|
أختاري يابنت ياتتزوجي سكير نكير!! والا تقعدي عــانس؟!
[align=center]نقرأ ونشاهد الارقــام الخيالية و نسب العانسات في المملكة.. من وجهة نظري أن إرتفاع نسبة العوانس في السعودية يزداد مع كل لحظة تمّر ولا استبعد ان ترتفع تلك النسبة في كل عــام عن سابقه لــ20% إن استمرت الاحوال على ماهي عليه كما هو حالنا اليوم ..
الفتاة هي الخاسر الاول والاخير يمّر عليها الزمن وتتحول تدريجياً من فتاة تعيش عز شبابها إلى امرأة عانس.. قل أن يتقدم لها خاطب وإن تقدم لها فهو لان يكون ثالث اثنين: يا كبير سن بمعنى ( شايب ) والا من ذوي الاحتياجات الخاصة ( معاق )! سمعت قبل أشهر أن نسبة العوانس في السعودية تجاوزت المليونين عانس!! مثل هذا الرقم لا يُقبل وجداً مخيف..لأن نسبة تعداد سكان المملكة لا يحتمل مثل هذه الارقــام كــ نسبة وتناسب..فقد يكون اليوم وصل لــثلاثة ملايين عانس!! ( هذا فقد المُعلن ) في نظري ان السبب الرئيس في تواجد مثل هذه الإرقام من العوانس هو سعي الأب أو من ينوب عنه بولاية ( الفتاة ) ببحثه عن زوجاً يتصف ويتميز بمواصفات الكمال ..( جل ربي عن ذلك فهو سبحانه الكامل ) بينما لو نظرنا وفتشنا في إبنته ومستواها التعليمي والثقافي والجسدي او حتى الاقتصادي سنجدها تحت الصفر ..ومع أن تمتلك مواصفات سلبية وغير مقبولة نجد الأب رفض الكثير من المتقدمين .. وانا من هنا اسأل كل عانس أمن الافضل أن تُزفي لرجل تجاوز عمره الخمسين او معّدد ومعه ثلاث نساء او يسافر للخارج او حتى يشرب المسكرات أم تتركي عانس وتحلي ضيفه جديدة في عالم الارقــام لعوانس المملكة؟![/align] |
نرد ونقول البنت هي الخاسر الاكبر ..لو كنت مكان بنت وخفت أعنس بقبل مثل ماقلت اخوي على الاقل في شايب...
|
مهوب يا إما حرا وإلا برا ..
العدال زين .. |
صقيع يبيلك والله صقع مع راسك حتى تعرف تطرح مثل هالموضوع
انا اللي بسألك تبي تأخذ بنت تخونك ولا تجلس عانس عمرك اربعين خمسين . . . ؟! |
, بالمناسبة قبل أمس جلسة نقاش بالجامعة عن شبابنا الرائعين :) ثلاث أرباع الجالسات يقولون عادي نتزوج رجال كبارين ومعهم حريم أزين من نتزوج شبابنا ., لذلك أقولك غلطان السبب مو مثل ماقلت إن الولي يتشرط في الخاطب ., بل السبب إن البنات مايبنكم :D الشكوى لله اللي أنتم ماتبغون وهم أنتم سعوديين سعوديين هه ., دين وأخلاق ووظايف وجمال وملح وخفة دم وعقل وثقل عسى الله يحفظكم :b3: للأسف حاولت أقنعهن إن فيه شباب طيبين بس مره غاسلات إيديهن منكم يكرهنكم وبقوة لدرجة أنا صرت أدافع عنكم بالنسبة لهن :p ـــــــــــــــــــــــــــــــ اقتباس:
للمعلومية لست مع الزواج من كبير بس نصيحتي للي عادي عندهن ((اللي عادي عندهن بس)) إنهن يتزوجنهم ويخلن عنهن الشباب الطامح ., وبعدين لاتقعدون تحسبون كم عانس بالمملكة تأكدوا إن مقابل كل عانس شاب جالس ماتزوج قل لهم يتزوجون ولايصير عندنا عوانس ., والشين يخفف من طموحه ويخطب على قده مو يشطح ويروح لوحدة فوق مستواه الأخلاقي أو الإجتماعي أو التعليمي أو أو ...إلــخ أهذب تاهيه’ |
يعني وشلون تبي تحكم علي ياأني اوافق على ذا السكير او ابصير عانس طول عمري ؟ اولاً لا انت ولا غيرك تقدر تحكم على نصيب اي بنت ..وتجزم جزم قاطع انها بتضل عانس .. ثانياً مافيه بنت بالعالم ما تنخطب لو هي قبيحة .. ثالثاً شخصياً ارى ان الزواج اصبح امر تكميلي فقط وليس اساسي للبنت خصوصاً البنت المُستقلة مادياً .. رابعاً استحالة اتعايش مع سكير نكير لو ينتهون كل رجال الكون ومايتبقى الا هو .. هذي اجابتي على سؤالك اللي مدري كيف قايل .. هه :) |
انصح كل فتاة عاقل اذالم تجد الزوج الملائم
تتزوج الوظيفه التي تغنيها عنه وتستمد منها القوة للأسف بعض الرجال لايستحقون نعجه لكي يتزوجونها للأسف بعض الرجال كلاب لابسه ثياب والسلام ختام |
اقتباس:
--------------- ترقص طربا من هالرد |
اقتباس:
|
اقتباس:
اقتباس:
|
اقتباس:
مااقول الله يعدل حالك بكم صعقه كهربائية!![/align] |
اولا الله يستر علينا وعلى اعراضنا واعراض المسلمين
بس برأيي المتواضع اشوف ان المجتمع يثقف بناته من ناحية التعدد يعني ان البنت تتوقع انه يتقدم لها واحد متزوج قبل <<<<<< الله يرزقه بوحده بنت حلال ترضابه هههههههههه |
الاخ صاحب الموضو ع العنوسه مشكله بالمجتمع حالها حال البطاله والكل منها لابد لها من حلول وايجابتي على سؤالك له عدة جوانب وانا من هنا اسأل كل عانس أمن الافضل أن تُزفي لرجل تجاوز عمره الخمسين لالالالالالالالا اقبل لانه سوف انجب اطفال وسوف اواجه مشكلة تربيتهم لان الاب تجاوز عمر يساعدة على مواصلة التربيه اقتباس:
احيانا تنجح الفتاة بزواجها واحيانا تفشل وترجع مطلقه وهذا يقف على حسب عدل الرجل بين زوجاته لماذا اترك مصيري معلق بين هذا وذاك اقتباس:
هنا افضل العنوسه على هذا الرجل الذي لم يحترم حاله لكي يحترمني اقتباس:
طبعا الكثير من الاخوات التى لم يتزوجن لا يفضلن الرد على الموضوع لان العنوسه شبح يتمنين ان تنقشع وانا اقول ان الفتاة اذا تاخر زواجها لا يعني هذا انها من العوانس لكنها تنتظر نصيبها من الله اسال الله لك اخواتي بهذا المنتدى وغيره ان يرزقهن بالازواج الذي يحافظ عليها ويصونها |
بالعكس تجلس عانس ولا تطورط مع واحد سكير نكير تبلش فيه طول عمرها
بصراحه بعض الشباب ماخذين بنفسهم مقلب اذا كان يصلى او مايسكر مو مدمن خلاص صار كامل مكمل ونسى كل الاشياء الثانيه من اخلاق وغيرها الحياه اكبر من كذا مثل مافيه بنات ماتزوج مقابلها شباب مو لاقين وظايف وماتزوجو بعد |
سكير..!
وهل أصبح الرجل هوس لكل فتاة عازبه إلى هذا الحد..؟! الحمدلله كثير من الفتيات لديها عقل تحفظ به نفسها..وكرامتها تحيتي,,, |
| الساعة الآن 01:15 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة