|
ماحدث بيني وبين صديقتي في المسن
هذا حوار على صفحة المسن دار بيني وبين صديقتي عن العلاقات الغراميه [S]الغير شرعيه [/S]بين الفتيات والشباب ** * أنا : اذا صارت متزوجه وتدخل النت كثير وتصير ترللي من خلال ردودها وش ترجين منها صديقتي:الله يستر علينا ,, بس ولو اللي فيه ايمان جواتها صدقيني بيردعها ايمانها ,, هذانا احنا انا وياك ,, نقدر نسوي النون وما يعلمون ونفسد محد داري عنا ,, بس يارب لك الحمد ربي حافظنا انا:ايه حنا بنات مانعنا الخوف والحيا صديقتي:لا ياشيخه الحيا والخوف مامنعونا هالحين اقدر وبسهولة آخذ حدا ايميلات العيال واضيفه عندي بإيميل جديد ,, واطرطع معه لين اقول العيد الليله ومايدري منهي انا واقدر اكلمه ,, ياسهله الحين الوحده تشتري شريحه بدون اسم وتلعب لعب واتحدا احد ينتبه لها الا الله انا:انا عن نفسي مانعني الحيا والحيا لا يأتي الا بخير صديقتي:ياحليلك هه والا الايمان مامنعك ؟ انا:الحيا من الايمان من وين جا الحيا ؟ الا من الايمان صديقتي : فيه فرق ياريم بين الحياء والخوف من الله انا:احس يطابق لي ان اللي مانعني الحيا صديقتي:آهاا انا:يعني احسها سخافه مني اني اقول :: انا اقدر اسوي كل شي اكلم فلان وعلان بس اني اخاف من الله والا اقدر اسوي كل شي صديقتي:ليش سخافه ؟ انا:لأن الاصل اني مااقدر اسوي هالشيء من الاساس صديقتي:بصراحه بالحيلات مستغربه انا:ايه انا قلت ماراح تفهمني البنت كويس ماراح تفهمني زي ماانا اقصد صديقتي:هههههههه لا مو كذا بس كل انسان حر بوجهة نظره انا:الخوف من الله أكيد خصله موجوده فيني وفيني ... لكن اللي مانعي أكثر الحيا .. يعني لو ابعدت وهزمت خوفي من الله راح يمنعني حيائي من هالشيء ... مثلاً الحين انا اسمع اغاني .. يوسوس فيني ابليس ويخليني اسمع الاغاني غصب ..لكن بالنقطه هذي اقصد فيها المغازل حتى لو وسوس فيني ابليس وخلاني انسى خوفي من الله راح يمنعني شي ثاني اللي هو الحياء يعني مااقدر كلش صديقتي:طيب كيف تستحين ؟ يعني انتي لو بتكلمين او بتغازيلين ماراح يعرفك الولد ولا يدري انتي مين ؟ يعني من ايش تستحين ؟ انا:استحي من نفسي استحقرها صديقتي:آهاا فهمت عليك ,,انا شخصياً ما يمنعني الحيا ,, بالعكس اقدر اسوي بلاوي بالعيال واطرطع فيهم بس االلي يمنعني خوفي من ربي انتهت المحادثه ,,, |
الله يستر علينا وعليكم وعلى جميع المسلمين. وترى طق الحنك الزائد عن حـــــــده يوصل الى التيــــــــــــه احيانا..!! تحياتي وتقديري |
قبل كم يوم وصلت لي مسجات عددها لابأس بها
واعلم ان المرسل غلطان لانه كان يتحدث مع محبوبته او خطيبته ولكن طبعاً اخفق في الرقم لم اتمالك نفسي ان اتركه " يكب العشاء" امامي ارسلت له واخبرته انه غلطان بمسجاته وعليه الحذر ... الحذر مره اخرى لان دخل بخصوصياته معها عن طريقها لو... لو... انني فتاة ومريت بهذا الموقف امامي الفرصه ان اتلاعب بهذا الشاب واحوس مريره ولكن... التربيه... الإسلاميه التي تنشأ عليها اي فتاه نزيهه خلوقه وتمتلك الكثير من الصفات الحسنه التي تفرقها عن غيرها من بنات اللعب ب النار اتوقع.... التربيه التي تدخل فيها مخافة الله هي الرادع لكل فتاة التي عن طريقها تُلبسها درع محصن لمنعها بــ الإنخراط في بلاوي النت وغيرها |
اقتباس:
في كلتا الحالتين قد يكون أي قد يمنع إقامة العلاقات الحياء أو الخوف من الله ,,, |
كل الطرق تؤدي إلى مالطا
وكل الأتجاهين المتعاكسين يلتقون في نقطه واحده.. تحياتي أستاذه ريم |
ماأجمل ان يجتمع الحياء والخوف من الله!!!!!!!!!!!!!!!!!
فهذه قمة السعاده خاااااااااااااااااصة للفتاة |
اقتباس:
وهذه ضريبة بطاقات السوا الفتاه تظن هذه الاساليب لعبة وتسلية ليأتي اليوم الذي تسقط فيه وتتكسر بقاياها كالزجاج. برقــــــ |
شجون
كل مازادت وقوت هاتين الخصلتين في الإنسان كل ماابتعد عن فعل السيئات و المنكرات انهما صفتان لايتجزأن من بعضهما ! فالخوف من الله يبعث الحياء في النفوس |
يسلموو شجون على نقل المحادثه يمكن فيه جرئه بس مفيده
فعلا يوجد بنات لا يعرفن ضريبه العلاقه الغير مشروعه ولذلك يجب التثقيف قبل ان يقع الفاس فالراس فليس ساعة مندم وارجع واقوول ياليت كل البنات مثلك ياشجوون ثانكس |
ياحليلكم
نفس سوالفي مع صديقي في الماسن كان مامنعنا الخوف والحيا توارد خواطر |
شجون اتفق مع صديقتك .. ولا وجود للحياء مكان هناك !! |
حبيبتي شجون
رأيي من رأي صديقتك , لا احد ينكر ان الحياء شعبة من شعب الإيمان , لكن الحياء قد يتوارى مع الأيام أمّا رادع الخوف من الله فهوى أقوى واثبت واركز .. |
اقتباس:
|
شجون .. عن الخلوات يطول الحديث .. و نقف إلى حد قوّة الإيمان لدى الشخص .. فكلنا يعجز عن نفسه في خلوته .. إلا من كان إيمانه أقوى .. حفظكِ الله من عبث كل عابث .. تحيتي لكِ |
الله يستر علينا وعليكم وعلى جميع بنات المسلمين
|
| الساعة الآن 06:09 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة