|
ياهووو ياناس لا تلعبون عليّ صرت من الأطرش بالزفة
ياهلا ويا غلا بكم
أبدش بالموضوع دووغري وهذا أول مرة أكتب موضوع رياضي أخيّكم إذا جلس مع خوياوه يتكلمون بالكورة والتشجيع، ولا تحسبوني أدربي الدمييجة لالا أعرف الأندية وألوانهن، وفيني ميزة كل يوم فايز وكل يوم معزوووم حتى واحد يقول أنت فيك خلل نفسي :confused: ما لك رأي كل يوم لك فريق هذ واحد والثاني ما له خلقي لأني أدري وش هو يشجع همن أغثه هذا إذا صار فيه مباراة لفريقة اشجع الفريق الثاني وإذا ضاعت هجمة أقول يا خسارة وأحلت ألي بيدي همن تأتش معه :15[2]: يعني حق اللعانة طبعاً أكثر الوقت لاهي بهالابتوب وهو يتابع وأقوله كم النتيجة ومن بينه أسأله أربعين مرة وأخرتها صكن بالكاس :8[1]: قال أنت تنطم وتنثبر ولا تغثن إنزلع هناك أنت ولابتبّك :for1: المهم قررت إني أشجع بصراحة بصراحة لا تزعلون مني قالوا لي شجع تعاون شجع رايد قلت لهم استحوا على أرواحكم لو أباريهم أنا وأبو صاح وأبو فهد صكينا بهم 10 وبتلوا يقنعونن كلن يجرن من جهه وجاء واحد ومسكن ع انفراد بصراحة خفت وشكيت :ash: قلت شكله شايفن عليّ شي شين قال شوري عليك شجع هلال وواحد أرسلي رسالة تحلف إن يدعوا واحد للاسلام من حرصه قال شجع نصر ما تعرف ماجد تراه من النصر طالع ووووووو المهم قلت بنفسي إيه هين خابرن بالمنتدى قسم رياضي أشاورهم لاسيما إني يوم كنت رئيس مجلس الأعضاء الاستشاري كانت تجي مليون شكوى ومواضيع تحذف وتنقل وهذا يناقر هذا وهذا زعلن من هذا يعني خابركم ما تقصرون وعندكم خبرة وكلن وده يفزع لي وينصحن المهم عطوني رايكم وش أشجع بصراحة مليت أقعد مثل الأطرشش بالزفة بعض المرات يفصل النت وإذا فصل مو معقولة أدربيها لازم أشارك إن استهبلت حلتوا الكيسان عليّ عطوني رايكم وش أشجع يعني المباريات ما استفدت منها إلا بشيين الأول إذا جيت أمشي للرياض يوم الجمعة وفيه مباراة يصير الخط فاضي أنواع الوناسة والثاني دايم معزوم ولا فيه عداوات لي لأني يوم مع هذا ويوم مع هذا يعي أبو وجهين عطوني رايكم وش أشجع مو معقولة بنات بالمنتدى يعرفن أحسن مني باتسر إذا جيت أخطب قالوا أهل البنت ما حنا مجوزينك ما تعرف الكورة واللاعبين وانا رجال ودي أعرس ولا ينفعبها كذب إذا سألتن البنت قالت وش تشجع أقول ما أدري أو إذا سألتن اللاعب الفلاني مع أي نادي ولا إذا قالت رح اشر لي شال أو فنيلة أو شي أجيب حقت نادي ثاني دبرون تراي بأزمة وهذا ألي خايفن منه أقل شيء لين أخطب وبعدها لها حلال يله عطون رايكم |
ياهلا والله ومسهلا بالغالي جبل عمر .. نورت القسم الرياضي .. هو حل من اثنين وبما انك طلبت الفزعه فحنا قدها ان شاء الله .. اكيد انت تبي تبسط نفسك بالتشجيع لأنه مافيه احد ناقص حزن .. لذلك عليك بتشجيع زعيم الكره الاسيويه (نادي الهلال السعودي ) .. اما اذا تبي تجيب لنفسك القلق والحزن والصبر بنفس الوقت شجع نادي النــ ... واذا تبي الفن واللعب على اصوله تابع فريق الشباب لأنه هو الفريق القادم بقوه في دوري المحترفين .. واذا تبي نصيحتي وراحه النفس والبال لاتدور غير الزعيم الهلالي .. |
نصيحتي فك عمرك
وشجع النادي الادبي اريح لك http://smiles.fahrs.com//data/35/SuN026.gif |
...آأحمـ ..
منوووور يآآآجبل.. انـآآآ اقووولك الرأأأي السديييد ..:D شجـع ليفرربول ولآآ مانشستر ولآآ اي شي من حقينهمـ :D واذا قالو لك لآآآ نقصد المحليهـ... قل مستوآآآي آآأكبر منهآ<<< هع :D و الله ولي التوفيق :p |
ياهلابكـ اخوي
والله انصحك انك تبتل على دباشك وتريح ملائكك وش تبي بالغثى وان كنت مصمم فالهلال هو ان شاء الله اللي بيسعدكـ |
المهم عطوني رايكم وش أشجع
>>>>>>>> اذا انت من النوع اللي يصبر كثير ويتحمل الخساير شجع النصر و اذا انت تحب الفن واللعب الممتع شجع الشباب و اذا انت ودك تصير دايم مستانس و مبسوط شجع الهلال ... ___________ الأخ ابو قش عارف ان تعليقي قريب من تعليقك , لكن هذا اللي جا في بالي بعد قرائة الموضوع على طول . اعذب تحيه للكل . |
اقتباس:
هذا الكلام المقتبس .... ......... والله .... , وعلى أهل البنت اللي يبي يزوجونك ......... البنات اللي يبي يعرسن يسألن هل الزوج ( حافظ للقرآن , أو هل هو إمام مسجد , أو أقل حاجة هل هو مستقيم ؟؟!! ) وإذا كان الزوج غير ذلك فلا يرضين بها زوجاً .. مهب يسأل اللاعب فلان من أي نادي .. ومن .... !!! جبل عمر.. كنت أتمنى أن فكرك أرقى من كذا بكثير .! |
اقترح عليك شجع رايد >>>> يبي يجيب له الضغط هع هع هع هع هع
|
كل موسم تابع فريق وبعد ماتتابعهم كلهم بعد 12 سنه اختار الفريق اللي تحس انه قادر على اسعادك وتحس انه هو ضالتك .
|
نصيحتي لك
شجع تعاون و هلال وراسك مرفوع للسماء |
بصراحه
شجع النادي الملكي شجع برازيل القصيم شجع التعاون |
إن كان تبي الراحه والفوز والفرح
عليك بأثنين الهلال .... والتعاون وإن كنت تريد نتائج تاريخيه فعليك باالرائد و... النصر |
الصراحة جميع فرق الوطن تفشل
إذا لعبوا مع فرق خارجية خرجوا من أول مبارة اقترح عليك نادي على مستوى يبرد كبدك إذا لعب يعني نادي اوربي ( مانشرستي أو ليفربول أو برشلونه أو النادي الملكي ليفربول اما انديتنا ما عندك أحد احسن فريق واقوى دوري ...الخ |
اولا ياهلا والله وسهلا بجبل عمر في هالقسم ..
اذا انت حقاني ولاتحب اللف والدوران شجع العالمي (النصر ) واذا انت .... على حق وعلى باطل شجع الهلال واذا انت تحب تستمع باللعب شجع الاتحاد واذا تبي كل واحد ولا احد يدري عنك شجع الشباب وبما انك ماتبي السكري والرائد وتبي تكون سيدا ولاتحب اللف والدوران وقلب الامووور وراسك دائما مرفوع بالحق وليس بالباطل شجع العااااااالمي الاصفر البراق ( النصر ) تشكرات ... |
من الردود
تعرف مدى كره الاندية ومدى مشجعيها وانت الحكم |
| الساعة الآن 08:13 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة