|
كيف يطمئن قلبي ويأمن روعي ؟
زميله لي وصديقة حميمة .. طُلقت وهي من الرياض وطليقها من القصيم .. ومعها منه ابنه عمره سنة و8شهور ..
تقدم لها شاب ليس معه أمرأة ... يفوق شباب عصره أخلاق ودين وورع و.. ورضي بها وبابنتها في الحقيقة لم ترفض ولم تقبل .. بقيت ابنتها أمام ناظريها .. كيف تأمن وتضمن أن تبقى ابنتها بجانبها .. وتعرفون المُطلق وكيف يتحين الفرص ليفجع ابناء طليقته ليس حبا وكرامه ولكن .. هو الشيطان .. وكيف تأمن .. وهي تخاف أن تؤخذ ابنتها .. وليس همًا بقدر أن أهل ابنتها غرباء عنها فلم يروها مذ ولادتها .. الرفض مستحيل لأن أهلها يجبرونها على الزواج لاسيما وهي عشرينيه .. والموافقه تعتبر مجازفه .. مع العلم أنها لو بقيت ما بقيت ففي سن معينه ربما تؤخذ ابنتها فهي لاتخير كالأبن .. كيف كيف فهي في حاله نفسه غير مستقره ، وتفكير دائم .. أرجووووكم .. كيف يرتاح الإنسان في بحر القضاء والقدر ويؤمن ويأمن بكل ما فيه حلوه ومره .. |
خليها تستخير وبنتها ان جلست معها بركة
واتحدى ابوها ياخذها حبيبتى الرجال هالوقت مايتحملون عيالهم وامهم معهم شلون طفلة بدون ام كان غيرة اشطر اهم شى لاتبين انها تبي البنت علشان ماتصير مسمار جحا |
والله ياانجل
انتي سألتي وجاوبتي.. الحل انها تتزوج وماتلتفت ورى والبنت بيجي يوم ياخذها ابوها وتكون الفرصه ربما فاتت على صديقتك.. خاصه ان الرجل كفؤ زي ماتقولين.. الله يوفقها ويسعدها. |
الله يسعدكن.. أنا أرشدتها تقرأ ردودكن ..
والمسلم أخو المسلم ينصره ، ولا يخذله .. والكلمة الطيبة كشجرة طيبه .. أسأل الله أن يجزاكن أحسن الجزاء .. ويكفي مساندتكن بالكلمة .. فموسى شد إزره أخيه هارون بالكلمة وأنتن وزيرات لي .. أشرككن في أمرها .. لعلها تجد كلامكن بردا وسلاما |
الأستخاره أهم شي تستخييييييييير ( ما خاب من أستخار ) والله يكتب له اللي فيه الخير ويوفقه ويخلي له بنته ... آآآآآآآآآآآآآآآآآآآآآآمين |
جزاكن الله خير ع المشاركه الله يطمن قلوبكن ويأمن روعكن
|
الله يسعدها ويوقها
مصير االبنت تروح لابوها وبكرى تكبر وتتزوج وترجع لها لكن مطلقه وخطبها واحد على المواصفات اللي قلتي نارد من يرده والاول والاخير خليها تستخير |
اقتباس:
يحلف أن الله ساقه سوقا .. وهو لو يأشر بيده اشتراه الناس .. إمام ، وحافظ للقرآن ، وثلاثيني ، وعلى وظيفه ممتازه. وغير كذا مختلف عن الزوج الأول .. يعني لو به مئة عيب ما تقارن بزوجها الأول .. وهي حاولت تتراجع إلى أن تفطم ابنتها .. لكن ضغوط أهلها .. عليها من قبل هذا .. وهي نفسها على قناعه تامه .. تقدس الحياة الزوجيه .. وتؤمن بأن الزوج سكن .. فهي في حيره .. ومن جد .. لو ردوه هو ممكن يدفع أكثر وأكثر لأنه يقول أنا الله ساقني الله لكم بالرغم أن أمه وأخواته دائم في إلحاح عليه بالزواج .. بالرغم انهم سألوه قالوا تعرف أن عندها ابنه .. قال نعم .. تعرف أننا ممكن نتأخر بالرد نحاول نقنعها .. قال أنا صابر لكم أشهر لاجل تردون فعسى الله يشرككم في دعائكم .. ويكتب الأصلح .. |
يؤ ياعمري
على كذا خساره لها ترده فرضا ماقبلته بعدين بتجلس بننتها عندها الى 7 سنوات بعدين ياخذها ابوها وهي تاخذ ابو عيال وحريم الله يستر عليها يارب والاهم الاهم الاهم الاستخارهـ الاستخارهـ الاستخارهـ الله يوفقها يارب ويكتب لها مافيه الخير ويسخر لها .... |
استخااااااااااااااااااااارت تقول .. أحس بعدم ارتياااااااااااااااااح .. لقضية الزواج لا للزوج نفسه .. تخاف تبدأ المشاكل مع أبو ابنتها بخصوص البنت .. وتقول تمر قدامي صورة بنتي أبوها ماخذها وتبكي .. ومن ثم أهل بنتها عائله ما تخاف الله تبحث عن المشااااااااااكل ... وتكره التفاوض ..وتتفنن في الإيذاء ..وهي تقول والله لو راح يعزون بنتي ويراعونها ويتركون لي مجال أشوفها كل فتره يهون الأمر ... والقصيم عن الرياض 300 كيلو ... .. لكن الله ييسر .. ويجيء الفرج من السماء .
|
[align=center]خليها تستخير وتدعي الله من قلب لدرجة انها تبكي وهي تدعي
ومعروف دعاء الاستخاره انها توكل الله امرها وان اذا في هالرجال خير لها يقربه الله وتتيسر امورها واذا فيه شر لها بينتهي الموضوع بدون ماتحس بندم وقولي لها لاتيأس من رحمة الله فمن يتوكل على الله فهو حسبه ((وعسى ان تكرهوا شيئا وهو خيرا لكم)) صدقيني مافي غير الدعاء من قلب وبحرقه تتيسر امورها وبتحس بالراحه والله يوفقها ويكتب لها اللي فيه خير ويرزقها الزوج الصالح وخليها تقول هذا الدعاء مره حلوو اللهم سخر لي قلب من احوجتني إليه واكفني بفضلك شر من يقدر علي ولا أقدر عليه[/align] |
بنتها مأخوذه منها مأخوذه .. الحين والا بعد ماتكبر !!
لا تضيع فرصة حلوه عشان شي بيصير اصلاً الله يوفقها ويطمن قلبها فبنتها |
اقتباس:
ياااااااااااااااااااارب إ ن هؤلاء أخوات صدق لي فاجعلهن على منابر من نور ، وآمن روعهم يوم الفزع الأكبر ، وثبت أقدامهن على الصراط كلامك يطمن القلب .. ويريحه هي تقرأ الردود .. عسى الله أن يكتب الخير للجميع |
اقتباس:
لكن الأسره كل العائله أولاد .. وعصر دشوش .. ومحترفه في إيذاء أمها ..وزميلتي تخاف من حرمانها من ابنتها ، والبنت صغيره بعد لِمَ تفجع البنت قبل الأم تخيلي ابنك تتركينه عند ناس غرباء ويبكي ولا من مجيب .. من يحل أسئلة الطفل ويجيب دموعه .. لو تعرف أهلها وتؤمن أن هذا أبوها لكن سنتين الطفله ما تستوعب .. وكثير حصل مواقف فيها شراسه لقريبه لي لدرجة أنها 9 شهور ماشافت ابنها وبنتها الولد سنتين والبنت 5 سنوات .. هي من الرياض وهو من القصيم .. والله العظيم اللي بيشهد على ما أقول رجع الولد يده مكسوره والشعر منتف والبنت مريضه .. ولا فيه أي منظمه تتعامل بإنسانيه وتروح تشوف الأب لم أخذ أولاده .. وهل هو كفء ؟ وواحده أخرى ابنتها نومت المستشفى لما أخذها أبوها وترك معها الخدامه ، ومن ثم نومت العنايه المركزه لوحدها .. ومطالبات للقضاء يتفهم أن البنت مريضه بفقد أهلها اللي تربت عندهم ... لكن القضاء هو المشرع الوحيد الحضانه على الأب لو تموت البنت جزع وهلع الا في حالات يكون الأب عليه أشياء مخله وووو.. يعني لا تعني شيء دموع الطفل عند القضاء |
وجهة نظري رفض مثل هذا الزوج غلط .., وخساره على البنت المخطوبه .
أميل إلى أن توافق عليه بشرط ( السؤال عنه أولاً ) وهل هو فعلاً مناسب أم لا ..,؟ وبعيداً عن العاطفه . أيضا . بالنسبه لبنته ماراح تبتعد عن أمه وهي أقل من سبع سنوات .., وأقترح في حالة أن طلب أبوها البنت أن يكون ذلك عن طريق المحكمه فهي أضمن في حفظ حق الأم وحق رعاية أبنتها . وقد ترفض المحكمه تسليم الأب البنت إذا قدمت الأم مايدل فعلاً على أنه غير مناسب كما تقولين ..,؟! الله يوفقها للصالح و ييسر لها أمرها ويطمن قلبها على نفسها وبنتها .. وجميع المسلمين . آمين يارب . تحياتي .,’ |
| الساعة الآن 07:23 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة