قصيدة أعجبتني بعنوان : تذكر صاحبك
 

تذكر صاحبك

يجي من أخــر الدنيا.. صدى صوتٍ خفي مكـبـوتي
صيح يقـول: وين الحب .. ومثلك خانقٍ صــــوته
*****
و لكن صـــوته الخافت.. بلا وصل القلوب بـيــوت
تطيح ابيـوت هالدنـيـا.. وهـو ما طـاحـــت بـيــوته
*****
تذكـــر صاحبك ورجع .. تقـرب لـه ولو بالصــوت
حـــرام تضحك الدنــيا .. عـلـيـه وتطلب سـكـــوته
*****
على أخــر نفس واقــف .. تجي وإلاّ يجيه المــوت
وأشوف الموت أحرص منك .. وشوفك تبي مـوته
*****
وخاف أنك بعــد مــوته .. تحـن وتفـتح التــابــوت
وخاف من القـهـر يقفل .. بوجهك .. باب تــابـوته
*****
تبكي والـنـدم قـاتـل .. ما عـاد يفــيد فــات الفــوت
تبي تفســير لحــروفٍ .. على التــابوت مـنـحــوتة
*****
ظـروفٍ خطها بيده .. قبل كـشفه وقبل ما يـمــوت
لحـــن غـامـض لمعــزوفة .. يـتـيتمه مالها نـــوته

**********************************

وسلامتكم

..المشراق
 

حلوه منك يا المشراق...

بس ما قلت مين الي كتبها...؟؟؟

واتمنى نشوف المزيد منك ..



........وشكرا

بسم الله الرحمن الرحيم
 

أخوي العزيز ----- المشراق :-
قصيدة رائعه وجميله --- أتمنى الا تكون الأخيره -- وتقبل تحياتي .