|
## عاجل ## عاجل ## أبي مساعدة إنسانية ##
[align=center]بسم الله الرحمن الرحيم
اصعب شي على الزوجة سماع خبر او طرف خبر عن زواج ابو عيالها خاصة اذا كثرو الحموات عندها انا مصدومة ياناااااااااااس ما ادري وش اسوي !!!!!!!!!!!!! انا لي عادة وشي طبيعي جداا اتصفح جوال الوالد واشوف وش الجديد عنده في الرسائل وخاصة رسائل التهنئة برمضان ،،،،،،،،،، لكن انفجعت في رسالة في صندوق الوارد نصها " طحين - لحم مفروم - بف بستري - جبن كيري - عجينة سمبوسة سويتز - ....... الخ . على طول يوم شفتها توقعت انها رسالتي اللي ارسلتها بس للأسف شفت الرقم والأغراض فتلاشت الفكرة تماما رحت لأختي وماقدرت اقولها شي شافتني مرتبكة وحست فيه شي بس انا ما قلت لها ولا يمكن اقول لاني اعرف الصدمة اللي تبي تصير لأمي واختي للحين مذهولة مني ومن تصرفي انا ابي احد من البنات او الرجال اللي عندهم قدرة على مساعدتي يتفضل وبسرعة لاني متلخبطة ومادري وش اسوي علماً ان الوالد عمره ما نام خارج البيت بس ابي افهم وش قصة الرسالة ؟؟؟؟[/align] |
الله يعنيك
|
لا يجوز تفتيش جوال والدك الا باذنه وعلمه .... ادباً يعني
ثانياً عليك أحسان الظن بالآخرين .... فربما كانت الرسالة من سيدة قد تكفل والدك برعايتها أو من قريبه ... فكل شي جائز .... ثالثاً حتى اذا كان والدك قد تزوج زوجة أخرى بالأولى كتمان سر والدك لمصلحة أمك وأهلك ...ز ___ يقال أن سيدة قد علمت أن زوجها قد تزوج عليها زوجة أخرى مسياراً فاشتكت إلي أمها صاحبة الخبرة طالبة منها المساعدة فاشارت عليها أمها بأن تجعل الأمور على طبيعتها ولا تشعر الزوج بعلمها بزواجه ... فما دام أنه يقضي كل ليلة عندها خيراً من أن تواجهه في زواجه ومن ثم يخصص لكل زوجة ليلة ... تحياتي ,,, |
الأمر أبسط من البسيط بل هو البساطة
أولاًَ قد وما أدراك ما قد لابد أن تُأخذ بالحسبان يعني قد تكون رسالة بالخطأ، قد تكون ممن تكفل برعايتهم، قدر تكون زوجته طيب زوجته مازال في ساحة البراءة وفي ساحة لم يفعل شيء غلط بقي كيف تحمل أمكم الصدمة من الحكمة إذا كان متزوج وهو يقضي كل يومه وليله عندكم أن لا يتم التنبيش حتى لا تخسرون يومكم وليلتيكم إذا كنتم كبار بالسن وتعلمون صدمة أمكم فلن يخفف روعة الصدمة غير الأبناء أعطيكِ مثال حصل لأحد زملائي مليء بالحكمة والحنكة والدهاء ولم الشمل يقول نحن ثلاثة أبناء أصغرهم أنا وعمري 23 وأكبر إخواني عمره 29 وأربع خوات أصغرهن عمرها 26 يقول علِمنا بزواج أبي من فتاة عمرها 23 سعودية ففور علم أخي الكبير جمع أخواتي وقال لهن بلهجة شديدة يا ويل ويا سواد ليل ألي تصايح عندي أمي، أو تشبه، أو تقعد تلوم أبوي عند امي يقول قرر أخي أن نجتمع نحن السبع عند أمي وأخبرناها بالخبر ووقفنا معها وأن الأمر عادي وطبيعي وهذا حق من الحقوق الشرعية وأنتي يمه ما قصرتي وبتبقين أنتي الغالية نعرف أبونا ما لع غنى عنتس يقول زرقناه لين خلينا تخق يقول ثلاثة أيام هي فترة الحزن والآن حالنا زي الفل المشكلة الأبناء هم من يؤججون الأم وهم من يفرقون شاتت الأسرة وبغض إخوتهم من أبيهم لعل هذا القصة تكون درساً للجميع ولكِ خاصة |
طلبات رمضانيه ..
يمكن واحد من خويا الإستراحه :) أعتقد أنك بحاجه للتنبيه بطريقه غير مباشره لوالدك بعدم ترك جواله مفتوح لكي لايقع في يد والدتك وتكون المشكله أكبر . بعدها يمكن بحث الطريقه المناسبه للوصول لأسلم الحلول |
رحال قال مافي الخاطر نعم عيب ان تفتشي جوال والدك ثانيا ربما هي اغراض لعئلة قد تكفل بها والدك لعائلة فقيرة وانا اعرف اشخاص جوالتهم مليئة بمثل هذه الرسائل من عوائل فقيرة هل يعني انهم متزوجون على نسائهم انا وانا ما اعرست عندي رسائل منها تجيني يحسبوني الراجحي اجل لو تشوف امي الرسالة وش تبي تقول ؟ نبهتيني اروح امسحها اذا هذي عقول الحريم على طول راحت للعرس |
[align=center]وش فيها عاد إذا صارت زوجه ثانيه ماهوب حلال
أجل ليش الإرتباك وعدم الرضا إذا ماقصر بحقكم وعادل وش تطلبونه الشرع أحل له أربع زوجات والا ماهوب معجبكم شرع الله توقعوا أسوأ الإجتمالات حتى تهون عليكم المصيبه ( إن صح التعبير ) مع جزمي الشديد أن الأمر خلاف ما تتوقعون!!!!!!!!!!!!!!!!!! وتفتيش الجوال بدون إذن تراه مثل الدخول بدون استئذان[/align] |
شوفي القضية جدا سهلة اولاَ يجب ان تكوني هادئـــة جدا. ثانيا عليك مصارحة والدك بالحقيقة والتفاهم معه والتحاور حول الاسباب التي جعله يتزوج على امــــك ( اذا افترضنا ان هذا ما وقــــــع) .!! ثالثا تستطيعين انت بالذات هدم المنزل او العكس ( لم شمل الاســـرة )!! رابعاَ هي ليست مشكــــلة من الاساس ولكنك تنقيبك هو المشكل! خامساَ هل تتوقعين ان والدتك لاتعرف ذلك ...!! ان النساء من اخبث الخلق في معرفـــة مايدور ومايحوم ومايجول حول فحلهــــــــــا.!! الله يكون بعونك يا اختي الصغيرة اقول صغيرة لاني اكاد اجزم ان سنك لايتعدى 15 سنة وعقلك فوق 20 سنة. وبذلك كوني انتي الاكبر دوماَ واذهبــــي وصارحي والدك!! بالتوفيــــــــــــــــــــــــــق |
[align=center]مشكورين على المشاركات الطيبة والله لا يحرمكم الأجر ،،،
لي تعليق على بعض الأخوان : اللي قالو لي ان تفتيش جوال الوالد عيب واني غيري مؤدبه ياأخوان الموضوع عادي جدا وابوي يقولي دائم اتصلي على فلان يقصد احد اخواني ومن جواله يقولي خذي جوالي شوفي الرسالة اللي جتني وش فيها الوالد على قده في مواضيع الجوال والكمبيوتر وشي عادي جداا افتش جواله وهو عندي والا مب عندي واتمنى اكون وضحت الوضع بشكل جيد وانا توكلت على الله وابي اسكت لمين الله يكتب اللي فيه الصالح وابي اسوي نفسي ما شفت شي ،،،، بس الله يخليكم اللي عنده تجربه يقولها لاني احترق بداخلي ما ادري متى يطلع مني شي واشكر الجميع[/align] |
اقتباس:
عزيزتي..هذا دليل أن الوالد غير متزوج..احتمال هذا الشيء ضعيف.. دامه يقولك..شوفي وردي..وكذا..أبوي مثل طبع ابوك بالضبط..نظره ضعيف بيقولي انا أقرأ له الرسائل..هذا دليل ثقة بعد..فلا تخربين وتسوين بالبيت حوسه.. عادي مثل ما قالوا الأخوان..بالغلط..جت الرسالة..او احد يبي منه هالطلبات ليس بالضرورة زوجته الثانية..مع انه من حقه.. بس انت هدي على الآخر..وشوفي لك فرصة..تكوني والوالد بروحكم.. سوي روحك على نياتك..وقولي( يبه شوف مدري واحد من ربعك يبي منك طلبات..وش بتطبخون ..أو يبه جتك رسالة بالغلط يبون منك طلبات..انت ناقص :) وشوفي ردة فعله وتعابير وجهه..) اذا تخافين وتحسين بتخبصين الدنيا..اسكتي احسن ولا تخلين احد يدري اهم شي الوالدة..بس الشك مو زين حاولي بجس النبض..بهدوء نفذي الحركة هذي..دون ما حد يدري وقفلي على الموضوع.. واغلب الظن..ما فيه من هالتفكير شي..الوالد بسبحانيته..مايدري بشي لا تشيلين هم..ومبارك عليك رمضان :for12: |
اسالي والدك فقد يكون هو مهموم اكثر منك فلربما بسؤالك له عن الرساله تشيلي كل الهموم عن قلب والدك !
لن تجدي جواب مريح لك الا من والدك فكل كلامنا وتوقعاتك تبقى اجتهادات قد تصيب وقد تخطي ! يبه ودي اسألك سؤال وياليت تجيبني لكي ارتاح ماقصة هذه الرساله ؟ فقط بهذا السؤال تنحل كل همومك انشاءالله , |
لا لا الله يصلحك ريحي بالك مااهناا الا الخير باذن الله...((صايره عجوز..
اختي هونيها وتهون وانا اختك... خلى الظن الحسن يغلب على تفكيرك وابعدي الشيطاان عنك...ونفس ماقالوا الاخوان يمكن طلباات لاسره كافلهاا او لاستراحه.. |
اعتقد ان والدك يحب الخير
وقد يكون يعول اسرة محتاجة وش من ذا القبيل |
[align=center]حبيبتي هند الوفاء كل عام وانتي بخير ورمضان مبارك عليك
الحمدلله انا احسن من الصبح بكثير وهذا بفضل الله وبتوجيهات الأعضاء في المنتدى ولا انكر دور اختي مع انها للحين ما اتدري وش السالفة مصرفتها بسالفة صارت لي في النت وقايله لها انها مضيقة صدري اختي هند ،،،، ماادري كأني فهمت من كلامك انك مريتي في تجربة زي هذي والا انا غلطانة ياليت تقولي لي ياقلبي اختي تالا العجوز لوووووول الله يسلمك انا بخير الحمدلله محسنة الظن للحين والله يستر من اللي جاي شكرا عاشق ديرتي و عموري على مشاركتكم لي[/align] |
بسم الله
أولاً هدي بالك ثانيا مافي الرسالة ما يؤكد الزواج ثالثا نفترض أنه متزوج و له بيت ثاني .. هو عمل أقل الأضرار ولازال مهتم في مشاعركم وهذا يؤكد أنه أب طيب وتهمه أسرته رابعاً لا تتورطي في هز أسرتك بالكلام دعي الأيام تفصح عما بها ويتولى والدك تاكيد الأمر إن وجد خامسا ربي يكون بعونك أنتي وأمك وأخوانك مو سهل زواج الأب لكن اللي يخفف اتزانه العقلي والنفسي ولم يظهر عليه سادسا إذا أمك ماعرفت وهو متزوج فأبوك معذور ! سابعا ماكان الرفق في شئ إلا زانه ثامنا في الغالب أن التعدد وخاصة المسيار يفشل وهذا احتمال يقلل من خوفكم وألمكم |
| الساعة الآن 09:30 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة