|
كذبة الخمس دقائق والباقي مجاني ...!
صدقت واندفعت كغيري في كذبة أطلقتها شركة الأتصالات مفادها خمس دقائق والباقي علينا في اي أتصال من جوالك !!؟ أنا شخصيا جربت أرغب في الاستفادة من هذه الخدمة !!! الحكاية بختصار قعدت اكلم وانا بصراحة راعي خرط في الجوال ودايم الجوال بأذني كني أرضع !!! المهم لا أطول عليكم ؟! الاتصالات إذا شافتك مطول في المكالمة قطعوا الخط عليك حتى تبدأ من جديد حركة بسيطة وبايخة وفيها تذاكي غير محترم تدل على الإستغفال !!!! وحتى أتأكد أن اللي قطع الخط مش (( صاحبي )) رجعت ودقيت عليه وسألته قال وربي وغلاتك مش من عندي وطبعا انا اصدقه ... المهم رجعنا نكلم بعض أيضا بعد نص ساعة قطعوا الخط علينا ثاني مرة ورجعت كلمت وأيضا قطعوه ثالث مرة علينا !!! وتكرر الموضوع ست مرات في نفس المكالمة مع نفس (( صاحبي )) بنفس الليلة !!! يعني في ثلاث ساعات أنقطع الخط ست مرات وكل مرة نرجع للخمس دقايق من جديد بالله عليكم شفتوا أستخفاف بالعميل وكذب أكثر من كذا !!؟
|
صدقت أخي (( ذد ))
كان الله في عوننا نحن شعب الكل يضحك عليه ..! أجل خمس دقائق وبعدها مجاناَ ..؟؟ يارجال نستاهل هالنصب .لأننا شعب (إيكبله ويأكل )..!أصلا يا أخ (( ذد )) شركة الإتصالات مثلها مثل غيرها يضحكون على هالشعب المغفل المسكين ..! نصيحتي أترك الديد الليلي والصباحي وأرحم أذنك ومخباتك وصديقك ماينفعك طول الهذر وأياه ..!! الإتصالات مايحبون صاحب المكالمات الطويلة لكنهم يطلقون شعارات للسذج فقط ..!! وكل خمس دقايق وانت بخير ...! |
احم احم
رغم تحفضي على الافتراء لأنها مجربه وخصوصا المكالمات الدوليه وشف الهنود صافين سرى على جوال واحد بمكالمه وحده والي مجازت له الخدمه يروح لموبايلي او زين والله ان يرجع منكس على اقرونه كما رجع غيره |
والله الاتصالات مدري وشلون عايشة لليوم وواقفة على رجولها والا المفروض نرفع عليها قضايا سلب ونهب وغش وخداع للشعب المسكين
|
اقتباس:
وأيضا أشكرك على النصيحة القيمة ...! ومسألة ما ينفعني أو ينفعني أعتقد هذه حاجة راجعة لي صح ولا أنا غلطان (( عيوني )) وبعدين أنت ما عندك سالفة بالعكس الاتصالات يدورون الزبون راعي الهذرة الواجد !!؟ تحياتي .. وسلم لي عليك !؟ |
صح معلومتك أخوي ذد هذهـ الحركهـ صارت لي وكذالك لأحد أخواني أكثر من مرهـ ولكن مانقووول إلى الله يكوون بعوووننا وبعدين شركة الأتصالات ماشبعة من أكل المواطنين كل هذهـ السنين وباقي تتلهف على فلوس المسااكين بس شركة الأتصاالات شكلها تفتكر انا نستفيد من بحر النفط الي عايشين فوووقه هي ياشركة الأنفصلات ترين أغلب الشعب يصارع الفقر وقل المعيشه وأخر كلامي ترون هذهـ وجهة نظر فقط ..........؟
حياة أسهل مع شركة الأنفصالات السعودية |
اقتباس:
اولا انا قلت لك مأحد عضبك رح لموبايلي او زين وجرب مش حتخسر الا مجهود التردد اما عن وشلون عايشه انا اقولك الاتصالات يكفيها 10 ملايين مشترك من ال20 مليون الحاليين بعدين شف ارباحها للربع الثالث من العام علشان تعرف الاتصالات زين وبعدين شف كيف مدلعه موظفينها ياعمي او مو على مستواك هالهرج |
اقتباس:
(( احم احم )) شكل علاقاتك كثيرة بالهند !!!؟ لكن صدقني الموضوع مش أنا بس يلي يقول كذا ويشتكي تحياتي ... وسلم لي عليك |
موضوع مكرر
|
اقتباس:
اول شي وش فيك معصب علي ؟؟؟ ثاني شي من قال لك اني عندي الاتصالات ثالث شي انا ممكن اول واحد ترك الاتصالات بالقصيم قبل سنتين وشوية كل شويه اطيح من الجدار رافع جوالي للسماء ولابرج واحد خخخخ كانوا يضحكون علي يقولون اصبر خلك بالاتصالات لين تزين موبايلي قلت لهم والله لو أقعد عشر سنين بلا جوال ولا ارجع لهم رابعا الاتصالات مايكفيها البحر كيف يكفيها 10 مليون مغفل وغبي خامساً وش دخل المستوى والهرج بالموضوع اقول رح سدد لهم والا ابوك المدير |
اقتباس:
تحياتي ... وسلم لي عليك ! |
اقتباس:
صدقني مالك قبيل الطاسة ضايعة ... تحياتي ... وسلم لي عليك ! |
بالرغم من كثرة خربطتهم علينا إلا إني جربت الخدمه هذي وأعجبتني كثيرر مكالمة ساعة إلا 10 دقائق بس بقيمة 4 ريالات فقط هذا عن بطاقة الجوال سوا .. وأنا جربت بنفسي يعني ماقلت يقولون :) كل الشكر ... |
كذبة جديدة وهي : ضاعف سرعة إتصالك دي سي إل .. لمدة شهرين مجانا ..
علشان اذا خلصت الشهرين .. ياخذون فلوس السرعه المضافة لك .. لو يزود عن الشهرين يوم واحد..على فرض طلبت إلغاء السرعة المضاعفة والعودة إلى السرعه القديمة .. وإذا نسيت ترجعه بدأ مسلسل النهب لهم كم شهر .. |
هذه شركة الإختلاسات مو الإتصالات ..
لاحول ولاقوة إلا بالله .. نصب عيني عينكـ .. |
| الساعة الآن 07:43 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة