصالة ومرة بالمطبخ ومرة بالسسيب المهم ما يكون كل شيء نظام.. النوم ابنام بالصالة بالكنب بالملحق اذا جاء النوم ابنام ما ابي أحد يقلقن ويقول قم لفراشك.. الكتاب ألي بالسيارة وش فيها إذا صار فوق المرتبه أو الطبلون ... مكتبك بالعمل ليه لجة وصجة وتفاهه على شان الملف مايل شوي عن الملفات الباقية... هذه الحرية والفوضى لا يعني التقصير بواجب البيت أو قلة النظافة أو الأهمال الذي يسبب مشكلة أو ضرر بعض ربات البيوت والزوجات تشيبك ششيب اذا دخلت الببييت لازم تمشيي على النظام العسكري بتاعها تروح للغرفة ولازم تعلق الثوب وتحط الشماغ مطرَّق وياويلك تصير الطاقيّة فوق الشماغ وياويلك لو ما تتقيد بهالشيء واذا جلست اذا انت صازز حرك المركات حقت الكنب عن محلها و اقعد ولا تتلفت ولا تممد رجليك بالكنب على شان ما يتوسخ المجلس انسى تدخل فييه وتتقهوى فييه لأن فرشته غالية والكنب فخم توسخوونه ويمكن ينتثر قطرة ماء همن تموووتوون وأيضاً بعض متزمتات هذا النظام انسى فصفص ومكسرات تدخل للبيت لأنها توسخ البيت >>انهبلت يوم سمعت هالكلام... بعض المدراء يضيع وقتك وقته وقت العمل على تفاهات بايخه ليه كوب الشاهي ما حطيت له مكان خاص ليه الكلمة مو مثلة اختها ليه وليه وليه... كيف ترون الفوضى العقلانية المغلفة بالبراءة أليست تولد الشعور بالراحة والبساطة في العيش وعدم الالتزام بالنظام الدقيق المُتعب الذي يولد الشيخوخة المبكرة والتصادمات مع عابدي النظام يعني وش فيها اذا فسخت الشماغ وحطيته فوق الكنب أو نمت على الكنب وش شغلت الزوجة بتموت اذا شالت الشماغ أو جابت لك غطاء ولا فسدت عليك النومة بالصالة إليكم الموضوع وأتمنى أن يكون النفاش بكل أريحية وصدق كيف ترون الفوضى وبعض من يتقيد بالنظام الصارم الممل هل تشعرون بالرحة معهم والمضايقة ممن يخالفكم ويلزمكم بنظامه |
الفوضى العارمة والزائدة ماتنفع -وكذلك حياة الرسميات الزايدة ونظام العساكر ايضا ماتنفع ولكن سددوا وقاربوا ----وانا اقول اتينا بالمصممين ليصمموا لنابيوتنا ولكن على حساب تعب قلوبنا فما اجمل حياة البساطة ---------------------------------------------------استاذي جبل عمر تقبل مروري
|
[align=center]اشكرك جبل عمر على الطرح الممتع..
من المحتمل ان هذه الفوضى هي اشياء تهمك أو انك مرتبط عاطفياً و ببعض مقتنياتك و هذا سلوك طبيعي لدى الرجال اكثر من النساء..!! والتنظيم والترتيب مطلووووب عند النساء فهذه طبيعتها..!! لكن الأختلاف بين الفوضى والترتيب بوجه عام امر طبيعي بالبشريه. لك تحيتي ممزوجه بأحترامي.[/align] |
شكلك مثلي .. بس مو بزيادهـ لازم تكون في بعض الأمور نضامي مثل النوم
مايكون بأي محل .. الكل يزعجك .. والأكل والشرب في مجلس الضيوف يعني خلك في مكان الجلسه المعتاده مايكون في مجلس الضيوف تحوسهـ >>> واللي يحب الحوسهـ <<< دايم زوووووول بس يكز المرهـ الله يعين الحريم شكرا لكـ .. |
الســــــــلام عليــــكم
تاكل بالسيب !:22[1]: ياخي كيف يجيك نوم وانت مو في مكانك المناسب, هادي مريح ...؟ كيف تاكل.. وانت في اي مكان حيا الله ,, أجل تاكل بالسيب ..؟؟؟؟ اتق الله يا اخ العرب ,, لمني جيت ابركب مع اخوي مدري وين احط أقدامي ! المكان تحت مليان علب موية صحة ,,! اقوله لما تدخل سيارتك انا برتبها لك بنفسي.. عرض خاص :4_1_6[1]: يقول لا لا خليهن يجلدن بمكانهن !!:a16[1]: هذا جزاي بعد ,,:b2: قلت وراه.. هوايتك تجميع الطوابع .. قصدي العلب :b3: اتوقع قريب يفتح مصنع إعادة تصنيع البلاستك ..:d1: اجل الزوجة يا جبل مخلوقتن عشان تركض مع كل جهه.. http://www.9ofy.com/images/smilies/e..._caveman-1.gif مخلوقتن لشيل الشماغ.. وتطريق الغترة .. واحضار الغطا !!!! يا ناس حرام عليكم .. اتقوا الله فينا عطونا حقوقنا http://aljsad.net/images/smilies/bowdown.gif لا تنسون ان الرسول صلى الله عليه وسلم كان يساعد اهله في بيته .. حنا ما نبيكم تساعدوننا.. عساكم بألف حل,, بس نبيكم ما تزودون اشغالنا ,, وتثقلون كواهلنا ..!! ولا تجدعون ثيابكم حيص بيص! شوف يا اخي.. بكيف اخوي او زوجي او ابوي إذا بينام بالصالة.. هو حر بس إذا قام الله لايهينه يشيل اللي بعده.. ويرجع كل شي مكانه.. وإلا بحط حظر نوم بالصالة ..!:29_1_16[1 * رأيي بوجه عام: اكره الضجيج ... والفوضى اخت الضجيج من الرضاعة.. لذلك انا اعتبر نفسي ارسطوية.. نسبه إلى الفيلسوف الذي يهتم بتنظيم وترتيب الافكار لكن لا افراط ولا تفريط.. إذا الواحد بيدقق بيتعب.. اقولها لكل صارم نظامي.. وسبحان اللي كامل ,, جبل ,, انتبه مره ثانية لا يميل الملف http://aljsad.net/images/smilies/bullwhip.gif عوداً حميداً ومبروك :for2: |
اقتباس:
والله ماجربتوا شغل البيت ولا تعبتوا بالتنظيف ولا طبختوا بس انت تعال تلقى كل شي جاهز..ومع كل ذلك تجي تقول فوضى بريئة!!!!!! يا أخي انا عندي طلب واحد.. اتمنى انكم مره تمسكون البيت يوم واحد ع الاقل بس تنظيف وترتيب؟وتشوف اي شي يطيح تشيله بكل امانة راح تتحملون؟؟؟ تخيل نفسك قاعد ترتب وتنظف ومتعب روحك..ويجي احد يبعثر ويحوس كل اللي رتبته او بعضه؟؟وش بيكون ردك؟؟؟عادي؟؟ اقتباس:
..شكرا لكـ |
أيههههههههههههه هين الفوضة مرغوب فيها ولو ضاعت الطاقية أشغلت بنت الناس وين مكانه ومن أخذها وطبع الدوام بيروح منه نص ساعة حق الدورة والمتضرر الأول والأخير هالسنعة الي عندك الي ماقصرت معك موكذا0000000
أما في مجال العمل الأنضباط أولا وأخيرا من السلوك العام لك مع الأشخاص الى الحفاظ على الممتلكات الموجوده في المكتب0000000 في البيت خذ راحتك في أي مكان أكل ونام مد أرجولك وكب عالكنب الي تبية وحوس مثل ماتبي لكن لاتبخل في تغير الأثاث كل سنة |
اقتباس:
شكراً لمرورك |
[align=center]جبل عمر
الحمدالله على السلامه الترتيب والنظافة من الآداب السلامية تمنح المنزل رونقاً خاصاً ويضفي ارتياحا وطمانينه خاصه[/align] |
مشكور على الموضوع
|
اخي جبل عمر ..
للاسف انه انا اعتبر هذا فوووضى بمعني الكلمه .. مالمعنى اذاكنتم مرتبين ومنظمين هل هذه كما يقوولون ليست رجوووله وقد قااال هذا الكلاام لي قريب بان لرجل اذا اصبح مرتب ومنظم ليس برجل ..هذا لي صحيح بل رجل بافعاااله وليس بنظاامه وترتيبه اخي جبل عمر لماااذا الفوضى جزء من حيااتكم اذا كاانت الفوضى عااديه اوكي ولكنها قد تتعدى الحدوود في الفوضى فمثلا الثوب عندما يدخل من العمل يضعه على الاريكه والشمااغ على الطاااوله فما الذي يمنعه ان يضع كل شيء في مكان كمسااعده للي بالبيت؟؟ غريب امركم.. اشكرك اخي على هذا الطرح.. دمت بود.. |
اقتباس:
بنت الناس تبي راحتك .. وأنت تقول تسذا .. (عطني اللي جنبك) :) اقتباس:
اقتباس:
اقتباس:
اقتباس:
اقتباس:
|
زين البيت لمى يتكون من سيب..!! ومجلس ضيوف وبس ..!! اعتقد ان فيه اماكن دايم حوسه
كل اهل البيت متعودين الجلوس فيهاااا .. فهمتي يااخت العرب .. الا اذا مافيه صاله وجلست نساء دايم معفوسه فوق تحت ؟؟ |
بعض الناس دهنا والاخ جبل عمر شكله منهم
مايهمه شي كله على عشره ترتيب والا فوضى كله واحد وهذا والله هو المرتاح بالدنيا بس المشكله ان هالشيء نفسي يخلق مع الانسان وياليتي فوضوي كان مبسوووووط لان المنظم تجده في كل شيء منظم وهذا يتعب روحه ويتعب غيره هنيئا لك جبل عمر بهذه الفوضويه |
اقتباس:
بالتأكيد النساء تعتبر كل الرجال فوضويين لأنهن يضفن وراهم ويخدمنهم ولا يتحملن أندنى زله لأنها هي من سيصلحها شكراً لمرورك |
| الساعة الآن 10:33 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة