|
يوميات بنت عجازه
&& البنت منسدحه بالصاله قدام التلفزيون&&
ساره& ميري جيبي ماء ميري&تفدل ساره ساره&ميري جيبي نسكافيه ميري&تفدل ساره(بقلبه تقول عساتس للمر) ساره&ميري سوي ساندوتش ميري بشويش (ايش هادا كله ميري ميري بنات مافيه سوي شي اكل اكل نوم نوم ياربي متى روه فلبين) ام ساره&ابو ساره وش السواة اليوم اتصلت علي ام خالد تخطب ساره ابوساره&الله يبشرتس بالخير خالد رجال يستاهل وكل بنت تمناه ام ساره&ادري يابوساره البلى مهوب بالولد البلى بنتك اللي ماتعرف كوعه من بوعه ابوساره& لايابنت الحلال بنات هالوقت متعلمات يعرفن كل شي لاتخافين عليه ام ساره&يابن الحلال مهوب هذا قصدي انااقصد انه ماتعرف اتصلح ولا الشاهي!!! ابي تفاعل وردود من الاعضاء وش رايكم برفالة بناة هالوقت واذا قلنا لهن شي قالن اذا انخطبنا تعلمنا الطبخ والنفخ يحسبن تعليم الطبخ بيوم وليله !! وانتم ياشباب عادي تاخذون بنات ماتعلمن من شغل البيت الاقليل وتصبرون عليهن لين يتعلمن بكم وباهلكم عطونا آرائكم بالموضوع |
مشكله كبيره
ويجب انه يكون بمعلومه اي بنت انه اذا ماتعرف تطبخ وتعمل وتسوي ترى اي رجال بيرفضه ولو تحمله فتره وجاب شغاله ( خدامه ) يظل الرجل يدورعلى وحده توكله من ادينه والرجال يحترم المره اللي تعلم له كل شي بنفسه ويحبه ويخاف عليه .لكن اللي كسلانه ولا ترعف شي هذي حده اسبوع او اسبوعين زواج بعدين طلاق وبعدها بتكون مطلقه ببيت اهله وياعين لاتحزني ونا كزوج عن نفسي اكره اي بنت ماتعرف تعمل اي شي حتى لو تذكر بمكان احس بقهر ونفسي اعطيه كم كف :) وبس |
مو حق أنا عن نفسي كنت أطبخ من إلى يعني كل ما تتصور وأطبخ حتى الذبيحه .. والشعبيات والحلى والسلطات ، لكن أهل طليقي بناتهن ما يعرفن شيء ، في الحقيقة صاروا يتمسخروا علي ، ولما يجو واترك السفرة بوفيه من الطبخات يكشروا في وجهي تقول مسويه جريمه.. ولما اشتغل يتخانقوا وياي اتركي فلانه تشتغل اللي هي الخدامه ولما أريد صلح لو عصير لا ما يرضوا اتركي الخدامه .. المهم الناس تحضروا وصار الطبخ موضه قديمه .. وأول الشهور إلزامي نتعشى برا .. وانا طفشت من أكل المطاعم لكن نوع من البرستيج عندهم .. ابد تزوجوا ولا تخافون شر
|
اقتباس:
يالله ..والله انتي بنت نشمية وظفرة.......سبحان الله....... اسال الله ان يرزقك الزوج الصالح الذي يسعدك ويعينك على امور دينك ودنياك |
الغاااالب البنت ماتعرف واللوم مو عليها بس على اهلها كيف ماعلموهاااااا لو شي بسيط تدبر فيه امورها
بس بيني وبينك الحيااااااااااااة بتمشي وبتتعلم ان شاءلله انا تزوجت وانا مااعرف شي والحمداللة تعلمت ومشت الامور اعرفلك وحدة ماعمرهااااااااااااااااااااااا دخلت المطبخ بدون مبالغة المهم تزوجت واول مرة بتصلح الغداء لزوجها حطت اللحمة بالقدر طبعا مع الموية وع النار بعد شوي رجعت وتفاجات دقت على امهاااااااا مستغربة تقوووووووووول يمة كبرت اللحمة خخخخخخخخخخخخخخخخ |
لكل زمن دولة ورجال
تغير الزمن اذا كانت بنات هالوقت ينقصهن الكثير من ابجديات العلاقة الزوجية بكل مافيها ايضا شباب هالوقت غير شباب الماضي يقبل بانصاف الحلول يعني متوافقين الله يوفقهم ويكثر المطاعم ويعز التميز |
8 أوافقكِ الرأي أختي .. فعلا زمان أول غير زمان الحين ..زمن الحمايل وزمن خالتي قماشة ولى وأدبر .. والله ماضرني قبل ما غير اتسدح ببيتنا لا شغله ولا مشغله كل همنا الجامعه واللبس والموضه وايش اخر قصة شعر وأخر صبغة ..:) <يازين الفراغ والراحة النفسيه هه والحين في بيتي ولا عندي شغاله وماشيه أموري عال العال .. أساساً البنت أول ماتنخطب لازم يكون عندها استعداد نفسي لتحمل مسئوليات البيت من مجاميعه .. وأن ولد الناس مو مثل أهلها بيريحها ويجيب لها اللي تخدمها .. لازم تعرف ان الزواج بداية للمسئوليات .. واللي ماتعرف تبي تكفخها الحياة لحد ماتتعلم .. |
ولو تحمله فتره وجاب شغاله ( خدامه ) يظل الرجل يدورعلى وحده توكله من ادينه
ــــــــــــــــــــــــــــــــــــــــــــــــــ ــــــــــــــــــــــــ اخوالاسد والله صدقت تسلم على المرور engel عزيزتي بعض الحريم اكيد يغارون من الذرابه والسنع <حريهن بس وخليتس ذربه> ضامي القصيم -اشكرك على المرور <بس بيني وبينك الحيااااااااااااة بتمشي وبتتعلم ان شاءلله >اكيد بتتعلم بس بعد مايطيح وجهه من كثر الغلطات ويروح نص الراتب على التجارب >اسعدني مرورك اخت فصفصه احاول <اتفقنا> انفاس الليل <هذا اذا كانت البنت عنده بدايات وخلفيه عن الاشياء لكن العجز مايخليه تسوي شي بس اذا كانت ماتعرف تسوي شاهي هذي من وين ابدا اعلمه <الله يرحم ايام كانت فيها البنت عمره اثنعش سنه تحلب البقره> |
مشكلة هذه البنت ليست بأنها ماتعرف تطبخ..!
فكلنا كنا مانعرف والآن..نعرف القديم والجديد الحمدلله مشكلتها بالعجز والعجز ماله حل :) لأنه يعتمد على التربيه منذ الصغر..وربما وراثه :) تحيتي,,, |
والله ياهي مشووار اقعد اطبخ
الصراحـه تبي له اذا طق الباب ذيك الساعه تعلمت اما الحين بتبطح واجمع طاقات عشان اطلعهن عند زوجي المستقبلي هـع |
8 8 8 خوذي من هالنمونه والله يعين ساره وطقته انا مستحيل اخذ وحده ماتعرف تطبخ مير بنات هالوقت والله بعضهن يعرفن كل شي وبعضهن ماتعرف تزين بيض مسلوق |
اقتباس:
يعني يا نعنس ؟ يا نتطلق ! يا نموت !! |
8
8 تبغين الصراحه أي :D أجل ليش دافع مهر عشان أنا أطبخ :D آورفوآر ,, |
طبعا الطبخ في المنزل موضه قديمه
الحين طباخ ولا من الطعم (طبعا الرد في غير مكانه لاني لدى سبع مطاعم عائليه ) الصحيح ان تكون البنت على علم من اكثر واشهر الاكلات المنزليه عند زواجها. لان الزوج رازم يني شيء من ايدين زوجته اقل شيء ان يتغزل فيها موكل ماجا وقت وجبه ولا الخدامه الى عامله الغداء او العشاء او القهوه بعد راح يطفش وفي النهايه الطلااااااااااااااااااااااق لاتحزني ياعين كما يقول المثل العربي(يداك اوكتا وفوك نفخ) |
ياسهل الطلاق عندكم ! |
| الساعة الآن 11:46 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة