بنات طمنوني ترا ضايقة فيني الوسيعه
 

السلام عليكم ورحمه الله وبركاته

بنات ما لي الا الله ثم انتم ادق على طبيبات الاطفال اللي اعرف محد يرد تكفون سادعدوني "بنتي عمرة سنه وسبع شهور وطالع فيه شيبه صغيرة في الوسط بشعرة ... وهي بنتي طبيعيه مافيها شي وطيبه ولا كد تعرضت لشي هل ظهور الشيب دليل على شي انقذوني من الحاله اللي انا فيها قسم خايفة عليها ..

لا تتاخرون علي عساكم ما تشوفون الشر بالليلة الفضيله ويوفقك كل من يرد علي يارب والمسلمين


تحياتي

ظهورالشيب يعني نقص بأحد الفيتامينات أو نقص إفراز صبغة الميلانين

أو خلل بالغده الدرقيه

فيه أكثر من سبب أعرفهم لكن لازم ماتهملين حالتها !

من جدك جايه تستشيرين هنا حبيبتي ؟

لازم طبيب يعمل لها فحوصات وتحاليل ويشخّص حالتها


ربي يحفظها ويلبسها العافيه والصحة يارب ويفرحك فيها وبصحتها

مرحبا اختي الكريمة00

ممكن يكون كما قالت الأخت لينا 00

لكن الأمر يحتاج الى العرض على متخصص لمعرفة الاسباب الحقيقية وتدارك الامر0

تمنياتي لها بالشفاء0

أعتقد الأمر عادي وليس بخطير .., وأسهل مما تتصورين .,
وفي إستشارة المختص الخبر اليقين وحتى لا يوسوس لكِ الشيطان .,


الله يحفظ لكِ بنتك ويرعاها ويخليها لكم وينبتها نباتاً حسن ..., آمين . اللهم صل على محمد .



تحياتي .,’

أبد سليمه ميه الميه .. طبيعي إذا شعره وحده .. وسوي فحوصات احتياط على سعه ولا تهولين الأمر

وسعي صدرك الامر عادي

ولكن اعرضيها على مختص ليطمئن قلبك

مشكورررررررررررررين ما قصرتو والله من جد ما قصرتو " ابوها واهلة يطلع فيهم شيب بدري " يمكن مأثر وانا معطيتها اول الشهور فتامين ما عليها ناقص فتامين ابشوف حليبها انشاء الله اغيرةوان زاد عرضتها على طبيب وان ما زاد اكيد شي طبيعي وش رايكم ...

مشكورين الله يوفق الجميع وينولهم ما ببالهم ويفرج هم كل مهموم

السلام عليكم


اسعد الله صباحك ومسائك

الشيب المبكر هو حالة التي يتغير فيها لون الشعر قبل سن الثلاثين ويعودالشيب المبكر للعديد من الاسباب ومن اهمها:

_ بعض الامراض المناعية .
_اختلال في الغدة الدرقية وخصوصا المصاحب زيادة كبيرة في نشاط الغدة.
_ الانيميا الحادة .
_الضغط العصبي الشديد وسؤ الحالة النفسية .
_بعض امراض القلب والاوعية الدموية مثل الذبحة الصدرية .
_بعض الامراض الوراثية .
_بعض المراض يصاحبها شيب مبكر ويمكن حدوثه في مرحلة الطفولة او الشباب .
وشيب الشعر وتحول لونه الى اللون الابيض عملية فسيولوجية مصاحبة للتقدم في العمر حيث نجد ان لون الشعرقدتغير تدريجيا من اللون الطبيعي الى اللون الرمادي حتى اللون الابيض ويصاحب لون الشعر فقدان ايضا في نشاط انزيم النزوينيز الموجودة في الشعرة وغالبا ما تظهر الشعيرات البيضاء على جانبي الرأس وتزداد بتقدم العمر . ويختلف بدء ظهور الشيب في الرأس من بلد الى اخر كما انه يختلف لدى النساء عن الرجال .





تحياتي

اسال الله الشفاء لبنتك ........قد يكون نقص بعض الفيتامينات ...او خلل في احد هرمونات الجسم ...راجعي طبيب مختص ...والامر ان شاء الله بسيط جدا

شفاء الله ابنتك....دمتي بخير

لا داعي للقلق
 

بسم الله الرحمن الرحيم




أختي الغالية لا داعي للقلق فربما كما قال البعض ((( وراثة )))

وربما أي آخر وبعدين لا داعي للقلق ما دام هي شعره كما تقولين وإذا زاد الموضوع وكثر الشيب

ممكن في هذه الحالة تزوري الطبيب وطمنك الله على عافيتها .