|
عرسان آخر زمن
[align=center]من دون مقدمات كالعادة:cool:
ملاحظه ان شروط الزواج تغيرت عن قبل... انتم يالعرسان صايرين تتشرطون وتحطون مواصفات تعجيزية مدري هو زايد زينكم ولا وش الموضوع؟؟؟ الحكايه ومافيها انه وبحكم ملاحظتي الشديدة جدا والربط بين بعض الامور ونتيجة للبحث عن عروسة لاخوي من فترة طويلة وكاننا نبحث عن ابرة في كوم من القش اكتشفنا ان المشكلة مو في البنات ... المشكله في اخوي والكثير من الشباب( البعض منهم) لايجيني واحد مطفي ويقول لاتعممين:a16[1]: اكتشفنا ان الشروط صايره تعجيزيه جدا وشبه مستحيله.... يعني اول الشاب كان يقول ابي وحدة تكون مؤدبه ومحترمه وزينه واهم شي دينها وعائلتها بعد فترة صرنا نسمع الشاب يقول ابي تكون مؤدبة ومحترمه وجميلة جدا وموظفه وركزوا زين على كلمة موظفه:20[2]: الحين صايره اسمع ان الشاب يبي وحدة ووجها مثل وجه هيفاء وهبي وجسمها مثل جسم اليسا واناقتها مثل اناقة امل العوضي وصوتها نااااااااعم ويبيها تكون ستايل وتفهم بكل شي وتكون راعية بيت وطبخ وماتحب الاسواق والفرفره فيها وموظفه :11[1]: وش ذا ؟؟ ليه ماعاد فيه قناعه زي قبل؟؟؟؟ من الشاب او البنت... كل واحد يبي شريك حياته مفصل على ذوقه !!! وكأنه فستان !!! تركوا الاشياء المهمه وركزوا على توافه ماتقدم ولاتأخر في الحياة الزوجية هل هو تاثير الانفتاح الاعلامي الي احنا فيه ولا فيه اسباب اخرى؟؟؟[/align] |
مرحبا عزيزتي ملاكه انتي
اعتقد ان البعض منهم يظن ان الحياة الزوجية وسعادتها تكمن في الشكل الخارجي او المظهر فقط ويعتقد انّه هو ملاك مطهّر ومن حقّة ان تصنع له حورية !! خصوصاً اذا دقّت ام الخاطب وبكل بجاحه قالت ولدي يبغاها ممتلئه لا سمينه ولا نحيفه ويبغاها طويله ويبغاها ...و .. و .. الخ ... حشا والله خوش معرس !! اللي هذي اولها وش تاليتها ! اشياء لا تعقل! اغدينا نفصّل لكم عرايس على مزاجكم احسن ؟ |
اعلمي ان من يتشرط هو من يرزق بزوجة لاتحمل المواصفات التي يريدها
ومن يكون قنوعاً رزقه الله على نيته الصافيه |
يعطيتس العافيه اوخيتي على الطرح
|
لو العرس رخيص مثل أول ما تشرطوا الشباب ..
لكن اللحين يجيب ما وراه ودونه ... علشان يخطب البنت المحترمة .. وما تبونه يتشرط ...:) |
السلام عليكم
بصراحه على قد المهر ..الواحد يمد شروطه مثلها مثل السياره كل ما تدفع أكثر تحصل على مزايا أكثر.... وهنا تحتلف الشروط من عروسه مكيفه .وفل كامل ..حسب الشروط ...وعروسه عاديه..وكله حسب المهر لو مهرها عشرين ألف ..فلا نريدها إلا صاحبة خلق ..والطمع ماهو زين بهذه الحاله ولو المهر فوق الاربعين ..فلازم تصير صاحبة خلق ولا نشترط أن يكون فيها أربعين صفه مزيونه..يكفي لو حصلنا على النصف ولو المهر فوق السبعين ..فلازم تصير مزيونه وخلوقه وموظفه ووالدها لا يقل منصبه عن مدير مالي ولو المهر مائه ألف ..بصراحه لازم طولها يصير بالسنتميتر ..والعرض يحسب بالمليمتر ..والشعر لا يقل طوله عن متر ونصف. والعيون لازم لونها عسلي وفيه بني شفاف..وبياض العين يكون منسق شوي..والأسنان تصير مرصوصه مثل الحرس الجمهوري أثناء تأدية السلام الوطني والوزن ما يزيد وزنها عن 47 كيلو ولو زاد نصف كيلو ينخصم من المهر. أما لو زاد المهر فوق المائه ..فمن حقه يتشرط أن تكون كل عين لون والأنوثه فيها تفوح الى أبعد من سته كيلو هذه وجهة نظري وسلامتكم . |
والله شئ يدعو للضحكـ
الشباب يتشرطون .. والبنات تتشرط .. وأهل البنت يتشرطون مواصفات خاصة بالمعرس .. وأهل المعرس يتشرطون مواصفات خاصة بالعروس .. وكلنّ شاقي .. وخير مالهم ( النصيب ) .. ياما شباب تشرطوا .. وتعبوا وخير مالهم طاحوا على روسهم ..:( وياما بنات ردّوا خطّاب وتشرطوا مواصفات خاصة وخير مالهن طاحن بأردى الناس :( بنت الفلان مكتوبة لكـ طرت وإلا وقّعت .. وولد الفلان هو زوجكـ طرتي وإلا وقعتي .. يعني إعقلها وتوكّل .. وماراح تاخذ غير نصيبك .. إدع الله بالبركة والتوفيق والصلاح للشريكـ أيـّـاً كان .. والله أبركـ لك وأهدى لبالك سلام |
اقتباس:
سبقه أبتعاد عن منهج الإسلام في البحث عن زوجه .., ؟!!! ( فأظفر بذات الدين تربت يداك ) تحياتي .,’ |
[align=right]
التماس من مشاركة العريف اقتباس:
خابرها من يومها صغيره .. عفشه عاد يقولون تغيرت يوم كبرت .. وانا شايلها من بالي نهائي !! والحين انا ( عنست ) .. والشيب بدأ يسرقني شبابي !! ولا موجود في الصوره الا هالمنحوسه .. حتى ماخطبها احد .. تقول ( تنتظرني ) يدغدغني احساس ( مرعب ) اني مانيب ماخذ الا هي !! نرجع للموضوع ونلتمس من ملاكه انا اقتباس:
ابي وحده مثل سعاد حسني !! هاتي مثلها .. ولك دعوه .. واكرميه !! [/align] |
قلبي يحب الزين ... والزين ما جاني !
88888 لو اني رجل .. قلت زيك.. يا زينها ودلعها وهـ بس ,, http://aljsad.net/images/smilies/ehzoja.gif يا عزيزتي ملاكة.. خلي الرياجيل تتشرط ع كيف كيفها.. هم حيلائو كل حاقة تمام بالتمام؟ بعدين والله معاهم حق.. إما تجي بنتٍ تقول للقمر قم .:. وإلا بلاش من الهوى والعذارى عموماً : مثل ما أنا اتشرط بزوج المستقبل.. يعني معقولة اتزوج واحد مو حلو؟http://aljsad.net/images/smilies/A.gif.. او اسمر داكن؟.. او شواربه كثيفة وطوااال؟ او عيونه صغاااار؟؟ او غشيم؟ او خكري؟ او شعره خشن؟.. او تفكيره سطحي؟ أو لسانه مو نظيف؟ أو ثقيل دم؟ أو كثير الهرج؟ أو شخصيته تبعية..؟ أو فقير؟.. او عربجي؟ أو مو انيق؟.. او مو رومنسي؟او مو مثقف؟ أو مو طيب الرائحة؟.. و و و وعدي واغلطي http://aljsad.net/images/smilies/smiley_hitler.gif يعني أنا مجنونة ما اوافق على واحد يشبه براد بت أو سعود الدوسري؟ http://aljsad.net/images/smilies/girl_impossible.gif أو ابوشهاااااااب .. عشان اخاف منه http://www.hyatuha.com/vb/images/smi...milies/409.gif,الله وش حلاة الحب مع الخوف->> لبنة مع زعتر |
مياسة ..
اقتباس:
هالسطرين أعلاه .. شكلك ماشفتيهم .. :) أو كعآدة بنت حواء تشطح في أحلامها عالياً .. :) أجل براد بنت .. لا مهند أقرب .. طيب أنتي لميس ؟ بعدين وش جاب براد بت لسعود الدوسري ؟؟ قبل العاير : بصراحة إستغربت هالمشاركة من مياسة .. |
اقتباس:
معقولة صرتوا عميان...؟ وانحصر الجمال بس على لميس ...؟ اجل وين راحت مرح جبر؟ و سوشميتا؟ .. و و يا أخي راح نتمنى ونتشرط:a4: .. انت بس تخيل انك جالس في ستاربكس.. حط رجل ع رجل وتشهوى.. وبيجيك الطلب حالاً.. بن توفي أوموكا ,,, انت مو عارف ان الزواج اسهل ما خلق ربي..؟:confused: اللي يجمع بين براد بيت وسعود الدوسري الجمال... والسحر الحلال يوم ذوقي اوربي, ويوم خليجي, عاد وش اسوي بذوقي.. كذا خلقني ربي, ما اخترته انا؟ بعد العاير: اخي العريف تمنيت تستنبط رأيي الحقيقي من خلال ردي الساخر...!بناء على نظرتك لشخصيتي حتى لا تستغرب ذلك مني,, وشكراً .. |
ابي واحد يشبة ملحم زين ولا وائل كفورى
كيفى بتمنى انتم شعليكم حتى الامانى حرام استغفر الله |
بس لو الخط اكبر من كذا شوي <<< انواع البراءه
معقوله شروط كذا لالا ما الظاهر اكيد به مبالغه شوي |
عادي جداً ..كل واحد من حقه يحلم
البنت من حقها أن تحلم بواحد شبه سيد زيان أو محمود المليجي أو غيره والراجل من حقه يحلم بواحده غماره أو غمارتين ...أصلا كلها في الهواء سوى ..مجرد أضغاث أحلام وحين يأتي الواقع تأتي الرياح بما لا تشتهي السفن.. |
| الساعة الآن 10:47 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة