|
كلية التربيه الادبيه و تلاعب كمون
[align=center]بسم الله الرحمن الرحيم
قبل اسبوعين ... بدا الطلاب والطالبات بالعوده الى مقاعد الدارسه واستبشرت الكليه الادبيه بالمبنى الجديد بعد الماساه السابقه تغيرت الكليه وتغير النظام الى ظام جامعة ومستويات وهاهو مطعم كمون ... ينتقل معنا للمبنى الجديد ... ذهبنا لزيارته فاذا بنا نرى لعب الاسعار الى الضعف بل ويزداد عنه اشتريت شيبس بريال ومن الغد اصبح بـ ريالين وهكذا الزياده .. الشوكولاته دبل دبل الاسعار الفطائر بـ 3 ريالات من يوفقه عند حده ؟ .. ذهبنا للمقابله العميده و الاقل اخبارها بالاحداث الخارجيه ومعرفه وجهة نظرها ووضع حد لهذه المهزله والزياده بدون رقيب لان الكليه السابقه حدث ماحدث من رفع الاسعار لكن العميده السابقه وضعت حد للمطعم وارتفاع اسعاره اتجهت لمبنى العماده واذا بي اسمع صرااااااخ يااااااااااااااااااااابنت وين رايحه خير خير خير وش عندك ماشاء الله داخله وبكل ثقه يلا برا اقولكم براااااااااااااااااااااااااااااااا انا وصديقاتي < عيون طايره - انا : شسالفه ؟ واذا بها احدى العاملات - هي : بعد بعد ماتدرين وش السالفه اقولك براااااااااااااااااااااااااااااا ممنوع دخول الطالبات مبنى العماده - انا : طيب كل الصراخ وقلة الادب عشان توصلين المعلومه ممنوع دخول الطالبات ؟ تقدرين تقولين اللي عندك بادب واسلوب ممنوع دخول الطالبات بدون صراخ - هي : وش اسوي فيكم خرجنا واذا بنا نقابل بعض بلا تعليقات فعلا موقف مضحك مبنى العماده ممنوع دخول الطالبات وحتى اللي جوا المبنى لايعرفون مايحدث بالخارج لم اجد حتى الان تفسير لاسلوب العامله بصراحه ولااسلوب ..... ولاالوم كمون او غيره بالتلاعب لانه كما قيل من امن العقوبه اساء الادب ... رائكم يهمني [/align] |
هكذا نحن طالبات جامعات ولانعامل كجامعيات ..
أما من ناحية إرتفاع فأقول أبشروا بالزيادة مع زيادة المكافئة .. |
اقتباس:
مع الاسف مازلنا نترنح تحت وطئة الجهل . الطالبة تنهي الدراسة الثانوية وتنتقل للجامعة وتعامل وكانها مازالت صغيره. ادارات الكليات والجامعيات النسائية لدينا مازلت تتعامل مع الطالبات بكل فوقية. حقيقة لانحتاج الا الى ادارة واعية تتحمل الامانة وترسم الهدف وتشارك المجتمع في البناء. مع المناداة باعطاء المرأة كامل حقوقها بدخول مجال العمل,الا اننا نرى انها في ضل هذه الاساليب المتاخرة لمن تتقلد المناصب, لم يحن بعد وقت عملها. لدينا قصص من الظلم والتعسف لدى ادارات الكليات ببريده منع كثير من الطالبات ابسط حقوقهن [/align] |
مرحبا عزيزتي باونتي
اي تعامل هذا ؟ معقولة الطالبات ممنوعات من الدخول للعماده ؟ اجل وش فايدة العماده ؟ او امر شكلاني فقط !!! بالنسبة للتلاعب بالاسعار يجب ان يُترك الموضوع بسلام ,, ونتمنى من ادارة الجامعه عمل اللازم تجاه التلاعبات وايقافها عند حد معيّن .. كان الله في عون الطالبات .. |
ايه ايام ياكلية التربية
اذكر يوم مطعم البحار يرفع الاسعار الله يذكرها بالخير فاطمة الرديني ملت من الكلام معهم اخر شي مسكتهم الباب هههههههه اما الحين كمون فالله يعينكم اذكر العام فيه اشيا معقوله واشيا نص ونص احسن حل شوفوا لكم بنات رابع انجليزي وخبروهن لان العميدة اكيد ادرس رابع انجليزي العام كانت درسنا يوم كنت برابع كنا نوصل لها الشكاوي والاشيا اللي تقهر اذكر من ضمنها الجوال وبعدها بدت تسمح فيه بالعربي تسمع للكلام لكن بأسلوب لبق ..ومايمنع تقولون لها عن تصرف العاملة معكم .. بذكر موقف .. مره بعد مانزل الجدول وماعجبنا لان مااحد شاورنا فيه بس بنات من نفسهن رتبنه ع مزاجهن وقالوا كل القاعه موافقه عليه رحنا بنقابل العميدة قالوا مشغوله كتبنا لها ورقة ولاسلموها لها بعد ماجت محاضرة العميدة قلنا لها انجنت واعرفت ان اوراق الشكاوي ماتوصل لها على طووول القمامه الله يكرمكم بعدها قالت اي شي تبونه لجت المحاضرة قولو لي وبأذن الله راح تحصلون نتيجة ماعليش كثرت الكلام وان شاالله تحصلي الفائدة دمتم.,. |
اقتباس:
هلا فيك المحبه فعلا لن تجد طالبات الجامعات الاحترام الا بعد الوظيفه والزياده خلي المكافاه تزيد وقتها نتكلم :) |
اقتباس:
فعلا نموذج من عدة نماذج مازلنا نتعرض ونتعرض للاهانات وقلة الادب في الكلام لكن مااستغربته هنا قلة الادب بمبنى العماده وممنوع دخول الطالبات لذلك اتخذت المنتدى مكانا لاتكلم فيه متمنيه ان يصل صوتي الى العميده |
اذا هي على الاكل والفطور تهون ..
شوفي اختي ... قلة الادب وين ماتروحين في الشؤووون في التصوير ومن المشرفات ..... وين مارحتي تعطينهم كلمه يردون عليك بعشر .. واذا على الفطور .. انا وصديقاتي من شفنا اسعارهممن العااااام .....>> واحنا صرنا نجيب من البيت لا زحمه ولايحزنون .. |
وانت الصادقه باونتي .. تلاعب بالاسعار ومعامله سيئه من بعض الموظفات اللي مايملكن ولا شهادة
ثانوي احيانا احس انهن حاقدات علينا لأن تعليمنا اعلى منهن الله ياخذهن اخذ عزيز مقتدر ويذلهن مثل ماذلنا وقهرنا.. قبل اسبوع رحت مع صديقتي لمبنى العماده وصارنا اللي صارلك سكرت "السكيورتيه" بتاعة العميده الباب بوجيهنا وصرخت علينا وهي تقول ممنوع دخول الطالبات .. قمة الذل والاهانه .. كل ماشكيت لابوي الحال قالي ان شالله يجي اليوم اللي تصيرين عميده وتحققين العدل بالكليه وتكلمين الطالبات وجه لوجه لا واسطات ولا حراسه خاصه .. ماقول الا عسى الله يسهل علينا امورنا ونتخرج من الكليه باسرع وقت مشكوره باونتي على طرح المشكله ... اتمنى انها توصل للعميده |
وانا اقول وراه فرحت هالعميدة بالمبنى الجديد اثاري الدعوة فيها مبنى لحالهـــــا.. عشتوا..
بس الغريب في الموضوع ليش العميدة السابقة ماوافقت تنقل له دام الدعوة حرية كامله في مبنى خاص ..؟!! ماقول غير عساهم للصــــــــــــــــــــــــاقعـــة.. ولو يروح احد لصاحب المطعم ويعطيه كم طراق تراوه بياخذ اجر المسيكينات.. اولاه لو اني ولـــــــــــــــــد ,,<<:( :( |
يــــأخواتي نريد حل لهذه المشكلة
ما نبغى كل حده تسرد قصة ظلم صارت لها ........لا وبعد تقف متفرجة ........مستسلمة...:36_1_3[1] ليش ما نسوي مقاطعة ..مظاهرة ..أي ردة فعل .. المجتمع السعودي مجتمع مسالم أومكبوت ما فيه حرية بس أعتقد الثانية هي الأقوى ....... :for6: هيا لرفع الشعار .......نحن ضد الإستغـــلال ...من أصغر شخص إلى أكبر شخص :a9: :x9::13[1]: |
اقتباس:
والله خوفي انه على قولتك امر شكلاني ادارة الجامعه ماراح تقصر << ماملهـ ان شاء الله :) |
اقتباس:
هلا والله فيك cool girl ايه البحار هه وهل ينسى كيف أُدب ... درس له ولكل من تجرأ العام الغلا معقول ولاتنسين الكوفي اللي فتح كاس النسكافيه بـ 12 ماء وملعقتين نساكفيه وسكر <<< نكتهـ المره هذي طولها صاحب المطعم الطمع ومايسوي ... المشكله فرصته لان سمعة المطعم اساسها الكليه فام دبل الاسعار وبيتكسب اضعاف الطبيعي على حساب البنيات حلو يعني تقولون لها وتتقبل بس دامها تتفاعل مو تطنش والا ماتتقبل ان شاء الله بنكلمها لما نبدا المحاضرات جد اما الاسلوب المحترم جداً هانت بنتخرج ان شاء الله ونترك لهم الكليه اما اوراق الشكاوي اللي تروح ع الفاضي ياربي شي غير معقووووووووول الحاشيه اذا ماكان عندهم امانه خلاص تخرب البطانه الله يصلح الاحوال يابنت الحلال مو على الكافتيرا وبس مو الهدف انه ينزل الاسعار وبس ننقل فطورنا معنا والله لايحيجنا له لكن حركات النص كم ياكـــمــــــون مالها داعي ابد ياليت يكون فيه شويه امانه واخلاص واداره جامعتنا ماراح تقصر باذن الله بتجبرهم يبعون مثل السوق مو لعب اطفال |
طالما ان البنات كلهم متظررت من هالمشكله ورا ماتقدمن يابنات المنتدى خطاب على وزير التعليم العالي وان مانفع على ديوان المظالم تسان انتن صادزات
اكيد يرجع الحق |
فعلاًمطعم كمون رافع الاسعار بشكل خيالي
والعميدة ماتدري عن شي ولاراح تدري عن شي وهي صاكة على روحها بمبنى العمادة وممنوع دخول الطالبات عليها نهائياً ولا روحو للكلية وشوفوا الفوضى والتسيب من الطالبات في اللبس سواء القصير أو العاري وكذلك جوال الكاميرا منتشر بشكل خيالي سواء مع الطالبات او الموظفات لاكن ماقوال الله يرحم زمان فاطمة الرديني |
| الساعة الآن 03:08 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة